ਲਹਿਰਾਗਾਗਾ : ਟੀਚਰਜ਼ ਹੋਮ, ਬਠਿੰਡਾ 'ਚ ਚਲ ਰਹੇ ਪੀਪਲਜ਼ ਲਿਟਰੇਚਰ ਫੈਸਟੀਵਲ ਦੇ ਤੀਜੇ ਦਿਨ ਸੀਬਾ ਸਕੂਲ, ਲਹਿਰਾਗਾਗਾ ਦੇ ਵਿਦਿਆਰਥੀਆਂ ਨੇ ਸ਼ਮੂਲੀਅਤ ਕੀਤੀ।ਸਕੂਲ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੂੰ ਬਾਬੂ ਸਿੰਘ ਮਾਨ, ਰੱਬੀ ਸ਼ੇਰਗਿੱਲ, ਸੁਮੇਲ ਸਿੰਘ ਸਿੱਧੂ, ਡਾ. ਰਾਜਿੰਦਰਪਾਲ ਸਿੰਘ ਬਰਾੜ, ਗੁਰਤੇਜ ਕੋਹਾਰਵਾਲਾ, ਵਿਜੈ ਵਿਵੇਕ, ਸੁਖਜਿੰਦਰ ਅਤੇ ਹੋਰਨਾਂ ਸਾਹਿਤਕਾਰਾਂ, ਕਲਾਕਾਰਾਂ ਅਤੇ ਰੰਗਕਰਮੀਆਂ ਨੂੰ ਮਿਲਣ ਦਾ ਮੌਕਾ ਮਿਲਿਆ। ਵੱਖ-ਵੱਖ ਪ੍ਰਕਾਸ਼ਨਾਂ ਵੱਲੋਂ ਲਾਈ ਪ੍ਰਦਰਸ਼ਨੀ ਤੋਂ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਅਗਾਂਹਵਧੂ ਸਾਹਿਤ ਦੀ ਵੀ ਖ਼ਰੀਦਦਾਰੀ ਕੀਤੀ।
ਪੀਪਲਜ਼ ਫੋਰਮ, ਬਰਗਾੜੀ ਦੇ ਪ੍ਰਧਾਨ ਅਤੇ ਮੇਲੇ ਦੇ ਮੁੱਖ ਪ੍ਰਬੰਧਕ ਖੁਸ਼ਵੰਤ ਬਰਗਾੜੀ ਨੇ ਵਿਦਿਆਰਥੀਆਂ ਦੀ ਹੌਸਲਾ ਅਫਜਾਈ ਕਰਦਿਆਂ ਕਿਹਾ ਕਿ ਅਜਿਹੇ ਮੰਚ ਵਿਦਿਆਰਥੀਆਂ ਦੇ ਸਮਾਜਿਕ-ਗਿਆਨ ਦਾ ਦਾਇਰਾ ਵਧਾਉਂਦੇ ਹਨ।
ਸਕੂਲ ਪ੍ਰਬੰਧਕ ਕੰਵਲਜੀਤ ਸਿੰਘ ਢੀਂਡਸਾ ਨੇ ਕਿਹਾ ਕਿ ਸੀਬਾ ਦੀ ਸਥਾਪਨਾ ਦੇ 25ਵੇਂ ਵਰ੍ਹੇ ਨੂੰ ਮੁੱਖ ਰੱਖਦਿਆਂ ਸਕੂਲ ਕੈਂਪਸ 'ਚ ਵੀ ਅਹਿਮ ਸਖ਼ਸ਼ੀਅਤਾਂ ਨਾਲ ਰੂਬਰੂ ਪ੍ਰੋਗਰਾਮ ਰੱਖੇ ਜਾਣਗੇ।
ਸੀਬਾ ਟੀਮ 'ਚ ਅਧਿਆਪਕ ਹਰਮੇਸ਼ ਸਿੰਘ, ਕੁਲਦੀਪ ਕੌਰ, ਸਤਨਾਮ ਸਿੰਘ, ਲਵਦੀਪ ਸਿੰਘ, ਰਣਦੀਪ ਸੰਗਤਪੁਰਾ ਅਤੇ ਵਿਦਿਆਰਥੀਆਂ 'ਚ ਜਸਪਿੰਦਰ, ਖੁਸ਼ਲੀਨ, ਰੌਬਿਨ, ਗੁਰਲੀਨ, ਰਸ਼ਮੀਤ, ਸਿਮਰਨਜੀਤ, ਸਿਮਰਜੀਤ, ਦਿਕਸ਼ਾ, ਗੁੰਜਨ ਅਤੇ ਰਜਨੀ ਸ਼ਾਮਿਲ ਸਨ।