ਅੰਮ੍ਰਿਤਸਰ:ਖ਼ਾਲਸਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਰਣਜੀਤ ਐਵੀਨਿਊ ਵੱਲੋਂ ਪੰਜਾਬ ਐਨਰਜੀ ਡਿਵੈਲਪਮੈਂਟ ਏਜੰਸੀ, ਪੰਜਾਬ ਸਰਕਾਰ ਦੇ ਸਹਿਯੋਗ ਨਾਲ ‘ਰੂਫਟੋਪ ਸੋਲਰ ਸਿਸਟਮ ਅੰਡਰ 100% ਰੀਨਿਊਏਬਲ ਐਨਰਜੀ ਸਿਟੀ ਪ੍ਰੋਜੈਕਟ’ ’ਤੇ ਜਾਗਰੂਕਤਾ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਸਬੰਧੀ ‘ਮਨਿਸਟਰੀ ਆਫ਼ ਨਿਊ ਐਡ ਰੀਨਿਊਏਬਲ ਐਨਰਜੀ, ਭਾਰਤ ਸਰਕਾਰ’ ਵੱਲੋਂ ਵੀ ਸਹਿਯੋਗ ਦਿੱਤਾ ਗਿਆ।
ਇਸ ਮੌਕੇ ਕਾਲਜ ਡਾਇਰੈਕਟਰ ਡਾ. ਮੰਜੂ ਬਾਲਾ ਨੇ ਮੁੱਖ ਮਹਿਮਾਨ ਵਜੋਂ ਉਚੇਚੇ ਤੌਰ ’ਤੇ ਪੁੱਜੇ ਸੀਨੀਅਰ ਵਾਈਸ ਚੇਅਰਮੈਨ ਸ੍ਰੀ ਰਵੀ ਮੋਹਨ ਕਪੂਰ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਅਜਿਹੇ ਜਾਗਰੂਕਤਾ ਕੈਂਪ ਬਹੁਤ ਹੀ ਮਹੱਤਵਪੂਰਨ ਹਨ। ਕਿਉਂਕਿ ਅੱਜ ਦੇ ਦੌਰ ’ਚ ਪੂਰਾ ਵਿਸ਼ਵ ਊਰਜਾ ਸੰਕਟ ਦਾ ਬੁਰੀ ਤਰ੍ਹਾਂ ਸਾਹਮਣਾ ਕਰ ਰਿਹਾ ਹੈ। ਇਸ ਲਈ ਇਹ ਬਹੁਤ ਜ਼ਰੂਰੀ ਅਤੇ ਸਮੇਂ ਦੀ ਜਰੂਰਤ ਹੈ ਕਿ ਅਜੋਕੇ ਵਿਦਿਆਰਥੀਆਂ ਨੂੰ ਇਸ ਸਬੰਧੀ ਜਾਗਰੂਕ ਕੀਤਾ ਜਾਵੇ ਤਾਂ ਜੋ ਉਹ ਸੋਲਰ ਐਨਰਜੀ ਦੇ ਉਪਯੋਗ ਨੂੰ ਸਿੱਖ ਸਕਣ।
ਇਸ ਮੌਕੇ ਸ੍ਰੀ ਕਪੂਰ ਨੇ ਕਿਹਾ ਕਿ ਅੰਮ੍ਰਿਤਸਰ ਸ਼ਹਿਰ ਦੀ 650 ਮੈਗਾ ਵਾਟ ਊਰਜਾ ਪ੍ਰਤੀ ਦਿਨ ਖਪਤ ਹੈ ਅਤੇ ਇਸ ਖਪਤ ਨੂੰ ਸੋਲਰ ਐਨਰਜੀ ਦੀ ਵਰਤੋਂ ਨਾਲ ਬਹੁਤ ਹੀ ਅਸਾਨੀ ਨਾਲ ਪੂਰਾ ਕੀਤਾ ਜਾ ਸਕਦਾ ਹੈ।
ਇਸ ਮ”ੌਕੇ ਸ੍ਰੀ ਕਸ਼ਿਤਿਜ ਵਿਸ਼ਨੋਵ, ਸਿਟੀ ਕੋ—ਆਰਡੀਨੇਟਰ ਏ. ਐਚ. ਏ. ਸੋਲਰ (ਕੰਸੋਲੀਡੇਂਟ ਆਫ਼ ਪੇਡਾ) ਨੇ ਸੰਬੋਧਨ ਕਰਦਿਆਂ ਵਿਦਿਆਰਥੀਆਂ ਨੂੰ ਸੋਲਰ ਪਲਾਂਟ ਦੀ ਇਕ ਘੰਟੇ ਸੈਸ਼ਨ ਦੀ ਵਰਤੋਂ ਪ੍ਰਤੀ ਸਿਧਾਂਤਕ ਜਾਣਕਾਰੀ ਦਿੱਤੀ। ਇਸ ਉਪ੍ਰੰਤ ਸ: ਸ਼ੈਲਿੰਦਰ ਸਿੰਘ, ਪ੍ਰੋਜ਼ੈਕਟ ਅਫਸਰ ਏ. ਐਚ. ਏ. ਸੋਲਰ ਨੇ ਵਿਦਿਆਰਥੀਆਂ ਨੂੰ ‘ਪ੍ਰੋਡੰਕਸ਼ਨ ਆਫ਼ ਸੋਲਰ ਐਨਰਜੀ ਐਟ ਦੀ ਰੋਫਟੋਪ ਆਫ ਦੀ ਕਾਲਜ’ ਜੋ ਪਹਿਲਾਂ ਹੀ ਕਾਲਜ ਦੀਆਂ ਛੱਤਾਂ ’ਤੇ ਇੰਸਟਾਲ ਕੀਤੇ ਹਨ, ਬਾਰੇ ਜਾਣਕਾਰੀ ਦਿੱਤੀ। ਇਸ ਸੈਸ਼ਨ ਮੌਕੇ ਕਰੀਬ 87 ਵਿਦਿਆਰਥੀਆਂ ਨੇ ਹਾਜ਼ਰੀ ਭਰੀ।
ਇਸ ਦੌਰਾਨ ਖਾਲਸਾ ਕਾਲਜ ਗਵਰਨਿੰਗ ਕੌਂਸਲ ਦੇ ਆਨਰੇਰੀ ਸਕੱਤਰ ਸ: ਰਜਿੰਦਰ ਮੋਹਨ ਸਿੰਘ ਛੀਨਾ ਨੇ ਡਾਇਰੈਕਟਰ ਅਤੇ ਕੋਆਰਡੀਨੇਟਰ ਨੂੰ ਉਕਤ ਉਲੀਕੇ ਪ੍ਰੋਗਰਾਮ ਲਈ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਸਰਕਾਰ ਦੇ ਸਹਿਯੋਗ ਨਾਲ ਕਰਵਾਉਣੇ ਬਹੁਤ ਸਹਾਈ ਸਿੱਧ ਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਵਾਤਾਵਰਣ ਦੀ ਸੰਭਾਲ ਅਤੇ ਬੇਹਤਰੀ ਲਈ ਵਿਵਹਾਰਕ ਰੂਪ ’ਚ ਲਾਗੂ ਹੋਣੇ ਵੀ ਬਹੁਤ ਲਾਜ਼ਮੀ ਹਨ। ਇਸ ਮੌਕੇ ਸ੍ਰੀ ਯਸ਼ਪਾਲ ਜ਼ਿਲਾ ਮੈਨੇਜ਼ਰ, ਪੇਡਾ, ਡਾ. ਜੁਗਰਾਜ ਸਿੰਘ ਡਿਪਟੀ ਡੀਨ (ਟੇ੍ਰਨਿੰਗ ਐਡ ਪਲੇਸਮੈਂਟ), ਸ੍ਰੀ ਪੀ. ਪ੍ਰਸ਼ਾਦ (ਡਿਪਟੀ ਡੀਨ, ਇੰਡਸਟਰੀ ਐਡ ਅਕਾਦਮਿਕ), ਇੰਜ਼: ਸੰਦੀਪ ਸਿੰਘ, ਇੰਜ਼ ਵਿਨੋਦ ਮਹਾਜਨ, ਮਨਜੋਤ ਕੌਰ, ਪਰਮਿੰਦਰ ਕੌਰ, ਸੁਖਮਨਜੀਤ ਕੌਰ, ਰਵਿੰਦਰ ਕੌਰ ਹਾਜਰ ਸਨ।