ਚੰਡੀਗੜ੍ਹ : ਸੈਕਟਰ - 34 ਵਿਚ ਐਕਸਿਸ ਬੈਂਕ ਦਾ ਏਟੀਐਮ ਤੋੜਨ ਦੀ ਕੋਸ਼ਿਸ਼ ਕੀਤੀ ਗਈ। ਸੈਕਟਰ - 34 ਥਾਣੇ ਦੀ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਪੁਲਿਸ ਹੁਣ ਏਟੀਐਮ ਵਿਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਵੀ ਸਕੈਨ ਕਰ ਰਹੀ ਹੈ ਤਾਂ ਜੋ ਮੁਲਜ਼ਮਾਂ ਦਾ ਪਤਾ ਲਗਾਇਆ ਜਾ ਸਕੇ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਸ਼ਨੀਵਾਰ ਸਵੇਰੇ ਜਦੋਂ ਪੁਲਿਸ ਕੰਟਰੋਲ ਰੂਮ ਨੂੰ ਸੂਚਨਾ ਮਿਲੀ ਕਿ ਕਿਸੇ ਨੇ ਏਟੀਐਮ ਤੋੜਨ ਦੀ ਕੋਸ਼ਿਸ਼ ਕੀਤੀ ਹੈ |
ਇਸ ਮਾਮਲੇ 'ਤੇ ਟੀਮ ਨੇ ਮੌਕੇ' ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕੀਤੀ। ਜਾਂਚ ਦੌਰਾਨ ਫੁਟੇਜ ਨੂੰ ਵੇਖਦਿਆਂ ਇਹ ਪਾਇਆ ਗਿਆ ਕਿ ਤਿੰਨ ਵਿਅਕਤੀ ਏਟੀਐਮ ਵਿਚ ਦਾਖਲ ਹੋਏ ਸਨ। ਉਸ ਤੋਂ ਬਾਅਦ ਉਹੀ ਤਿੰਨ ਲੋਕ ਜਾਂਦੇ ਵੇਖੇ ਗਏ। ਹਾਲਾਂਕਿ, ਏਟੀਐਮ ਫੁਟੇਜ ਦੇ ਅੰਦਰ, ਇਸ ਬਾਰੇ ਕੁਝ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਉਨ੍ਹਾਂ ਨੇ ਏਟੀਐਮ ਨੂੰ ਤੋੜਨ ਦੀ ਕੋਸ਼ਿਸ਼ ਕੀਤੀ ਹੈ | ਹੁਣ ਪੁਲਿਸ ਆਸੇ ਪਾਸੇ ਲੱਗੇ ਹੋਏ ਕੈਮਰਿਆਂ ਦੀ ਫੁਟੇਜ ਸਕੈਨ ਕਰ ਰਹੀ ਹੈ ਤਾਂ ਕਿ ਦੋਸ਼ੀ ਨੂੰ ਫੜਿਆ ਜਾ ਸਕੇ।
ਸ਼ਾਤਿਰ ਨਕਾਬਪੋਸ਼ ਆਰੋਪੀ ਏਟੀਐਮ ਅੰਦਰ ਘੁਸੇ | ਫਿਰ ਸਭ ਤੋਂ ਪਹਿਲਾਂ ਮੁਲਜ਼ਮ ਨੇ ਏਟੀਐਮ ਦੇ ਅੰਦਰ ਲੱਗੇ 6 ਸੀਸੀਟੀਵੀ ਕੈਮਰੇ ਦੇ ਉੱਪਰ ਟੇਪ ਲਗਾ ਕੇ ਨਗਦੀ ਕੈਸ਼ ਨਿਕਾਲਣ ਦੀ ਕੋਸ਼ਿਸ਼ ਕੀਤੀ | ਜਦੋਂ ਮੁਲਜ਼ਮ ਵੱਲੋਂ ਏਟੀਐਮ ਵਿੱਚੋਂ ਨਗਦੀ ਕੈਸ਼ ਬਾਹਰ ਨਹੀਂ ਆਇਆ ਤਾਂ ਮੁਲਜ਼ਮਾਂ ਨੇ ਏਟੀਐਮ ਮਸ਼ੀਨ ਨੂੰ ਪੂਰੀ ਤਰ੍ਹਾਂ ਡੈਮੇਜ਼ ਕਰ ਦਿੱਤਾ | ਜਦ ਕਿ ਏਟੀਐਮ ਦੀ ਸੇਫ 'ਚ ਰੱਖੀ ਨਗਦੀ ਬੱਚ ਗਈ ਕਿਉਂਕਿ ਸੇਫ 'ਚ ਕਰੀਬ ਤਿੰਨ ਲੱਖ ਤੋਂ ਉੱਪਰ ਦੀ ਨਗਦੀ ਸੀ |
ਦੱਸ ਦਈਏ ਕਿ ਬਦਮਾਸ਼ ਮੁਲਜ਼ਮ ਦੁਆਰਾ ਬੈਂਕ ਦੇ ਕਈ ਏ.ਟੀ.ਐੱਮ. 'ਤੇ ਸੁਰੱਖਿਆ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ, ਜਦਕਿ ਕੁਝ ਏ.ਟੀ.ਐੱਮ. ਦੇ ਬਾਹਰ ਸੁਰੱਖਿਆ ਕਰਮਚਾਰੀ ਨਹੀਂ ਹੁੰਦੇ, ਜਿਸ ਕਾਰਨ ਇਹ ਘਟਨਾਵਾਂ ਵਾਪਰਦੀਆਂ ਹਨ। ਇਸ ਤਰ੍ਹਾਂ ਦੀ ਘਟਨਾ ਸੈਕਟਰ -34 ਸਥਿਤ ਐਕਸਿਸ ਬੈਂਕ ਦੇ ਏਟੀਐਮ ਤੇ ਸੁਰੱਖਿਆ ਕਰਮਚਾਰੀ ਤਾਇਨਾਤ ਨਹੀਂ ਸੀ | ਅਗਰ ਸੁਰੱਖਿਆ ਕਰਮਚਾਰੀ ਹੁੰਦਾ ਤਾਂ ਏਟੀਐਮ ਮਸ਼ੀਨ ਡੈਮੇਜ਼ ਨਾ ਹੁੰਦੀ |