ਨਵੀਂ ਦਿੱਲੀ: ਦੇਸ਼ ’ਚ ਕੋਰੋਨਾ ਤੇ ਟੀਕਾਕਰਨ ਦੀ ਸਥਿਤੀ ਬਾਰੇ ਪ੍ਰੈਸ ਕਾਨਫਰੰਸ ਕਰਦਿਆਂ ਮੰਤਰਾਲੇ ਦੇ ਸੰਯੁਕਤ ਸਕੱਤਰ ਲਵ ਅਗਰਵਾਲ ਨੇ ਕਿਹਾ ਕਿ ਦੇਸ਼ ਭਰ ’ਚ 3 ਮਈ ਨੂੰ ਸਰਗਰਮ ਮਾਮਲੇ 17.13 ਫ਼ੀਸਦ ਸੀ, ਉਹ ਹੁਣ 12.1 ਫ਼ੀਸਦ ਰਹਿ ਗਈ ਹਨ। ਰਿਕਵਰੀ ਰੇਟ 81.7 ਫ਼ੀਸਦ ਤੋਂ ਵੱਧ ਕੇ 86.7 ਫ਼ੀਸਦ ਹੋ ਗਈ ਹੈ। ਪਿਛਲੇ 10 ਦਿਨਾਂ ਤੋਂ ਸਰਗਰਮ ਮਾਮਲਿਆਂ ਤੇ ਰਿਕਵਰ ਮਾਮਲਿਆਂ ਦੀ ਤੁਲਨਾ ਕਰੋ ਤਾਂ 10 ’ਚੋਂ 9 ਦਿਨਾਂ ਨੂੰ ਰਿਕਵਰ ਮਾਮਲੇ ਜ਼ਿਆਦਾ ਦਰਜ ਕੀਤੇ ਗਏ। ਦੇਸ਼ ਦੇ ਕੁੱਲ ਸਰਗਰਮ ਮਾਮਲਿਆਂ ਦਾ 69 ਫ਼ੀਸਦ ਸਿਰਫ 8 ਸੂਬਿਆਂ ’ਚ ਹੈ।
21 ਸੂਬੇ ਅਜਿਹੇ ਹਨ, ਜਿਥੇ ਰੋਜ਼ਾਨਾ ਰਿਕਵਰ ਮਾਮਲਿਆਂ ਦੀ ਗਿਣਤੀ ਨਵੇਂ ਮਾਮਲਿਆਂ ਤੋਂ ਜ਼ਿਆਦਾ ਹੈ। ਪਿਛਲੇ 24 ਘੰਟਿਆਂ ’ਚ ਦੇਸ਼ ਭਰ ’ਚ 2, 76, 000 ਮਾਮਲੇ ਦਰਜ ਕੀਤੇ ਗਏ ਹਨ। ਇਸ ’ਚੋਂ 77 ਫ਼ੀਸਦ ਮਾਮਲੇ 10 ਰਾਜਾਂ ਤੋਂ ਹਨ। ਹੁਣ ਤਕ ਪੂਰੇ ਦੇਸ਼ ’ਚ ਕਰੀਬ 18 ਕਰੋੜ ਕੋਰੋਨਾ ਵੈਕਸੀਨ ਦੀਆਂ ਖੁਰਾਕਾਂ ਦਿੱਤੀਆਂ ਗਈਆਂ ਹਨ। ਇਸ ’ਚ 18-44 ਸਾਲ ਦੇ ਵਿਚ ਦੇ ਲੋਕਾਂ ਨੂੰ ਹੁਣ ਤਕ ਲਗਪਗ 70 ਲੱਖ ਖੁਰਾਕਾਂ ਦਿੱਤੀਆਂ ਗਈਆਂ ਹਨ।
ਉਨ੍ਹਾਂ ਕਿਹਾ ਕਿ ਦੇਸ਼ ਦੇ 8 ਰਾਜਾਂ ’ਚ 1 ਲੱਖ ਤੋਂ ਜ਼ਿਆਦਾ ਸਰਗਰਮ ਮਾਮਲੇ ਹਨ। 9 ਰਾਜਾਂ ’ਚ 50 ਹਜ਼ਾਰ ਤੋਂ 1 ਲੱਖ ਸਰਗਰਮ ਮਾਮਲੇ ਹਨ ਤੇ 19 ਰਾਜਾਂ ’ਚੋਂ 50, 000 ਤੋਂ ਘੱਟ ਸਰਗਰਮ ਮਾਮਲੇ ਹਨ।
ਆਈਸੀਐਮਆਰ ਦੇ ਉੱਚ ਡਾਇਰੈਕਟਰ ਡਾ. ਬਲਰਾਮ ਭਾਰਗਵ ਨੇ ਕਿਹਾ ਕਿ ਸਾਡਾ ਟੀਚਾ ਇਸ ਮਹੀਨੇ ਦੇ ਅੰਤ ਤੱਕ 25 ਲੱਖ ਟੈਸਟ ਤੇ ਜੂਨ ਦੇ ਅੰਤ ਤਕ 45 ਲੱਖ ਟੈਸਟ ਕਰਨ ਦਾ ਹੈ। ਤੇਜ਼ੀ ਨਾਲ ਨਤੀਜਾ ਹਾਸਲ ਕਰਨ ਲਈ ਜ਼ਿਆਦਾ ਰੈਪਿਡ ਐਂਟੀਜਨ ਟੈਸਟ ਕੀਤੇ ਜਾਣੇ ਚਾਹੀਦੇ ਤੇ ਫਿਰ ਰੋਗੀ ਨੂੰ ਜਲਦੀ ਤੋਂ ਵੱਖ ਕਰ ਸਕਦੇ ਹਨ।