ਨਵੀਂ ਦਿੱਲੀ: ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਚੀਨ ਦੇ ਮੁੱਦੇ 'ਤੇ ਇੱਕ ਵਾਰ ਫਿਰ ਕੇਂਦਰ ਸਰਕਾਰ ਦਾ ਘਿਰਾਓ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਚੀਨ ਨੇ ਭਾਰਤ ਨੂੰ ਧਮਕਾਉਣ ਲਈ ਆਪਣੀ ਰਵਾਇਤੀ ਅਤੇ ਸਾਈਬਰ ਫੌਜ ਨੂੰ ਲਾਮਬੰਦ ਕੀਤਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਕੇਂਦਰ ਦੀ ਕਾਇਰਤਾ ਭਵਿੱਖ ਵਿੱਚ ਦੁਖਦਾਈ ਨਤੀਜੇ ਦੇਵੇਗੀ।
ਕੇਂਦਰ ਸਰਕਾਰ ਵੱਲੋਂ ਵਾਰ-ਵਾਰ ਇਸ ਤੋਂ ਇਨਕਾਰ ਕੀਤੇ ਜਾਣ ਤੋਂ ਬਾਅਦ ਵੀ ਕਿ ਲੱਦਾਖ ਵਿੱਚ ਚੀਨੀ ਘੁਸਪੈਠ ਕੀਤੀ ਗਈ, ਕਾਂਗਰਸ ਨੇ ਇਸ ‘ਤੇ ਹਮਲੇ ਜਾਰੀ ਰੱਖੇ ਹਨ। ਬੁੱਧਵਾਰ ਨੂੰ ਰਾਹੁਲ ਗਾਂਧੀ ਨੇ ਟਵੀਟ ਕਰਕੇ ਇਸ ਮੁੱਦੇ ਨੂੰ ਫਿਰ ਤੋਂ ਛੇੜਿਆ ਹੈ। ਉਨ੍ਹਾਂ ਲਿਖਿਆ ਕਿ ‘ਚੀਨ ਨੇ ਭਾਰਤ ਨੂੰ ਧਮਕਾਉਣ ਲਈ ਆਪਣੀ ਰਵਾਇਤੀ ਅਤੇ ਸਾਈਬਰ ਫੌਜ ਨੂੰ ਲਾਮਬੰਦ ਕੀਤਾ ਹੈ। ਇਸ ਨਾਲ ਭਾਰਤ ਸਰਕਾਰ ਨੂੰ ਝਟਕਾ ਲੱਗਾ ਹੈ। ਮੇਰੇ ਸ਼ਬਦਾਂ 'ਤੇ ਨਿਸ਼ਾਨ ਲਗਾਓ, ਡੇਪਸਾਂਗ ਵਿੱਚ ਸਾਡੀ ਜ਼ਮੀਨ ਚਲੀ ਗਈ ਹੈ ਅਤੇ ਡੀਬੀਓ (ਦੌਲਤ ਬੇਗ ਓਲਡੀ) ਅਸੁਰੱਖਿਅਤ ਹੈ।' ਇਸ ਦੌਰਾਨ ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਕੇਂਦਰ ਦੀ ਕਾਇਰਤਾ ਭਵਿੱਖ ਵਿੱਚ ਦੁਖਦਾਈ ਨਤੀਜੇ ਦੇਵੇਗੀ।
ਆਪਣੇ ਟਵੀਟ ਦੇ ਨਾਲ, ਰਾਹੁਲ ਗਾਂਧੀ ਨੇ ਇੱਕ ਖਬਰ ਵੀ ਸਾਂਝੀ ਕੀਤੀ ਹੈ ਜਿਸ ਚ ਕਿਹਾ ਗਿਆ ਹੈ ਕਿ ਸੈਟੇਲਾਈਟ ਤਸਵੀਰਾਂ ਤੋਂ ਪਤਾ ਚੱਲਦਾ ਹੈ ਕਿ ਚੀਨ ਨੇ ਡੇਪਸਾਂਗ ਖੇਤਰ ਵਿੱਚ ਨਿਰਮਾਣ ਕੀਤਾ ਹੈ। ਚੀਨੀ ਪੋਸਟ ਦੀ ਸਿੰਥੈਟਿਕ ਐਪਰਚਰ ਰਾਡਾਰ ਨੇ ਸਥਾਈ ਨਾਈਟ ਤਸਵੀਰ ਕਲਿਕ ਕੀਤਾੀ ਹੈ, ਜਿਸ ਵਿੱਚ ਅਸਲ ਕੰਟਰੋਲ ਰੇਖਾ (ਐਲਏਸੀ) ਦੇ ਨੇੜੇ ਚੀਨ ਦੇ ਕੁਝ ਨਿਰਮਾਣ ਕਾਰਜਾਂ ਨੂੰ ਦਰਸਾਉਂਦਾ ਹੈ। ਇਹ ਖੇਤਰ ਦੌਲਤ ਬੇਗ ਓਲਡੀ ਤੋਂ 24 ਕਿਲੋਮੀਟਰ ਦੀ ਦੂਰੀ 'ਤੇ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਇਲਾਕਾ ਅਕਸਾਈ ਚਿਨ ਵਿਚ ਪੈਂਦਾ ਹੈ।