ਚੰਡੀਗੜ੍ਹ: ਪੰਜਾਬ ’ਚ ਕੋਰੋਨਾ ਦੇ ਮਰੀਜ਼ਾਂ ’ਚ ਵਾਧੇ ਦਾ ਸਿਲਸਿਲਾ ਜਾਰੀ ਹੈ। ਮੰਗਲਵਾਰ ਨੂੰ ਪੰਜਾਬ ਦੇ 21 ਜ਼ਿਲ੍ਹਿਆਂ ’ਚ ਕੋਰੋਨਾ ਦੇ 730 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਦੇ ਨਾਲ ਹੀ ਅੱਜ 10 ਹੋਰ ਮੌਤ ਹੋਈਆਂ ਹਨ। ਹੁਣ ਤੱਕ ਸੂਬੇ ’ਚ 183538 ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆ ਚੁੱਕੇ ਹਨ, ਜਦੋਂਕਿ ਇਨ੍ਹਾਂ ’ਚੋਂ 5860 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ।
ਅੱਜ ਸੂਬੇ ’ਚ ਕੁੱਲ 28716 ਲੋਕਾਂ ਦੇ ਕੋਰੋਨਾ ਸੈਂਪਲ ਲਏ ਗਏ ਹਨ। ਇਨ੍ਹਾਂ ’ਚੋਂ 730 ਲੋਕ ਪਾਜ਼ੇਟਿਵ ਪਾਏ ਗਏ । ਰਾਜ ’ਚ ਹੁੱਣ ਤੱਕ 5041833 ਲੋਕਾਂ ਦੀ ਕੋਰੋਨਾ ਸੈਂਪਲਿੰਗ ਕੀਤੀ ਜਾ ਚੁੱਕੀ ਹੈ। ਅੱਜ ਲੁਧਿਆਣਾ ’ਚ 115, ਜਲੰਧਰ 60, ਪਟਿਆਲਾ 91, ਐਸਏਐਸ ਨਗਰ 48, ਅੰਮਿ੍ਰਤਸਰ 52, ਗੁਰਦਾਸਪੁਰ 19, ਬਠਿੰਡਾ 8, ਹੁਸ਼ਿਆਰਪੁਰ 67, ਫਿਰੋਜ਼ਪੁਰ 2, ਪਠਾਨਕੋਟ 9, ਸੰਗਰੂਰ 18, ਕਪੂਰਥਲਾ 64, ਫਰੀਦਕੋਟ 9, ਸ੍ਰੀ ਮੁਕਤਸਰ ਸਾਹਿਬ 2, ਫਾਜ਼ਿਲਕਾ 1, ਮੋਗਾ 15, ਰੋਪੜ 6, ਸ੍ਰੀ ਫ਼ਤਹਿਗੜ੍ਹ ਸਾਹਿਬ 3, ਬਰਨਾਲਾ 1, ਤਰਨਤਾਰਨ 27, ਐਸਬੀਐਸ ਨਗਰ 113 ਤੇ ਮਾਨਸਾ ਤੋਂ 0 ਨਵੇਂ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ। ਉੱਥੇ ਹੀ ਸੂਬੇ ’ਚ ਅੱਜ 10 ਦੀ ਕੋਰੋਨਾ ਕਾਰਣ ਮੌਤ ਹੋਈ ਹੈ। ਜਿਸ ’ਚ ਅੰਮਿ੍ਰਤਸਰ 3, ਗੁਰਦਾਸਪੁਰ 2, ਜਲੰਧਰ 2, ਐਸਏਐਸ ਨਗਰ 1, ਪਟਿਆਲਾ 1 ਤੇ ਰੋਪੜ ’ਚ 1 ਦੀ ਕੋਰੋਨਾ ਕਾਰਨ ਮੌਤ ਹੋਈ ਹੈ।