ਸ਼ਾਰਜਾਹ:ਟੀ-20 ਵੂਮੈਨ ਚੈਲੇਂਜ-2020 ਦਾ ਫਾਈਨਲ ਮੁਕਾਬਲਾ ਸੋਮਵਾਰ ਟ੍ਰੇਲਬਲੇਜ਼ਰਸ ਤੇ ਸੁਪਰਨੋਵਾਜ਼ ਦਰਮਿਆਨ ਖੇਡਿਆ ਜਾਣਾ ਹੈ। ਇਸ ਮੁਕਾਬਲੇ 'ਚੋਂ ਮਿਤਾਲੀ ਰਾਜ ਦੀ ਕਪਤਾਨੀ ਵਾਲੀ ਟੀਮ ਵੇਲੋਸਿਟੀ ਬਾਹਰ ਹੋ ਚੁੱਕੀ ਹੈ ਕਿਉਂਕਿ ਵੇਲੋਸਿਟੀ ਦਾ ਨੈੱਟ ਰੇਟ ਖ਼ਰਾਬ ਸੀ। ਉਥੇ ਹੀ ਇਕ-ਇਕ ਮੁਕਾਬਲਾ ਜਿੱਤ ਕੇ ਬਿਹਤਰ ਰਨ ਰੇਟ ਨਾਲ ਦੋ ਵਾਰ ਦੀ ਵੂਮੈਨ ਆਈਪੀਐੱਲ ਚੈਂਪੀਅਨ ਸੁਪਰਨੋਵਾਜ਼ ਤੇ ਟ੍ਰੇਲਬਲੇਜ਼ਰਸ ਫਾਈਨਲ 'ਚ ਪਹੁੰਚ ਗਈ ਹੈ।
ਸੁਪਰਨੋਵਾਜ਼ ਦੀ ਟੀਮ ਸੋਮਵਾਰ ਨੂੰ ਇੱਥੇ ਸ਼ਾਰਜਾਹ ਕ੍ਰਿਕਟ ਸਟੇਡੀਅਮ 'ਚ ਖੇਡੇ ਜਾਣ ਵਾਲੇ ਵੂਮੈਨ ਟੀ-20 ਚੈਲੇਂਜ ਦੇ ਫਾਈਨਲ 'ਚ ਟ੍ਰੇਲਬਲੇਜ਼ਰਸ ਨਾਲ ਭਿੜੇਗੀ। ਸੁਪਰਨੋਵਾਜ਼ ਦੀਆਂ ਨਿਗਾਹਾਂ ਖਿਤਾਬੀ ਹੈਟ੍ਰਿਕ 'ਤੇ ਹੋਣਗੀਆਂ, ਜਦੋਂਕਿ ਟ੍ਰੇਲਬਲੇਜ਼ਰਸ ਦੀ ਟੀਮ ਟੀ-20 ਚੈਲੇਂਜ ਦੀ ਨਵੀਂ ਚੈਂਪੀਅਨ ਬਣਨਾ ਚਾਹੇਗੀ। ਦੋਵੇਂ ਟੀਮਾਂ ਵਿਚਾਲੇ ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਮੁਕਾਬਲਾ ਹੋਇਆ ਸੀ, ਜਿੱਥੇ ਸੁਪਰਨੋਵਾਜ਼ ਨੇ ਟ੍ਰੇਲਬਲੇਜ਼ਰਸ ਨੂੰ ਕਰੀਬੀ ਮੁਕਾਬਲੇ 'ਚ ਦੋ ਦੌੜਾਂ ਨਾਲ ਹਰਾਇਆ ਸੀ। ਅਜਿਹੇ 'ਚ ਫਾਈਨਲ ਮੁਕਾਬਲਾ ਕਾਫ਼ੀ ਦਿਲਚਸਪ ਹੋਵੇਗਾ।