ਗੁਰਦਾਸਪੁਰ:ਥਾਣਾ ਸਿਟੀ ਨੇ ਗੁਰਦਾਸਪੁਰ ਸ਼ਹਿਰ ਦੇ ਇੱਕ ਮਸ਼ਹੂਰ ਦੁਕਾਨਦਾਰ ਨੂੰ ਵੱਡੀ ਮਾਤਰਾ ਵਿੱਚ ਅਫੀਮ ਸਮੇਤ ਕਾਬੂ ਕੀਤਾ ਹੈ। ਦੋਸ਼ੀ ਖ਼ਿਲਾਫ਼ ਥਾਣਾ ਸਿਟੀ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਦੋਸ਼ੀ ਦੀ ਪਛਾਣ ਰਛਪਾਲ ਸਿੰਘ ਉਰਫ ਸੇਠੀ ਪੁੱਤਰ ਕੰਸ ਰਾਜ ਵਾਸੀ ਮੁੱਹਲਾ ਸੇਕੇਟਰੀ (ਗੁਰਦਾਸਪੁਰ) ਵਜੋਂ ਹੋਈ ਹੈ।
ਐਸਐਸਪੀ ਗੁਰਦਾਸਪੁਰ ਡਾ: ਰਜਿੰਦਰ ਸਿੰਘ ਸੋਹਲ ਨੇ ਦੱਸਿਆ ਕਿ ਮਿੱਲੀ ਗੁਪਤ ਸੂਚਨਾ ਮੁਤਾਬਿਕ ਪੁਲਿਸ ਨੇ ਪੰਡੋਰੀ ਰੋਡ ਬਾਈਪਾਸ ਨੇੜੇ ਇੱਕ ਵਿਅਕਤੀ ਨੂੰ ਚੇਤਕ ਸਕੂਟਰ (ਪੀਬੀ -06-ਬੀ-0779) ‘ਤੇ ਆਉਂਦੇ ਵੇਖਿਆ। ਤਲਾਸ਼ੀ ਦੌਰਾਨ ਸਕੂਟਰ ਦੀ ਅਗਲੀ ਡਿੱਗੀ ਵਿਚੋ 5 ਕਿਲੋ 100 ਗ੍ਰਾਮ ਅਫੀਮ ਬਰਾਮਦ ਹੋਈ। ਇੱਥੇ ਦੱਸਣਯੋਗ ਹੈ ਕਿ ਦੋਸ਼ੀ ਗੁਰਦਾਸਪੁਰ ਦੀ ਮਸ਼ਹੂਰ ਦੁਕਾਨ ਸੇਠੀ ਫੋਟੋਸਟੈਟ ਚਲਾਉਂਦਾ ਹੈ। ਦੋਸ਼ੀ ‘ਤੇ ਇਸ ਤੋਂ ਪਹਿਲਾਂ ਵੀ 31 ਮਈ 2003 ਨੂੰ 3 ਗ੍ਰਾਮ ਹੈਰੋਇਨ ਤਹਿਤ ਮੁਕੱਦਮਾ ਦਰਜ ਸੀ। ਉਹਨਾਂ ਨੇ ਦੱਸਿਆ ਕਿ ਦੋਸ਼ੀ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਲਿਆ ਜਾਵੇਗਾ ਅਤੇ ਪੁੱਛਗਿੱਛ ਕੀਤੀ ਜਾਵੇਗੀ ਕਿ ਉਹ ਕਿਸ ਪਾਸੋ ਅਫੀਮ ਲੈ ਕੇ ਆਉਦਾ ਹੈ ਅਤੇ ਅੱਗੇ ਕਿਸ ਕਿਸ ਨੂੰ ਸਪਲਾਈ ਕਰਦਾ ਹੈ।