ਫ਼ਰੀਦਕੋਟ:ਕੋਵਿਡ ਦੇ ਸਮੇਂ ਦੌਰਾਨ ਲੋਕਾਂ ਨੂੰ ਬਿਮਾਰੀਆਂ ਦੇ ਖਿਲਾਫ ਇਮਿਊਨਿਟੀ ਵਧਾਉਣ ਲਈ ਮਿਲਕਫੈਡ ਪੰਜਾਬ ਦੁਆਰਾ ਤਿਆਰ ਕੀਤਾ ਵੇਰਕਾ ਹਲਦੀ ਦੁੱਧ ਸ਼੍ਰੀ ਵਿਮਲ ਕੁਮਾਰ ਸੇਤੀਆ ਆਈ ਏ ਐਸ ਨੇ ਅੱਜ ਜਿਲਾ ਪ੍ਰਸ਼ਾਸ਼ਕੀ ਕੰਪਲੈਕਸ ਵਿਖੇ ਰੀ-ਲਾਂਚ ਕੀਤਾ । ਹਲਦੀ ਦੁੱਧ ਲਾਂਚ ਕਰਨ ਉਪਰੰਤ ਜਿਲਾ ਅਧਿਕਾਰੀਆਂ ਦੀ ਮੀਟਿੰਗ ਦੌਰਾਨ ਡਿਪਟੀ ਕਮਿਸ਼ਨਰ ਸ਼੍ਰੀ ਸੇਤੀਆ ਨੇ ਕਿਹਾ ਕਿ ਅਜੌਕੇ ਸਮੇਂ ਵਿੱਚ ਕੋਵਿਡ ਦਾ ਮੁਕਾਬਲਾ ਕਰਨ ਲਈ ਸ਼ਰੀਰ ਦੀ ਇਮੂਨਿਟੀ ਦੇ ਬੇਹਤਰ ਹੋਣਾ ਜਰੂਰੀ ਹੈ ਅਤੇ ਹਲਦੀ ਸਦੀਆਂ ਪੁਰਾਣੀ ਮੰਨੀ ਹੋਈ ਬਿਮਾਰੀ ਰੋਧਕ ਔਸ਼ਧੀ ਹੈ ਅਤੇ ਵੇਰਕਾ ਨੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਸਹਿਯੋਗ ਨਾਲ ਇਸ ਔਸ਼ਧੀ ਦਾ ਸੁਚਾਰੂ ਉਪਯੋਗ ਕਰਦਿਆਂ ਵੇਰਕਾ ਸ਼ੁੱਧ ਪੇਅਜਲ ਤਿਆਰ ਕਰਕੇ ਮਾਰਕੀਟ ਵਿੱਚ ਉਤਾਰਿਆ ਹੈ , ਜਿਸਦੇ ਸੇਵਨ ਨਾਲ ਸਰੀਰ ਦੀ ਬਿਮਾਰੀਆਂ ਨਾਲ ਲੜਨ ਦੀ ਅੰਦਰੂਨੀ ਸ਼ਕਤੀ ਵਧੇਗੀ। ਉਨ੍ਹਾਂ ਕਿਹਾ ਕਿ ਕੋਵਿਡ -19 ਦੇ ਸੰਕਟਕਾਲੀਨ ਸਮੇ ਵਿੱਚ ਲੋਕਾਂ ਨੂੰ ਸਿਹਤਯਾਬ ਰਹਿਣ ਅਤੇ ਉਨ੍ਹਾਂ ਅੰਦਰ ਬਿਮਾਰੀਆਂ ਨਾਲ ਲੜਣ ਦੀ ਸਮਰੱਥਾ ਨੂੰ ਹੋਰ ਤਕੜਾ ਕਰਨ ਲਈ ਇਹ ਪੌਸ਼ਟਿਕ ਪਦਾਰਥ ਬੇਹਦ ਲਾਭਕਾਰੀ ਰਹੇਗਾ । ਵੇਰਕਾ ਫਰੀਦਕੋਟ ਡੇਅਰੀ ਦੇ ਜਨਰਲ ਮੇਨੈਜਰ ਡਾ. ਸੁਰਜੀਤ ਸਿੰਘ ਭਦੌੜ ਨੇ ਦੱਸਿਆ ਕਿ ਵੇਰਕਾ ਦੇ ਇਸ ਸੁਆਦੀ ਸਿਹਤਮੰਦ ਅਤੇ ਇਮਿਊਨਟੀ ਵਧਾਉਣ ਵਾਲੇ ਪੇਅਜਲ ਵਿੱਚ ਇੱਕ ਵਿਲ਼ੱਖਣ ਹਲਦੀ ਫਾਰਮੂਲੇ ਦੀ ਵਰਤੋਂ ਕੀਤੀ ਗਈ ਹੈ ਅਤੇ ਇਹ ਇਕ ਆਮ ਹਲਦੀ ਨਾਲੋਂ ਮਨੁੱਖੀ ਸ਼ਰੀਰ ਵਿੱਚ ਹਜਮ ਕਰਨ ਦੀ ਸ਼ਕਤੀ ਨੂੰ 10 ਗੁਣਾ ਜਿਆਦਾ ਕਰਦਾ ਹੈ ।ਦੁੱਧ ਵਿੱਚ ਪੂਰੀ ਤਰਾਂ ਘੁਲਣਸ਼ੀਲ ਹੋਣ ਕਾਰਨ ਇਸ ਫਾਰਮੂਲੇ ਨੇ ਉਤਪਾਦ ਨੂੰ ਇੱਕ ਸੁਚਾਰੂ ਬਣਤਰ ਦਿੱਤੀ ਹੈ । ਉਹਨਾਂ ਦੱਸਿਆ ਕਿ ਵੇਰਕਾ ਹਲਦੀ ਦੁੱਧ 25 ਰੁਪਏ(200 ਮਿਲੀਲੀਟਰ) ਦੀ ਕੀਮਤ ਤੇ ਲਾਂਚ ਕੀਤਾ ਗਿਆ ਹੈ ਅਤੇ ਇਹ ਦੁੱਧ ਛੋਟੀ ਉਮਰ ਦੇ ਬੱਚਿਆਂ ਤੋਂ ਲੈ ਕੇ ਬਜੁਰਗਾਂ ਦੀ ਸਿਹਤ ਲਈ ਵੀ ਲਾਭਕਾਰੀ ਹੋਵੇਗਾ ਉਨ੍ਹਾਂ ਦੱਸਿਆ ਕਿ ਮੌਜੂਦਾ ਸਮੇਂ ਵਿੱਚ ਹਲਦੀ ਦੇ ਕੁਦਰਤੀ ਗੁਣਾ ਨਾਲ ਲਬਰੇਜ ਇਹ ਉਤਪਾਦ ਲੋਕਾਂ ਦੀ ਪਸੰਦੀਦਾ ਪੀਣ ਵਾਲੇ ਪਦਾਰਥਾਂ ਵਿੱਚ ਆਪਣੀ ਵਿਸ਼ੇਸ ਥਾਂ ਬਣਾਏਗਾ। ਇਸ ਸਮੇਂ ਵਧੀਕ ਡਿਪਟੀ ਕਮਿਸ਼ਨਰ ਸ. ਗੁਰਜੀਤ ਸਿੰਘ , ਐਸ ਡੀ ਐਮ ਪੂਨਮ ਸਿੰਘ, ਐਸ ਡੀ ਐਮ ਜੈਤੋ ਮਨਦੀਪ ਕੌਰ ਅਤੇ ਐਸ ਡੀ ਐਮ ਕੋਟਕਪੁਰਾ ਅਮਿਤ ਸਰੀਨ ਸਮੇਤ ਵੱਡੀ ਗਿਣਤੀ ਵਿਚ ਵੱਖ ਵੱਖ ਵਿਭਾਗਾਂ ਦੇ ਅਧਿਕਾਰੀ ਵੀ ਹਾਜਰ ਸਨ।