ਗੁਰਦਾਸਪੁਰ: ਨੌਕਰੀ ਨੂੰ ਜਾ ਰਹੀ ਮਹਿਲਾ ਦਾ ਪਰਸ ਲੁੱਟਣ ਵਾਲੇ ਬਾਈਕ ਸਵਾਰਾਂ ਅਣਪਛਾਤੇ 2 ਦੇ ਖਿਲਾਫ ਥਾਣਾ ਕਾਹਨੂਵਾਨ ਨੇ ਕੇਸ ਦਰਜ ਕੀਤਾ। ਪੀੜੀਤ ਮਹਿਲਾ ਕੁਲਜੀਤ ਕੌਰ ਪਤਨੀ ਜਸਪਾਲ ਸਿੰਘ ਵਾਸੀ ਸੇਖਵਾਂ ਅਨੁਸਾਰ ਉਹ ਆਈਟੀਸੀ ਕਾਲਜ ਨੈਨੀਕੋਟ ਵਿੱਚ ਹੈਡ ਕਲਰਕ ਦੀ ਨੌਕਰੀ ਕਰਦੀ ਹੈ। ਰੋਜ਼ਾਨਾ ਦੀ ਤਰ੍ਹਾਂ ਉਹ ਪਲ ਸਠਿਆਲੀ 'ਤੇ ਬੱਸ ਤੋਂ ਉਤਰੀ ਅਤੇ ਆਪਣੀ ਕਾਲਜ ਦੀ ਸੇਵਾਦਾਰ ਕੁਲਵਿੰਦਰ ਕੌਰ ਨਾਲ ਸਕੂਟੀ' ਤੇ ਸਵਾਰ ਹੋ ਕੇ ਕਾਲਜ ਜਾ ਰਹੀ ਸੀ।
ਸਵੇਰੇ ਕਰੀਬ 9.20 ਵਜੇ ਜਦੋਂ ਇੱਕ ਢਾਬੇ ਤੋਂ ਥੋੜਾ ਅੱਗੇ ਪਹੁੰਚੀ ਤਾਂ ਪਿੱਛੇ ਤੋਂ ਆ ਰਹੇ ਬਾਈਕ ਸਵਾਰ ਦੋ ਅਣਪਛਾਤੇ ਵਿਅਕਤਿਆਂ ਨੇ ਉਸਦੇ ਮੋਢੇ ਪਾਇਆ ਪਰਸ ਝਪਟਾ ਮਾਰਕੇ ਫਰਾਰ ਹੋ ਗਏ। ਪੀੜਤ ਮਹਿਲਾ ਦੇ ਅਨੁਸਾਰ ਉਸ ਦੇ ਪਰਸ ਵਿੱਚ 19, 000 ਰੁਪਏ ਨਕਦ ਅਤੇ ਆਧਾਰ ਕਾਰਡ ਸੀ।