ਬਾਲੀਵੁੱਡ ਦੇ ਸਟਾਰ ਅਭਿਨੇਤਾ ਅਕਸ਼ੈ ਕੁਮਾਰ, ਸੁਨੀਲ ਸ਼ੈੱਟੀ ਅਤੇ ਪਰੇਸ਼ ਰਾਵਲ ਇੱਕ ਵਾਰ ਫਿਰ ਤੋਂ ਇਕੱਠੇ ਦਰਸ਼ਕਾਂ ਨੂੰ ਹਸਾਉਂਦੇ ਹੋਏ ਨਜ਼ਰ ਆਉਣਗੇ | ਮਤਲਬ ਹੁਣ ਹੇਰਾ ਫੇਰੀ ਦਾ ਤੀਜਾ ਪਾਰਟ ਵੀ ਬਣਨ ਵਾਲਾ ਹੈ | ਹੇਰਾ ਫੇਰੀ ਦੀ ਰਿਲੀਜ਼ ਨੂੰ 21 ਸਾਲ ਪੂਰੇ ਹੋਣ ਦੇ ਵਿਸ਼ੇਸ਼ ਮੌਕੇ 'ਤੇ ਫਿਲਮ ਪ੍ਰੋਡਿਊਸਰ ਫਿਰੋਜ਼ ਨਾਡਿਆਡਵਾਲਾ ਨੇ 'ਹੇਰਾ ਫੇਰੀ 3' ਨੂੰ ਲੈ ਕੇ ਵੱਡਾ ਅਪਡੇਟ ਦਿੱਤਾ ਹੈ |
ਫਿਰੋਜ਼ ਨਾਡਿਆਡਵਾਲਾ ਨੇ ਕਨਫਰਮ ਕਰ ਦਿੱਤਾ ਹੈ ਕਿ ਉਹ ਅਕਸ਼ੈ ਕੁਮਾਰ, ਸੁਨੀਲ ਸ਼ੈੱਟੀ ਅਤੇ ਪਰੇਸ਼ ਰਾਵਲ ਦੇ ਨਾਲ ਤੀਜੀ ਇੰਸਟਾਲਮੈਂਟ ਲੈ ਕੇ ਆ ਰਹੇ ਹਨ | ਫਿਰੋਜ਼ ਨਾਡਿਆਡਵਾਲਾ ਨੇ ਇਸ ਸਬੰਧ 'ਚ ਕਿਹਾ ਕਿ ਸਕ੍ਰਿਪਟ ਫਾਈਨਲ ਹੋ ਗਈ ਹੈ ਅਤੇ ਜਲਦੀ ਹੀ ਇਸਦੀ ਅਧਿਕਾਰਤ ਘੋਸ਼ਣਾ ਕੀਤੀ ਜਾਵੇਗੀ | ਉਨ੍ਹਾਂ ਨੇ ਦੱਸਿਆ ਕਿ ਇਸ ਬਾਰ ਆਈਡੀਆ ਸਿਰਫ ਹੇਰਾ ਫੇਰੀ 3 ਨਹੀਂ ਹੈ ਬਲਕਿ ਹੋਰ ਹੇਰਾ ਫੇਰੀ ਵੀ ਹੈ ਅਤੇ ਅਸੀਂ ਉਸਦਾ ਪੂਰਾ ਧਿਆਨ ਰੱਖ ਰਹੇ ਹਾਂ |
ਫਿਰੋਜ਼ ਤੋਂ ਜਦੋ ਪੁੱਛਿਆ ਗਿਆ ਕਿ ਕੀ ਹੇਰਾ ਫੇਰਾ 3 ਦੀ ਕਹਾਣੀ ਉੱਥੇ ਤੋਂ ਸ਼ੁਰੂ ਹੋਵੇਗੀ ਜਿੱਥੇ ਦੂਜੇ ਭਾਗ ਦਾ ਅੰਤ ਹੋਇਆ ਸੀ, ਤਾਂ ਇਸਦੇ ਲਈ ਉਨ੍ਹਾਂ ਨੇ ਹਾਂ 'ਚ ਜਵਾਬ ਦਿੱਤਾ | ਉਨ੍ਹਾਂ ਨੇ ਕਿਹਾ ਕਿ ਉਸ 'ਚ ਕਹਾਣੀ ਕੌਂਟੀਨਿਊ ਹੋਵੇਗੀ | ਹੇਰਾ ਫੇਰੀ ਦੇ ਦੂਜੇ ਭਾਗ ਦੇ ਲਾਸਟ ਸੀਨ ਦਾ ਜਵਾਬ ਦਰਸ਼ਕਾਂ ਨੂੰ ਮਿਲ ਜਾਵੇਗਾ |