ਨਵੀਂ ਦਿੱਲੀ: ਫਾਈਜ਼ਰ ਇੰਡੀਆ ਭਾਰਤ 'ਚ ਕੋਰੋਨਾ ਵੈਕੀਸਨ ਦੀ ਐਮਰਜੈਂਸੀ ਇਸਤੇਮਾਲ ਦੀ ਆਗਿਆ ਮੰਗਣ ਵਾਲੀ ਪਹਿਲੀ ਦਵਾਈ ਨਿਰਮਾਤਾ ਕੰਪਨੀ ਬਣ ਗਈ ਹੈ । ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਫਾਈਜ਼ਰ ਨੇ ਡਰੱਗ ਕੰਟਰੋਲਰ ਜਨਰਲ ਆਫ ਇੰਡੀਆ (ਡੀਸੀਜੀਆਈ) ਨੂੰ ਇਸ ਸਿਲਸਿਲੇ 'ਚ ਆਪਣਾ ਮੰਗ ਪੱਤਰ ਸੌਂਪਿਆ ਹੈ ।
ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਕਿ ਫਾਈਜ਼ਰ ਨੂੰ ਬਰਤਾਨੀਆ ਤੇ ਬਹਰੀਨ 'ਚ ਵੈਕਸੀਨ ਦੇ ਇਸਤੇਮਾਲ ਦੀ ਆਗਿਆ ਮਿਲ ਚੁੱਕੀ ਹੈ । ਸੂਤਰਾਂ ਨੇ ਦੱਸਿਆ ਕਿ ਡਰੱਗ ਰੈਗੂਲੇਟਰੀ ਨੂੰ ਦਿੱਤੇ ਮੰਗ ਪੱਤਰ 'ਚ ਕੰਪਨੀ ਨੇ ਭਾਰਤ 'ਚ ਵੈਕਸੀਨ ਦੇ ਆਯਾਤ ਤੇ ਵੰਡਣ ਦੀ ਆਗਿਆ ਦੇਣ ਦੀ ਅਪੀਲ ਕੀਤੀ ਹੈ । ਇਸ ਤੋਂ ਇਲਾਵਾ ਕੰਪਨੀ ਨੇ ਨਿਊ ਡਰੱਗਜ਼ ਐਂਡ ਕਲੀਨਿਕਲ ਟਰਾਇਲ ਰੂਲ, 2019 ਦੀ ਤਰ੍ਹਾਂ ਭਾਰਤ ਦੇ ਲੋਕਾਂ 'ਤੇ ਪ੍ਰੀਖਣ ਤੋਂ ਛੂਟ ਆਗਿਆ ਵੀ ਮੰਗੀ ਹੈ । ਕੰਪਨੀ ਨੇ ਚਾਰ ਦਸੰਬਰ ਨੂੰ ਡੀਸੀਜੀਆਈ ਤੋਂ ਵੈਕਸੀਨ ਦੇ ਐਮਰਜੈਂਸੀ ਇਸਤੇਮਾਲ ਦੀ ਆਗਿਆ ਦੇਣ ਲਈ ਮੰਗ ਪੱਤਰ ਸੌਂਪਿਆ ਹੈ ।