ਨਵੀਂ ਦਿੱਲੀ: ਕੋਵਿਡ-19 ਖ਼ਿਲਾਫ਼ ਸ਼ੁਰੂ ਕੀਤੀ ਗਈ ਟੀਕਾਕਰਨ ਮੁਹਿੰਮ ਦੌਰਾਨ 52 ਤੋਂ ਵੱਧ ਸਿਹਤ ਮੁਲਾਜ਼ਮਾਂ ’ਚ ਮਾੜੇ ਲੱਛਣ ਪਾਏ ਗਏ ਤੇ ਇੱਕ ਮੁਲਾਜ਼ਮ ਨੂੰ ਏਮਜ਼ ਵਿੱਚ ਮਾਹਿਰ ਡਾਕਟਰਾਂ ਦੀ ਨਿਗਰਾਨੀ ਹੇਠ ਆਈਸੀਯੂ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਦੋ ਕੇਸ ਚਰਕ ਹਸਪਤਾਲ ਤੋਂ ਸਾਹਮਣੇ ਆਏ ਹਨ, ਜਦੋਂ ਕਿ ਦੋ ਹੋਰ ਉੱਤਰੀ ਰੇਲਵੇ ਦੇ ਕੇਂਦਰੀ ਹਸਪਤਾਲ ਤੋਂ ਸਾਹਮਣੇ ਆਏ ਹਨ। ਦਿੱਲੀ ਦੇ ਦੱਖਣ ਅਤੇ ਦੱਖਣ-ਪੱਛਮ ਜ਼ਿਲ੍ਹਿਆਂ ਵਿੱਚ 11 ਕੇਸ ਦਰਜ ਕੀਤੇ ਗਏ, ਜਦੋਂ ਕਿ ਪੂਰਬੀ ਤੇ ਪੱਛਮੀ ਜ਼ਿਲ੍ਹਿਆਂ ਵਿੱਚ ਹਰੇਕ ਵਿੱਚ 6 ਕੇਸ ਦਰਜ ਕੀਤੇ ਗਏ। ਉਤਰ ਪੱਛਮੀ ਦਿੱਲੀ ਵਿੱਚ ਚਾਰ ਘਟਨਾਵਾਂ ਸਾਹਮਣੇ ਆਈਆਂ ਹਨ, ਦੋ ਕੇਂਦਰੀ ਦਿੱਲੀ ਵਿੱਚ ਅਤੇ ਇੱਕ ਉੱਤਰੀ ਦਿੱਲੀ ਵਿੱਚ। ਦੱਖਣੀ ਦਿੱਲੀ ਦਾ ਇੱਕ ਕੇਸ ਗੰਭੀਰ ਦੱਸਿਆ ਗਿਆ ਹੈ। ਗੰਭੀਰ ਲੱਛਣਾਂ ਤੋਂ ਪ੍ਰਭਾਵਤ ਵਿਅਕਤੀ ਨੂੰ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ (ਏਮਜ਼) ਦੇ ਆਈਸੀਯੂ ਵਿੱਚ ਦਾਖਲ ਕਰਵਾਇਆ ਗਿਆ।