ਵੱਡੇ ਬੇਟੇ ਕਰਨ ਤੋਂ ਬਾਅਦ ਹੁਣ ਸੰਨੀ ਦਿਓਲ ਦੇ ਛੋਟੇ ਬੇਟੇ ਰਾਜਵੀਰ ਵੀ ਕਰਨਗੇ ਬਾਲੀਵੁੱਡ 'ਚ ਡੈਬਿਉ

ਮਸ਼ਹੂਰ ਫਿਲਮ ਅਦਾਕਾਰ ਅਤੇ ਸਿਆਸਤਦਾਨ ਸੰਨੀ ਦਿਓਲ ਦੇ ਵੱਡੇ ਬੇਟੇ ਕਰਨ ਦਿਓਲ ਤੋਂ ਬਾਅਦ ਹੁਣ ਉਨ੍ਹਾਂ ਦੇ ਛੋਟੇ ਬੇਟੇ ਰਾਜਵੀਰ ਦਿਓਲ ਵੀ ਬਾਲੀਵੁੱਡ ਵਿੱਚ ਕਦਮ ਰੱਖਣ ਦੀ ਤਿਆਰੀ ਕਰ ਰਹੇ ਹਨ। ਭਾਰਤੀ ਫਿਲਮ ਇੰਡਸਟਰੀ ਵਿੱਚ ਕਈ ਸਫਲ ਅਤੇ ਯਾਦਗਾਰੀ ਫਿਲਮਾਂ ਦੇਣ ਵਾਲੇ ਰਾਜਸ਼੍ਰੀ ਫਿਲਮਜ਼ ਦਾ ਬੈਨਰ ਰਾਜਵੀਰ ਨੂੰ ਬਾਲੀਵੁੱਡ ਵਿੱਚ ਲਾਂਚ ਕਰ ਰਿਹਾ ਹੈ।

ਆਪਣੇ ਪੁੱਤਰ ਰਾਜਵੀਰ ਦੇ ਬਾਲੀਵੁੱਡ ਵਿੱਚ ਡੈਬਿਉ ਦੀ ਘੋਸ਼ਣਾ ਕਰਦਿਆਂ ਸੰਨੀ ਦਿਓਲ ਨੇ ਸੋਸ਼ਲ ਮੀਡੀਆ ‘ਤੇ ਟਵੀਟ ਕਰਦਿਆਂ ਲਿਖਿਆ-‘ ਮੇਰਾ ਬੇਟਾ ਰਾਜਵੀਰ ਬਤੌਰ ਅਦਾਕਾਰ ਆਪਣੀ ਯਾਤਰਾ ਦੀ ਸ਼ੁਰੂਆਤ ਕਰ ਰਿਹਾ ਹੈ। ਰਾਜਸ਼੍ਰੀ ਪ੍ਰੋਡਕਸ਼ਨਜ਼ ਨੇ ਰਾਜਵੀਰ ਦਿਓਲ ਅਤੇ ਅਵਿਨਾਸ਼ ਬੜਜਾਤੀਆ ਨਾਲ ਇੱਕ ਆਧੁਨਿਕ ਪ੍ਰੇਮ ਕਹਾਣੀ ਦਾ ਐਲਾਨ ਕੀਤਾ ਹੈ। ਇਕ ਖੂਬਸੂਰਤ ਯਾਤਰਾ ਸ਼ੁਰੂ ਹੋਣ ਵਾਲੀ ਹੈ. '

ਰਾਜਵੀਰ ਦੀ ਪਹਿਲੀ ਫਿਲਮ ਦਾ ਟਾਈਟਸ ਅਜੇ ਤੈਅ ਨਹੀਂ ਹੋਇਆ ਹੈ ਅਤੇ ਨਾ ਹੀ ਇਸ ਫਿਲਮ ਬਾਰੇ ਜ਼ਿਆਦਾ ਜਾਣਕਾਰੀ ਸਾਹਮਣੇ ਆਈ ਹੈ। ਪਰ ਉਸ ਦੀ ਡੈਬਿਉ ਫਿਲਮ ਦਾ ਨਿਰਦੇਸ਼ਨ ਸੂਰਜ ਬਰਜਾਤੀਆ ਦੇ ਛੋਟੇ ਬੇਟੇ ਅਵਿਨਾਸ਼ ਬਰਜਾਤੀਆ ਕਰਨਗੇ। ਇਸ ਫਿਲਮ ਤੋਂ ਰਾਜਵੀਰ ਬਤੌਰ ਅਦਾਕਾਰ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨਗੇ। ਇਸ ਦੇ ਨਾਲ ਹੀ ਨਿਰਦੇਸ਼ਕ ਵਜੋਂ ਅਵਿਨਾਸ਼ ਬੜਜਾਤਿਆ ਦੀ ਇਹ ਪਹਿਲੀ ਫਿਲਮ ਵੀ ਹੋਵੇਗੀ। ਰਾਜਵੀਰ ਦਿਓਲ ਪਰਿਵਾਰ ਦੇ ਅਜਿਹੇ ਪਹਿਲਾ ਮੇਲ ਮੈਂਬਰ ਹਨ, ਜੋ ਬਾਹਰ ਦੇ ਬੈਨਰ ਹੇਠ ਲਾਂਚ ਹੋ ਰਹੇ ਹਨ। ਇਸ ਤੋਂ ਪਹਿਲਾਂ ਮਸ਼ਹੂਰ ਅਭਿਨੇਤਾ ਧਰਮਿੰਦਰ ਨੇ ਆਪਣੇ ਦੋਹਾਂ ਬੇਟਿਆਂ ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਦੀ ਪਹਿਲੀ ਫ਼ਿਲਮ ਆਪ ਪ੍ਰਿਡਿਊਸ ਕੀਤੀ ਸੀ। ਉਸੇ ਸਮੇਂ, ਰਾਜਵੀਰ ਦੇ ਵੱਡੇ ਭਰਾ ਅਤੇ ਸੰਨੀ ਦਿਓਲ ਦੇ ਵੱਡੇ ਬੇਟੇ ਨੂੰ ਵੀ ਉਨ੍ਹਾਂ  ਦੇ ਪਿਤਾ ਨੇ ਹੀ ਬਾਲੀਵੁੱਡ ਵਿੱਚ ਆਪਣੇ ਨਿਰਦੇਸ਼ਨ ਹੇਠ ਫਿਲਮ ਤੋਂ ਲਾਂਚ ਕੀਤਾ ਸੀ।