ਸਹੀਦ ਭਗਤ ਸਿੰਘ ਨਗਰ :ਡਿਪਟੀ ਕਮਿਸ਼ਨਰ-ਕਮ-ਜ਼ਿਲ੍ਹਾ ਚੋਣ ਅਫ਼ਸਰ ਵਿਸ਼ੇਸ਼ ਸਾਰੰਗਲ ਨੇ ਸੋਮਵਾਰ (21 ਫਰਵਰੀ) ਨੂੰ ਜ਼ਿਲ੍ਹੇ ਵਿੱਚ ਐਤਵਾਰ ਨੂੰ ਡਿਊਟੀ ’ਤੇ ਤਾਇਨਾਤ ਰਹੀਆਂ ਪੋਲਿੰਗ ਪਾਰਟੀਆਂ ਦੇ ਸਮੁੱਚੇ ਸਟਾਫ਼ ਲਈ ਆਨ-ਡਿਊਟੀ ਛੁੱਟੀ ਦਾ ਐਲਾਨ ਕੀਤਾ ਹੈ।
ਸ੍ਰੀ ਸਾਰੰਗਲ ਨੇ ਦੱਸਿਆ ਕਿ ਭਾਰਤੀ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਮਤਦਾਨ ਵਾਲਾ ਦਿਨ ਅਤੇ ਮਤਦਾਨ ਤੋਂ ਅਗਲਾ ਦਿਨ ਅਤੇ ਦੁਬਾਰਾ ਮਤਦਾਨ ਹੋਣ ਦੀ ਸਥਿਤੀ ਵਿੱਚ ਮੁੜ-ਮਤਦਾਨ ਦਾ ਦਿਨ ਅਤੇ ਉਸ ਤੋਂ ਅਗਲੇ ਦਿਨ ਚੋਣ ਡਿਊਟੀ ਦਾ ਸਮਾਂ ਮੰਨਿਆ ਜਾਂਦਾ ਹੈ ਅਤੇ ਚੋਣ ਅਮਲੇ ਨੂੰ ਅਜਿਹੇ ਦਿਨ ਆਪਣੇ ਆਮ ਡਿਊਟੀ ਵਾਲੇ ਥਾਂ ’ਤੇ ਰਿਪੋਰਟ ਕਰਨਾ ਜ਼ਰੂਰੀ ਨਹੀਂ।ਉਨ੍ਹਾਂ ਕਿਹਾ ਕਿ ਜ਼ਿਲ੍ਹੇ ਵਿੱਚ ਨਿਰਵਿਘਨ ਅਤੇ ਨਿਰਪੱਖ ਚੋਣਾਂ ਨੂੰ ਯਕੀਨੀ ਬਣਾਉਣ ਲਈ 614 ਪੋਲਿੰਗ ਪਾਰਟੀਆਂ ਦੇ ਸਮੂਹ ਮੈਂਬਰਾਂ ਨੇ ਅਣਥੱਕ ਮਿਹਨਤ ਕੀਤੀ ਹੈ, ਜਿਸ ਲਈ ਉਹ ਵਧਾਈ ਦੇ ਪਾਤਰ ਹਨ।