ਫਾਜਿ਼ਲਕਾ : ਫਾਜਿਲ਼ਕਾ ਦੇ ਵਧੀਕ ਡਿਪਟੀ ਕਮਿਸ਼ਨਰ ਵਿਕਾਸ ਸ੍ਰੀ ਸੰਦੀਪ ਕੁਮਾਰ ਆਈਏਐਸ ਨੇ ਅੱਜ ਕਰਨੀਖੇੜਾ ਵਿਖ ਵਿਖੇ ਆਮ ਆਦਮੀ ਕਲੀਨਿਕ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੇ ਇਸ ਮੌਕੇ ਕਿਹਾ ਕਿ ਆਮ ਆਦਮੀ ਕਲੀਨਿਕ ਬਿਮਾਰੀਆਂ ਨੂੰ ਮੁਢਲੇ ਪੱਧਰ ’ਤੇ ਰੋਕਣ ’ਚ ਕਾਮਯਾਬ ਹੋਣਗੇ।ਇਸ ਮੌਕੇ ਸਿਵਲ ਸਰਜਨ ਡਾ: ਸਤੀਸ਼ ਗੋਇਲਾ ਅਤੇ ਫਾਜਿ਼ਲਕਾ ਦੇ ਵਿਧਾਇਕ ਸ੍ਰੀ ਨਰਿੰਦਰਪਾਲ ਸਿੰਘ ਸਵਨਾ ਦੇ ਭਰਾ ਸ੍ਰੀ ਕਰਮਜੀਤ ਸਿੰਘ ਸਵਨਾ ਵੀ ਵਿਸੇਸ਼ ਤੌਰ ਤੇ ਹਾਜਰ ਰਹੇ।
ਇਸ ਮੌਕੇ ਸ੍ਰੀ ਸੰਦੀਪ ਕੁਮਾਰ ਨੇ ਆਖਿਆ ਕਿ ਕਈ ਵਾਰ ਅਸੀਂ ਡਾਕਟਰ ਕੋਲ ਸ਼ਹਿਰ ਜਾਣ ਦੀ ਘੌਲ ਕਰਦੇ ਹੋਏ ਆਪਣੀ ਬਿਮਾਰੀ ਨੂੰ ਵਧਾ ਬੈਠਦੇ ਹਾਂ, ਜਿਸ ਨਾਲ ਬਾਅਦ ਵਿੱਚ ਇਲਾਜ ’ਤੇ ਵੱਡਾ ਖਰਚ ਆਉਂਦਾ ਹੈ ਪਰ ਆਮ ਆਦਮੀ ਕਲੀਨਿਕ ’ਚ ਬੈਠਾ ਕੁਆਲੀਫ਼ਾਈਡ ਡਾਕਟਰ (ਘੱਟੋ—ਘੱਟ ਐਮ ਬੀ ਬੀ ਐਸ) ਉਨ੍ਹਾਂ ਨੂੰ ਹੋਣ ਵਾਲੇ ਮਰਜ਼ ਨੂੰ ਜਿੱਥੇ ਝੱਟ ਫੜ ਲਵੇਗਾ, ਉੱਥੇ ਨਾਲ ਹੀ ਲੋੜੀਂਦੀ ਦਵਾਈ ਸ਼ੁਰੂ ਕਰ ਕੇ, ਉਸ ਨੂੰ ਠੀਕ ਹੋਣ ਵੱਲ ਵੀ ਲੈ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਕਲੀਨਿਕ ਇਕੱਲੇ ਸਿਹਤ ਜਾਂਚ ਹੀ ਨਹੀਂ ਸਗੋਂ ਮੁਢਲੀ ਸਹਾਇਤਾ ਦੇਣ, ਪੱਟੀ ਕਰਨ ਜਿਹੀਆਂ ਸੇਵਾਵਾਂ ਵੀ ਦੇਵੇਗਾ। ਲੋਕਾਂ ਨੂੰ ਟੈਸਟ ਮੁਫ਼ਤ ਕਰਵਾਉਣ ਦੀ ਸਹੂਲਤ ਵੀ ਮਿਲੇਗੀ ਅਤੇ ਲੋਕਾਂ ਨੂੰ ਆਪਣੇ ਸੈਂਪਲ ਦੇਣ ਕਿਸੇ ਲੈਬ ’ਤੇ ਨਹੀਂ ਜਾਣਾ ਪਵੇਗਾ ਬਲਕਿ ਇੱਥੇ ਹੀ ਉਨ੍ਹਾਂਂ ਦੇ ਸੈਂਪਲ ਲੈ ਲਏ ਜਾਣਗੇ। ਇੱਥੇ ਹੀ ਰਿਪੋਰਟ ਮਿਲ ਜਾਵੇਗੀ।
ਇਸ ਮੌਕੇ ਸਿਵਲ ਸਰਜਨ ਡਾ: ਸਤੀਸ਼ ਗੋਇਲ ਨੇ ਕਿਹਾ ਕਿ ਲਗਪਗ 91 ਤਰ੍ਹਾਂਂ ਦੀਆਂ ਦਵਾਈਆਂ ਇਨ੍ਹਾਂ ਆਮ ਆਦਮੀ ਕਲੀਨਿਕਾਂ ’ਤੇ ਉਪਲਬਧ ਕਰਵਾਈਆਂ ਗਈਆਂ ਹਨ ਤਾਂ ਜੋ ਲੋਕਾਂ ਨੂੰ ਬਾਹਰੋਂ ਦਵਾਈ ਨਾ ਲੈਣੀ ਪਵੇ। ਇਸ ਤੋਂ ਇਲਾਵਾ ਜੇਕਰ ਕਿਸੇ ਮਾਹਿਰ ਡਾਕਟਰ ਦੀ ਸਲਾਹ ਦੀ ਲੋੜ ਪੈਂਦੀ ਹੈ ਤਾਂ ਇੱਥੇ ਸਥਿਤ ਡਾਕਟਰ ਵੱਲੋਂ ਉਸ ਨੂੰ ਉਸ ਹਾਲਤ ਵਿੱਚ ਡਾਕਟਰ ਕੋਲ ਰੈਫ਼ਰ ਕੀਤਾ ਜਾਵੇਗਾ।
ਇਸ ਮੋਕੇ ਸਹਾਇਕ ਸਿਵਲ ਸਰਜਨ ਡਾ: ਬਬੀਤਾ, ਡਾ: ਕਵਿਤਾ ਸਿੰਘ, ਡਾ: ਸੁਮੇਧਾ ਸਚਦੇਵਾ, ਡਾ: ਅਸੀਸ਼ ਗਰੋਵਰ, ਡਾ: ਅਮਿਤ, ਡੀਪੀਐਮ ਰਾਜੇਸ ਕੁਮਾਰ ਆਦਿ ਵੀ ਹਾਜਰ ਸਨ।