ਨਵੀਂ ਦਿੱਲੀ: ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮੌਰਿਸਨ ਨੇ ਗਣਤੰਤਰ ਦਿਵਸ ਦੀ ਵਧਾਈ ਦਿੰਦੇ ਹੋਏ ਭਾਰਤ ਨੂੰ ਸੱਚਾ ਮਿੱਤਰ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਦੋਵਾਂ ਦੇਸ਼ਾਂ ਦੀ ਵਿਆਪਕ ਰਣਨੀਤਕ ਭਾਈਵਾਲੀ ਵਪਾਰ, ਨਿਵੇਸ਼, ਰੱਖਿਆ ਅਤੇ ਵਿਗਿਆਨਕ ਸਹਿਯੋਗ ਦੇ ਖੇਤਰਾਂ ਵਿਚ ਇਕ ਵੱਡਾ ਕਦਮ ਹੈ।
ਜ਼ਿਕਰਯੋਗ ਹੈ ਕਿ 26 ਜਨਵਰੀ ਵੀ ਆਸਟਰੇਲੀਆ ਦਾ ਵੀ ਰਾਸ਼ਟਰੀ ਦਿਨ ਹੁੰਦਾ ਹੈ। ਇਹ ਦਿਵਸ 1788 ਵਿੱਚ ਪੋਰਟ ਜੈਕਸਨ, ਨਿਊ ਸਾਊਥ ਵੇਲਜ਼ ਵਿੱਚ ਆਰਥਰ ਫਿਲਿਪ ਦੇ ਪਹਿਲੇ ਬੇੜੇ ਦੀ ਆਮਦ ਨਾਲ ਮਨਾਇਆ ਗਿਆ ਸੀ ਅਤੇ ਆਰਥਰ ਫਿਲਿਪ ਨੇ ਸਿਡਨੀ ਕੋਵ ਵਿਖੇ ਬ੍ਰਿਟਿਸ਼ ਝੰਡਾ ਲਹਿਰਾਇਆ ਸੀ।
ਪ੍ਰਧਾਨ ਮੰਤਰੀ ਮੌਰਿਸਨ ਨੇ ਕਿਹਾ ਕਿ ਭਾਰਤ ਅਤੇ ਆਸਟਰੇਲੀਆ ਕੌਮੀ ਦਿਵਸ ਦੇ ਨਾਲ ਲੋਕਤੰਤਰ, ਆਜ਼ਾਦੀ, ਉੱਦਮ ਅਤੇ ਮੌਕਾ ਸਾਂਝੇ ਕਰਦੇ ਹਨ। ਸਾਡਾ ਲੰਬਾ ਸਾਂਝਾ ਇਤਿਹਾਸ ਹੈ ਅਤੇ ਅਸੀਂ ਕਈ ਤਰੀਕਿਆਂ ਨਾਲ ਜੁੜੇ ਹਾਂ। ਆਲਮੀ ਮਹਾਂਮਾਰੀ ਨੇ ਸਾਨੂੰ ਇਨ੍ਹਾਂ ਸਾਂਝੀਆਂ ਕਦਰਾਂ ਕੀਮਤਾਂ ਉੱਤੇ ਵਧੇਰੇ ਮਾਣ ਕਰਨ ਦਾ ਮੌਕਾ ਦਿੱਤਾ ਹੈ।