ਅੰਮ੍ਰਿਤਸਰ: ਸਾਬਕਾ ਕੈਬਨਿਟ ਮੰਤਰੀ ਰਣਜੀਤ ਸਿੰਘ ਬ੍ਰਹਮਪੁਰਾ ਪ੍ਰਧਾਨ ਸ੍ਰੋਮਣੀ ਅਕਾਲੀ ਦਲ ਟਕਸਾਲੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੂੰ ਕਿਸਾਨੀ ਅੰਦੋਲਨ ਖਤਮ ਕਰਨ ਲਈ ਕੋਝੀਆਂ ਹਰਕਤਾਂ ਕਰਨ ਤੋਂ ਗੁਰੇਜ ਕਰਨਾ ਚਾਹੀਦਾ ਹੈ। ਦਿਨ-ਰਾਤ ਸਖਤ ਵਿਰੋਧ ਵਿਚ ਬੈਠੇ ਕਿਸਾਨ ਅਤੇ ਮਜਦੂਰ ਕਾਲੇ ਖੇਤੀ ਕਾਨੂੰਨ ਰਦ ਹੋਣ ਉਪਰੰਤ ਹੀ ਘਰ ਪਰਤਣਗੇ। ਕਾਲੇ ਕਾਨੂੰਨਾਂ ਬਾਰੇ ਮੋਦੀ ਸਰਕਾਰ ‘ਤੇ ਨਿਸਾਨਾ ਸਾਧਦਿਆਂ ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਸਿਖਾਂ ਨੂੰ ਡਰਾਉਣ ਲਈ ਐਨਆਈਏ ਵਰਗੇ ਹਥਿਆਰਾਂ ਦੀ ਵਰਤੋਂ ਕਰਨੀ ਸੁਰੂ ਕਰ ਦਿਤੀ ਹੈ
ਪਰ ਅਜਿਹੀ ਹਰਕਤ ਲੋਕਤੰਤਰੀ ਖੇਡ ਨੂੰ ਵਿਗਾੜ ਦੇਵੇਗੀ ਕਿਉਂਕਿ ਕਿਸਾਨ ਪਿਛਲੇ 52 ਦਿਨਾਂ ਤੋਂ ਸਾਂਤੀ ਨਾਲ ਆਪਣੇ ਅਧਿਕਾਰਾਂ ਲਈ ਲੜ ਰਹੇ ਹਨ। ਬ੍ਰਹਮਪੁਰਾ ਨੇ ਮਿਉਂਸਪਲ ਚੋਣਾਂ ਮੁਲਤਵੀ ਕਰਨ ਦੀ ਮੰਗ ਕਰਦਿਆਂ ਕਿਹਾ ਕਿ ਇਸ ਸਮੇਂ ਕਿਸਾਨ ਸੰਘਰਸ ਕਰ ਰਹੇ ਹਨ। ਪੰਜਾਬ ਦੇ ਹਰ ਕੋਨੇ ਤੋਂ ਲੋਕ ਅੰਦੋਲਨ ਦੇ ਸਮਰਥਨ ਲਈ ਦਿਲੀ ਗਏ ਹੋਏ ਹਨ। ਸਮੁਚੇ ਪੰਜਾਬ ਦੀ ਜਨਤਾ ਅੰਦੋਲਨ ‘ਤੇ ਬੈਠੀ ਹੋਈ ਹੈ ਫਿਰ ਸਰਕਾਰ ਇਹ ਚੋਣਾਂ ਕਰਵਾਉਣ ਲਈ ਇੰਨੀ ਕਾਹਲੀ ਕਿਉਂ ਹੈ? ਉਨ੍ਹਾਂ ਬਾਦਲਾਂ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਜੇਕਰ ਉਨ੍ਹਾਂ ਨੇ ਆਰਡੀਨੈਂਸ ਸਮੇਂ ਸਿਰ ਜਾਰੀ ਕਰਨ‘ ਤੇ ਇਤਰਾਜ ਕੀਤਾ ਹੁੰਦਾ ਅਤੇ ਸੁਖਬੀਰ ਬਾਦਲ ਨੇ ਬਿਲ ਦਾ ਸਮਰਥਨ ਨਾ ਕੀਤਾ ਹੁੰਦਾ ਤਾਂ ਸਥਿਤੀ ਅਜ ਵਖਰੀ ਹੋਣੀ ਸੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਹਰਸਿਮਰਤ ਕੌਰ ਬਾਦਲ ਨੇ ਸਿਰਫ ਕਿਸਾਨਾਂ ਦੇ ਦਬਾਅ ਹੇਠ ਕੇਂਦਰ ਸਰਕਾਰ ਤੋਂ ਅਸਤੀਫਾ ਦੇ ਦਿਤਾ ਸੀ ।