ਕਾਦੀਆਂ: ਕਾਦੀਆਂ ਚ ਮਤਦਾਨ ਸ਼ਾਂਤਿ ਨਾਲ ਚਲ ਰਿਹਾ ਹੈ। ਕਾਦੀਆਂ ਚ ਜਿਹੜੇ ਦੋ ਪਿੰਕ ਬੂਥ ਬਣਾਏ ਗਏ ਹਨ ਉਥੇ ਵੋਟਰਾਂ ਦੀ ਤਾਦਾਦ ਕਾਫ਼ੀ ਘੱਟ ਵੇਖਣ ਨੂੰ ਮਿਲ ਰਹੀ ਹੈ। ਇੱਥੇ ਵਾਰਡ 7 ਅਤੇ 8 ਦੇ 143 ਅਤੇ 144 ਬੂਥਾਂ ਨੂੰ ਪਿੰਕ ਬੂਥ ਬਣਾਇਆ ਗਿਆ ਹੈ। ਇਨ੍ਹਾਂ ਦੋਂਵੇ ਬੂਥਾਂ ਚ ਵੋਟਰਾਂ ਦੀ ਗਿਣਤੀ 1848 ਹੈ। ਅਤੇ ਇਥੇ ਜ਼ਿਆਦਾ ਤਰ ਵੋਟਰ ਮੁਸਲਿਮ ਭਾਈਚਾਰੇ ਨਾਲ ਤਾਲੁਕ ਰਖਦੇ ਹਨ।
ਬੂਥ ਅਧਿਕਾਰੀ ਸ਼੍ਰੀ ਰੋਸ਼ਨ ਲਾਲ ਨੇ ਦੱਸਿਆ ਕਿ ਦੁਪਹਰ ਇੱਕ ਵਜੇ ਤੱਕ 50 ਫ਼ੀਸਦੀ ਵੋਟਾਂ ਭੁਗਤ ਚੁਕੀਆਂ ਸਨ। ਜਦੋਂ ਪੱਤਰਕਾਰਾਂ ਵੱਲੋਂ ਇਨ੍ਹਾਂ ਬੂਥਾਂ ਦਾ ਦੌਰਾ ਕੀਤਾ ਗਿਆ ਤਾਂ ਉਥੇ ਵੋਟਰਾਂ ਲਈ ਬੈਠਣ ਦੇ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਸਨ। ਕਿਸੇ ਨੂੰ ਵੀ ਲਾਈਨ ਚ ਲਗਕੇ ਵੋਟ ਪਾਉਣ ਲਈ ਇੰਤਜ਼ਾਰ ਕਰਨਾ ਨਹੀਂ ਪੈ ਰਿਹਾ ਸੀ। ਇੱਥੇ ਮੁਸਲਿਮ ਮਹਿਲਾਂਵਾ ਹਿਜਾਬ ਪਾਕੇ ਆਪਣੇ ਵੋਟ ਦਾ ਇਸਤੇਮਾਲ ਕਰਨ ਲਈ ਪਹੁੰਚਿਆ ਹੋਇਆ ਸਨ। ਇਥੇ ਕੋਵਿਡ ਪ੍ਰੋਟੋਕੋਲ ਦੀ ਪੂਰੀ ਤਰ੍ਹਾਂ ਪਾਲਣਾ ਕੀਤੀ ਜਾ ਰਹੀ ਹੈ। ਇਸੇ ਤਰ੍ਹਾਂ ਕਾਦੀਆਂ ਦੀ ਬਾਕੀ ਦੀ 14 ਬੂਥਾਂ ਲਈ ਵੱਖ ਵੱਖ ਬੂਥ ਬਣਾਏ ਗਏ ਹਨ। ਜਿਥੇ ਵੋਟਰਾਂ ਦੀ ਵੱਡੀ ਵਡੀ ਲਾਇਨਾਂ ਵੋਟ ਪਾਉਣ ਲਈ ਵੇਖਿਆਂ ਗਈਆਂ ਹਨ।