Wednesday, November 18, 2026
ਤਾਜਾ ਖਬਰਾਂ

National

ਜਸਪਾਲ ਧਾਮੀ ਦੀ ਪੁਸਤਕ 'ਮਸੀਹੇ ਬੋਲਦੇ ਨੇ' ਰਿਲੀਜ਼

ਅਮਰੀਕ ਸਿੰਘ  | May 23, 2023 06:37 AM
 

ਅੰਮ੍ਰਿਤਸਰ 22 ਮਈ (          )
ਅੱਜ ਇੱਥੇ ਇਕ ਨਿੱਜੀ ਹੋਟਲ 'ਚ ਪਰਵਾਸੀ ਸ਼ਾਇਰ ਜਸਪਾਲ ਧਾਮੀ ਦਾ ਨਵਾਂ ਕਾਵਿ ਸੰਗ੍ਰਹਿ ਮਸੀਹੇ ਬੋਲਦੇ ਨੇ' 'ਅੱਖਰ' ਮੈਗਜ਼ੀਨ ਦੇ ਸੰਪਾਦਕ ਤੇ ਪ੍ਰਸਿੱਧ ਸ਼ਾਇਰ ਵਿਸ਼ਾਲ ਤੇ 'ਕਹਾਣੀ ਧਾਰਾ' ਮੈਗਜ਼ੀਨ ਦੇ ਸੰਪਾਦਕ ਤੇ ਪ੍ਰਸਿੱਧ ਕਹਾਣੀਕਾਰ ਭਗਵੰਤ ਰਸੂਲਪੁਰੀ ਨੇ ਸਾਂਝੇ ਤੌਰ 'ਤੇ ਰਿਲੀਜ਼ ਕੀਤਾ |
ਪੁਸਤਕ ਦੇ ਲੇਖਕ ਜਸਪਾਲ ਧਾਮੀ ਨੇ ਸ਼ੁਰੂ ਵਿਚ 'ਮਸੀਹੇ ਬੋਲਦੇ ਨੇ' ਵਿਚੋਂ ਆਪਣੀਆਂ ਕੁਝ ਚੋਣਵੀਆਂ ਕਵਿਤਾਵਾਂ ਪੜ੍ਹ ਕੇ ਸੁਣਾਈਆਂ | ਉਪਰੰਤ ਉਨ੍ਹਾਂ ਕਿਹਾ ਕਿ ਮੇਰੀ ਪਹਿਲੀ ਪੁਸਤਕ ਗ਼ਜ਼ਲ ਸੰਗ੍ਰਹਿ 'ਯਾਦਾਂ ਦਾ ਪਸ਼ਮੀਨਾ' ਤੋਂ ਬਾਅਦ ਇਹ ਦੂਜੀ ਕਾਵਿ ਪੁਸਤਕ ਹੈ | ਮੈਂ ਸ਼ੁਰੂ ਤੋਂ ਕਵਿਤਾ ਦੀ ਪ੍ਰਗੀਤਕ ਸ਼ੈਲੀ ਦਾ ਹਾਮੀ ਰਿਹਾ ਹਾਂ | ਇਸ ਕਿਤਾਬ ਰਾਹੀਂ ਮੈਂ ਰਵਾਇਤੀ ਕਵਿਤਾ ਤੋਂ ਉਪਰ ਉੱਠ ਕੇ ਗੱਲ ਕਰਨ ਦੀ ਕੋਸ਼ਿਸ ਕੀਤੀ ਹੈ | ਇਸ ਵਿਚ ਮੈਂ ਨਵੇਂ ਕਾਵਿ ਮੁਹਾਵਰੇ ਨਾਲ ਆਪਣੀ ਗੱਲ ਕੀਤੀ ਹੈ | ਪ੍ਰਸਿੱਧ ਸ਼ਾਇਰ ਵਿਸ਼ਾਲ ਨੇ ਜਸਪਾਲ ਧਾਮੀ ਨੂੰ  ਆਧੁਨਿਕ ਯੁੱਗ ਦਾ ਕਵੀ ਕਹਿੰਦਿਆਂ ਕਿਹਾ ਕਿ ਜਸਪਾਲ ਧਾਮੀ ਨੇ ਆਪਣੀ ਲੇਖਣੀ ਦੀ ਸ਼ੁਰੂਆਤ ਅੰਮਿ੍ਤਾ ਪ੍ਰੀਤਮ ਦੇ ਪਰਚੇ 'ਨਾਗਮਾਣੀ' ਨਾਲ ਕੀਤੀ | ਕਿਸੇ ਸਮੇਂ ਉਸ ਦੀਆਂ ਕਵਿਤਾਵਾਂ 'ਨਾਗਮਣੀ' ਦੇ ਟਾਇਟਲ ਪੰਨੇ ਉ ੱਤੇ ਛਪਦੀਆਂ ਰਹੀਆਂ ਤੇ ਹੁਣ ਤੱਕ ਉਹ ਨਿਰੰਤਰ ਨਿੱਗਰ ਤੇ ਨਰੋਇਆ ਲਿਖਦਾ ਆ ਰਿਹਾ ਹੈ | ਇਸ ਵੇਲੇ ਉਹ ਸਮਕਾਲ ਨੂੰ  ਪੂਰੀ ਸਮਰੱਥਾ ਨਾਲ ਫੜਨ ਵਾਲਾ ਵੱਡਾ ਸ਼ਾਇਰ ਹੈ | ਭਗਵੰਤ ਰਸੂਲਪੁਰੀ ਨੇ ਕਿਤਾਬ ਦੇ ਰਿਲੀਜ਼ ਉਪਰੰਤ ਕਿਹਾ ਕਿ ਧਾਮੀ ਦੀ ਕਵਿਤਾ ਸਾਡੇ ਇਤਿਹਾਸ ਮਿਥਿਹਾਸ ਅਤੇ ਸਮਕਾਲੀ ਸਮਾਜ ਦੇ ਸੱਭਿਆਚਾਰ ਵਿਚ ਵਾਪਰ ਰਹੀਆਂ ਮਹੱਤਵਪੂਰਨ ਘਟਨਾਵਾਂ ਤੇ ਪ੍ਰਸੰਗਾ ਦਾ ਪੁਨਰਵਿਸ਼ਲੇਸ਼ਣ ਕਰਦੀ ਹੈ | ਉਸ ਦਾ ਕਾਵਿ ਮੁਹਾਵਰਾ ਅਤੇ ਮੁਹਾਂਦਰਾ ਨਿਵੇਕਲਾ ਹੈ |
ਪੰਜਾਬੀ ਗਾਇਕ ਤੇ ਸ਼ਾਇਰ ਹਰਿੰਦਰ ਸੋਹਲ ਨੇ ਕਿਹਾ ਕਿ ਮੈਨੂੰ ਜਸਪਾਲ ਧਾਮੀ ਦੀ ਕਵਿਤਾ ਵਿਚ ਪ੍ਰਗੀਤਕ ਅੰਸ਼ ਆਪਣੇ ਵੱਲ ਖਿਚਦਾ ਹੈ | ਅਜਿਹਾ ਇਸ ਕਰਕੇ ਹੋਇਆ ਕਿ ਉਹ ਮੁੱਢਲੇ ਰੂਪ ਵਿਚ ਇਕ ਗਾਇਕ ਵੀ ਰਿਹਾ ਹੈ | ਉਸ ਨੂੰ  ਸੰਗੀਤਕ ਸੂਝ ਵੀ ਹੈ | ਕਾਲਜ ਦੇ ਯੂਥ ਫੈਸਟੀਵੈੱਲ 'ਚ ਉਹਦੀ ਸੁਰੀਲੀ ਆਵਾਜ਼ ਦਾ ਜਾਦੂ ਰਿਹਾ ਹੈ | ਉਨ੍ਹਾਂ ਦੀ ਜੀਵਨ ਸਾਥਣ ਚਰਨਜੀਤ ਕੌਰ ਨੇ ਵੀ ਜਸਪਾਲ ਧਾਮੀ ਨਾਲ ਆਪਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ | ਕਿਵੇਂ ਉਹ ਕਾਲਜ ਅਧਿਆਪਕ ਦੀ ਕੱਚੀ ਨੌਕਰੀ ਛੱਡ ਕੇ ਬੈਂਕ ਦਾ ਪੱਕਾ ਮੁਲਾਜ਼ਮ ਉਪਰੰਤ ਪਰਵਾਸੀ ਹੋ ਗਿਆ ਪਰ ਇਸ ਦੇ ਬਾਵਜੂਦ ਸੰਗੀਤ, ਗੀਤ ਤੇ ਕਵਿਤਾ ਉਨ੍ਹਾਂ ਦੇ ਮਨ ਮਸਤਕ ਵਿਚ ਵਹਿੰਦੀ ਰਹੀ |

