ਗੁਰਦਾਸਪੁਰ: ਪੁਲਿਸ ਨੇ ਚਾਰ ਮੁਲਜ਼ਮਾਂ ਨੂੰ 93 ਹਜ਼ਾਰ 750 ਐਮਐਲ ਨਜਾਇਜ਼ ਸ਼ਰਾਬ ਸਮੇਤ ਕਾਬੂ ਕੀਤਾ ਹੈ। ਥਾਣਾ ਸਿਟੀ ਦੇ ਏਐਸਆਈ ਜੈ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਗੁਪਤ ਸੂਚਨਾ 'ਤੇ ਦੋਸ਼ੀ ਰਾਣੀ ਵਾਸੀ ਮਾਨ ਕੌਰ ਸਿੰਘ ਦੇ ਘਰ ਰੇਡ ਮਾਰ 30 ਹਜ਼ਾਰ ਐਮਐਲ ਨਜਾਇਜ਼ ਸ਼ਰਾਬ ਸਮੇਤ ਗ੍ਰਿਫਤਾਰ ਕੀਤਾ।
ਦੂਜੇ ਪਾਸੇ, ਏਐਸਆਈ ਮਨਜੀਤ ਮਸੀਹ ਸਮੇਤ ਪੁਲਿਸ ਟੀਮ ਨੇ ਦੋਸ਼ਣ ਕਮਲੇਸ਼ ਵਾਸੀ ਮਾਨ ਕੌਰ ਸਿੰਘ ਦੇ ਘਰ ਛਾਪੇਮਾਰੀ ਕਰਦਿਆਂ 26, 250 ਮਿਲੀਲੀਟਰ ਨਜਾਇਜ਼ ਸ਼ਰਾਬ ਸਮੇਤ ਗ੍ਰਿਫਤਾਰ ਕੀਤਾ। ਥਾਣਾ ਸਦਰ ਦੇ ਏਐਸਆਈ ਰਣਬੀਰ ਸਿੰਘ ਸਣੇ ਪੁਲਿਸ ਦਸਤੇ ਨੇ ਦੋਸ਼ੀ ਟਿੰਕੂ ਵਾਸੀ ਜੋੜਾ ਛੱਤਰਾਂ ਨੂੰ ਪੁਲੀ ਸੂਆ ਰਾਜਪੁਰਾ ਤੋਂ 7500 ਮਿਲੀਲੀਟਰ ਨਾਜਾਇਜ਼ ਸ਼ਰਾਬ ਸਮੇਤ ਕਾਬੂ ਕੀਤਾ। ਥਾਣਾ ਧਾਰੀਵਾਲ ਦੇ ਏਐਸਆਈ ਆਲੀਆ ਮਸੀਹ ਸਮੇਤ ਪੁਲਿਸ ਪਾਰਟੀ ਨੇ ਗੁਪਤ ਸੂਚਨਾ ਮਿਲਣ 'ਤੇ ਦੋਸ਼ੀ ਅਵਤਾਰ ਸਿੰਘ ਵਾਸੀ ਆਲੋਵਾਲ ਦੇ ਘਰ ਛਾਪਾ ਮਾਰ ਕੇ 30 ਹਜਾਰ ਮਿਲੀਲੀਟਰ ਦੇ ਨਾਲ ਕਾਬੂ ਕੀਤਾ। ਉਕਤ ਚਾਰੋਂ ਦੋਸ਼ਿਆਂ ਦੇ ਖ਼ਿਲਾਫ਼ ਸਬੰਧਤ ਥਾਣਿਆਂ ਵਿੱਚ ਕੇਸ ਦਰਜ ਕਰ ਲਏ ਗਏ ਹਨ।