ਗੁਰਦਾਸਪੁਰ: ਬੁੱਧਵਾਰ ਨੂੰ ਜ਼ਿਲੇ ਵਿੱਚ 59 ਨਵੇਂ ਪੋਜੀਟਿਵ ਕੇਸ ਸਾਹਮਣੇ ਆਏ। ਹੁਣ ਤੱਕ 3, 89, 169 ਲੋਕਾਂ ਦੇ ਸੈਂਪਲ ਲਏ ਗਏ ਹਨ, ਜਿਨ੍ਹਾਂ ਵਿਚੋਂ 3, 79, 743 ਰਿਪੋਰਟਾਂ ਨੈਗੇਟਿਵ ਰਹੀਆਂ ਹਨ। ਜਦਕਿ ਹੁਣ ਤੱਕ ਕੁੱਲ 8554 ਵਿਅਕਤੀ ਪੋਜੀਟਿਵ ਰਹੇ ਹਨ। ਜ਼ਿਲ੍ਹੇ ਵਿੱਚ ਇਸ ਸਮੇਂ 200 ਏਕਟਿਵ ਕੇਸ ਹਨ। ਹੁਣ ਤੱਕ 8067 ਲੋਕ ਕੋਰੋਨਾ ਉੱਤੇ ਪੂਰੀ ਤਰ੍ਹਾਂ ਜਿੱਤ ਪਾ ਚੁੱਕੇ ਹਨ। ਇਸ ਦੇ ਨਾਲ ਹੀ, ਸਿਹਤਮੰਦ ਹੋਣ ਤੋਂ ਬਾਅਦ 34 ਵਿਅਕਤੀਆਂ ਨੂੰ ਘਰ ਵਿੱਚ ਇਕਾਂਤਵਾਸ ਕੀਤਾ ਗਿਆ ਹੈ। ਜਦਕਿ 176 ਨੂੰ ਇਕਾਂਤਵਾਸ ਵਿਚ ਰੱਖਿਆ ਗਿਆ ਹੈ। ਉੱਥੇ ਹੀ ਦੂਜੇ ਜ਼ਿਲ੍ਹਿਆਂ ਵਿਚ 24 ਪੋਜੀਟਿਵ ਮਰੀਜ਼ਾਂ ਦਾ ਇਲਾਜ ਚੱਲ ਰਿਹਾ ਹੈ। ਹੁਣ ਤੱਕ ਜ਼ਿਲੇ ਵਿੱਚ 287 ਕੋਰੋਨਾ ਕਾਰਨ ਮੌਤਾਂ ਹੋ ਚੁੱਕੀਆਂ ਹਨ।
523 ਨੂੰ ਲੱਗਿਆ ਕੋਵਿਡ ਟੀਕਾ
ਬੁੱਧਵਾਰ ਨੂੰ ਕੁੱਲ 523 ਨੂੰ ਕੋਰੋਨਾ ਟੀਕੇ ਲਗਾਏ ਗਏ। ਉਨ੍ਹਾਂ ਵਿੱਚ 249 ਫਰੰਟਲਾਈਨਰ ਅਤੇ 135 ਸਿਹਤ ਕਰਮਚਾਰੀ ਸਨ। ਸਿਹਤ ਕਰਮਚਾਰੀਆਂ ਵਿਚ 85 ਪਹਿਲੀ ਖੁਰਾਕ ਅਤੇ 50 ਸੈਕਿੰਡ ਖੁਰਾਕ ਲੈਣ ਵਾਲੇ ਸਨ। ਜਦੋਂ ਕਿ 137 ਬਜ਼ੁਰਗ ਨਾਗਰਿਕਾਂ ਨੂੰ ਟੀਕਾ ਲਗਾਇਆ ਗਿਆ ਸੀ। ਉੱਥੇ ਹੀ 45 ਸਾਲ ਤੋਂ ਵੱਧ ਉਮਰ ਦੇ ਦੋ ਵਿਅਕਤੀਆਂ ਨੂੰ ਟੀਕਾ ਲਗਾਇਆ ਗਿਆ। ਜ਼ਿਲ੍ਹਾ ਟੀਕਾਕਰਨ ਅਫ਼ਸਰ ਡਾ. ਅਰਵਿੰਦ ਮਨਚੰਦਾ ਨੇ ਦੱਸਿਆ ਕਿ ਗੁਰਦਾਸਪੁਰ ਵਿੱਚ 140, ਬਟਾਲਾ ਵਿੱਚ 105, ਕਲਾਨੌਰ ਵਿੱਚ 30, ਨੌਸ਼ਹਿਰਾ ਮੱਜਾ ਸਿੰਘ ਵਿੱਚ 10, ਭਾਮ ਵਿੱਚ 9, ਸਿੰਘੋਵਾਲ ਵਿੱਚ 47, ਫਤਿਹਗੜ ਚੂੜੀਆਂ ਵਿੱਚ 24, ਡੇਰਾ ਬਾਬਾ ਨਾਨਕ ਵਿੱਚ 24, ਕਾਹਨੂੰਵਾਨ ਵਿੱਚ 9, ਰਣਜੀਤ ਬਾਗ ਵਿਚ 9, ਧਾਰੀਵਾਲ ਵਿਚ 20 ਅਤੇ ਭੁੱਲਰ ਵਿਚ 10 ਨੂੰ ਕੋਰੋਨਾ ਟੀਕਾ ਲਗਾਇਆ ਗਿਆ।