ਨਵੀਂ ਦਿੱਲੀ: ਕਾਂਗਰਸ ਪਾਰਟੀ ਵਿੱਚ ਸੰਗਠਨਾਤਮਕ ਢਾਂਚੇ ’ਚ ਬਦਲਾਅ ਨੂੰ ਲੈ ਕੇ ਪੱਤਰ ਲਿਖਣ ਵਾਲੇ 23 ਨਾਰਾਜ਼ ਆਗੂਆਂ ਦਾ ਸਮੂਹ ਆਖ਼ਰਕਾਰ ਹੁਣ ਸੋਨੀਆ ਗਾਂਧੀ ਨਾਲ ਮੁਲਾਕਾਤ ਕਰ ਸਕਦਾ ਹੈ। ਸੂਤਰਾਂ ਅਨੁਸਾਰ ਮੱਧਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਕਮਲਨਾਥ ਨੇ ਇਹ ਮੀਟਿੰਗ ਕਰਵਾਉਣ ਸਬੰਧੀ ਅਹਿਮ ਭੂਮਿਕਾ ਨਿਭਾਈ ਹੈ।
23 ਆਗੂਆਂ ਨੇ ਪੱਤਰ ’ਤੇ ਦਸਤਖ਼ਤ ਕੀਤੇ ਸਨ, ਪਰ ਇਹ ਸਾਰੇ ਮੀਟਿੰਗ ਵਿੱਚ ਨਹੀਂ ਹੋਣਗੇ। ਪੰਜ ਜਾਂ ਛੇ ਆਗੂਆਂ ਦੇ ਇੱਕ ਸਮੂਹ ਵੱਲੋਂ ਵਿਆਪਕ ਚਿੰਤਾਵਾਂ ਦੀ ਨੁਮਾਇੰਦਗੀ ਕਰਨ ਦੀ ਸੰਭਾਵਨਾ ਹੈ। ਸੂਤਰਾਂ ਮੁਤਾਬਕ ਇਹ ਮੀਟਿੰਗ ਸ਼ਨੀਵਾਰ ਨੂੰ ਹੋਵੇਗੀ ਅਤੇ ਸੁਲਾ ਦੀ ਦਿਸ਼ਾ ਵਿੱਚ ਕਦਮ ਚੁੱਕਣਗੇ। ਇਹ ਸਪੱਸ਼ਟ ਨਹੀਂ ਕਿ ਮੀਟਿੰਗ ਵਿੱਚ ਰਾਹੁਲ ਗਾਂਧੀ ਅਤੇ ਪ੍ਰਿਯੰਕਾ ਮੌਜੂਦ ਹੋਣਗੇ ਜਾਂ ਨਹੀਂ।