Have something to say? Post your comment

google.com, pub-6021921192250288, DIRECT, f08c47fec0942fa0

National

'ਸਭ ਨੂੰ ਦੀਵਾਲੀ ਦੀਆਂ ਸ਼ੁਭਕਾਮਨਾਵਾਂ': ਪ੍ਰਧਾਨ ਮੰਤਰੀ ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਤਿਉਹਾਰ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ

ਦਿੱਲੀ ਦਾ AQI 365 'ਤੇ ਬਣਿਆ ਹੋਇਆ ਹੈ; ਪ੍ਰਦੂਸ਼ਣ ਦਾ ਪੱਧਰ ਵਧਣਾ ਜਾਰੀ ਹੈ

ਕਰਤਾਰਪੁਰ ਲਾਂਘੇ ਦੀ ਲੰਮੀ ਬੰਦਸ਼ ਕਾਰਨ ਸਿੱਖ ਭਾਈਚਾਰੇ ਵਿੱਚ ਵਧ ਰਹੀ ਨਿਰਾਸ਼ਾ, ਸਰਕਾਰ ਨਾਲ ਭਰੋਸੇ ਦਾ ਪਾੜਾ ਹੋਰ ਡੂੰਘਾ ਸਤਨਾਮ ਸਿੰਘ ਚਾਹਲ

ਅਮੂਲ ਨੇ ਭਾਰਤ ਭਰ ਵਿੱਚ ਘਿਓ ਅਤੇ ਮੱਖਣ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ; 1 ਕਿਲੋਗ੍ਰਾਮ ਘਿਓ ਦੇ ਪੈਕ ਦੀ ਕੀਮਤ 50 ਰੁਪਏ ਵਧਾਈ 

ਪੰਜਾਬ ਸਰਕਾਰ, ਝੋਟਾ ਪਰਿਵਾਰ ਵਿਚਕਾਰ ਸਮਝੌਤਾ; 5 ਨਵੰਬਰ ਨੂੰ ਮੁੱਖ ਮੰਤਰੀ ਰਿਹਾਇਸ਼ 'ਤੇ ਧਰਨਾ ਰੱਦ

ਹਰਿਆਣਾ ਦੇ ਰਾਜਪਾਲ ਨੇ ਸਤੀਸ਼ ਕੁਮਾਰ ਨੂੰ ਹਰਿਆਣਾ ਲੋਕ ਸੇਵਾ ਕਮਿਸ਼ਨ ਦੇ ਚੇਅਰਮੈਨ ਵਜੋਂ ਅਹੁਦੇ ਦੀ ਸਹੁੰ ਚੁਕਾਈ

ਸ਼ਰਧਾ ਦਾ ਹਲਫ਼ਨਾਮਾ ਦਿੱਤੇ ਬਿਨਾਂ ਗੈਰ-ਹਿੰਦੂ ਨਹੀਂ ਜਾ ਸਕਣਗੇ ਮੰਦਰਾਂ ਦੇ ਅੰਦਰ: ਮਦਰਾਸ ਹਾਈ ਕੋਰਟ ਦਾ ਅਹਿਮ ਫੈਸਲਾ

ਸਰਕਾਰੀ ਹਾਈ ਸਕੂਲ ਚੌਰਾ ਦੇ ਵਿਦਿਆਰਥੀ ਮੁਹੰਮਦ ਆਦਿਲ ਨੇ ਜ਼ਿਲ੍ਹਾ ਪੱਧਰੀ ਕੁਇਜ਼ ਮੁਕਾਬਲੇ ਵਿੱਚ ਹਾਸਲ ਕੀਤਾ ਦੂਜਾ ਸਥਾਨ

ਪ੍ਰਧਾਨ ਮੰਤਰੀ ਮੋਦੀ ਪੰਜਾਬ ਦੇ ਬਜ਼ੁਰਗਾਂ ਲਈ ਮੁਫ਼ਤ ਤੀਰਥ ਯਾਤਰਾ ਰੋਕਣ ਦੀ ਕੋਸ਼ਿਸ਼ ਕਰ ਰਹੇ: ਅਰਵਿੰਦ ਕੇਜਰੀਵਾਲ

ਕਿਸਾਨਾਂ ਨੂੰ 24 ਘੰਟਿਆਂ ‘ਚ ਫਸਲ ਦਾ ਭੁਗਤਾਨ ਕੀਤਾ ਜਾ ਰਿਹੈ: ਮੁੱਖ ਮੰਤਰੀ ਭਗਵੰਤ ਮਾਨ