ਜਲੰਧਰ: ਦੋ ਵਾਰ ਓਲਿੰਪਿਕ ਵਿਚ ਮੈਡਲ ਜਿੱਤਣ ਵਾਲਾ ਪਹਿਲਵਾਨ ਸੁਸ਼ੀਲ ਕੁਮਾਰ ਜੋ ਕਿ ਪਿਛਲੇ ਦੋ ਹਫਤੇ ਤੋਂ ਭਗੋੜਾ ਸੀ ਅੱਜ ਦਿੱਲੀ ਪੁਲਿਸ ਵਲੋਂ ਜਲੰਧਰ ਤੋਂ ਗਿਰਫ਼ਤਾਰ ਕਰ ਲਿਆ ਗਿਆ ਹੈ | ਪੁਲਿਸ ਨੂੰ ਸਾਗਰ ਧਨਖੜ ਨਾਮੀ ਸਾਬਕਾ ਅੰਤਰ ਰਾਸ਼ਟਰੀ ਪਹਿਲਵਾਨ ਦੇ ਕਤਲ ਦੇ ਸੰਬੰਧ ਵਿਚ ਸੁਸ਼ੀਲ ਕੁਮਾਰ ਦੀ ਭਾਲ ਸੀ |
ਸੁਸ਼ੀਲ ਕੁਮਾਰ ਨੂੰ ਉਸਦੇ ਸਾਥੀ ਅਜੈ ਕੁਮਾਰ ਦੇ ਨਾਲ ਜਲੰਧਰ ਤੋਂ ਗਿਰਫ਼ਤਾਰ ਕੀਤਾ ਗਿਆ ਹੈ| ਕਲ ਦਿੱਲੀ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਸੁਸ਼ੀਲ ਕੁਮਾਰ ਬਠਿੰਡਾ ਵਿਚ ਲੁਕਿਆ ਹੈ ਪਾਰ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਉਹ ਉਥੋਂ ਨਿਕਲ ਗਿਆ ਸੀ |
ਦਿੱਲੀ ਦੀ ਰੋਹਿਣੀ ਕੋਰਟ ਨੇ ਸੁਸ਼ੀਲ ਕੁਮਾਰ ਦੀ ਜਮਾਨਤ ਦੀ ਅਰਜੀ ਰੱਦ ਕਰ ਦਿੱਤੀ ਸੀ | ਦਿੱਲੀ ਪੁਲਿਸ ਨੇ ਸੁਸ਼ੀਲ ਦੀ ਗਿਰਫਤਾਰੀ ਲਈ ਇੱਕ ਲੱਖ ਰੁਪਏ ਦਾ ਇਨਾਮ ਵੀ ਐਲਾਨਿਆ ਸੀ |
ਬੀਤੀ ਚਾਰ ਮਈ ਨੂੰ ਦਿੱਲੀ ਦੇ ਛੱਤਰ੍ਸਾਲ ਸਟੇਡੀਅਮ ਵਿਚ ਦੋ ਗੁਟਾਂ ਵਿਚ ਝਗੜਾ ਹੋਇਆ ਸੀ ਜਿਸ ਵਿਚ ਧਨਖੜ ਦੀ ਮੌਤ ਹੋ ਗਈ ਸੀ|