ਗੁਰਦਾਸਪੁਰ-(ਸੰਦੀਪ ਸੰਨੀ): ਸ਼ਹੀਦ ਭਗਤ ਸਿੰਘ ਜੂਡੋ ਸੈਂਟਰ ਗੁਰਦਾਸਪੁਰ ਦਾ ਹੋਣਹਾਰ ਜੂਡੋ ਖਿਡਾਰੀ ਜਸਲੀਨ ਸਿੰਘ ਸੈਣੀ ਟੋਕਿਓ ਓਲੰਪਿਕ 2021 ਦੀ ਸੁਨਹਿਰੀ ਸਫਰ ਲਈ ਸਿੱਧੀ ਟਿਕਟ ਕੱਟਣ ਤੋਂ ਸਿਰਫ ਦੋ ਕਦਮ ਪਿੱਛੇ ਹੈ। ਇਸ ਸਫਰ ਨੂੰ ਯਾਦਗਾਰੀ ਬਣਾਉਣ ਲਈ ਵਿਸ਼ਵ ਪੱਧਰੀ ਜੂਡੋ ਮੈਦਾਨਾਂ ਵਿਚ ਮੈਡਲ ਜਿੱਤਣ ਲਈ ਦਿਨ-ਰਾਤ ਇਕ ਕਰ ਰਿਹਾ ਹੈ। ਇਸ ਲਈ ਜਸਲੀਨ ਸਿੰਘ ਸੈਣੀ ਨੇ ਸ਼ਹੀਦ ਭਗਤ ਸਿੰਘ ਜੂਡੋ ਸੈਂਟਰ ਗੁਰਦਾਸਪੁਰ ਵੱਲੋਂ 5 ਤੋਂ 7 ਮਾਰਚ ਤੱਕ ਉਜ਼ਬੇਕਿਸਤਾਨ (ਤਾਸ਼ਕੰਦ) ਵਿਖੇ ਤਾਸ਼ਕੰਦ ਗ੍ਰੈਂਡ ਸਲੈਮ 2021 ਵਿਚ ਹਿੱਸਾ ਲੈਣ ਲਈ ਜਸਲੀਨ ਸਿੰਘ ਸੈਣੀ ਨੇ ਸ਼ਹੀਦ ਭਗਤ ਸਿੰਘ ਜੂਡੋ ਸੈਂਟਰ ਗੁਰਦਾਸਪੁਰ ਤੋਂ ਆਸ਼ੀਰਵਾਦ ਲੈ ਕੇ ਅੰਤਰਰਾਸ਼ਟਰੀ ਪੱਧਰ 'ਤੇ ਤਗਮਾ ਜਿੱਤ ਕੇ ਓਲੰਪਿਕ ਵਿਚ ਸਿੱਧੇ ਕੁਆਲੀਫਾਈ ਕਰਨ ਦੇ ਸੁਪਨੇ ਸੰਜੋਈ ਰੱਖਿਆ ਹੈ।
ਸੈਂਟਰ ਇੰਚਾਰਜ ਅਮਰਜੀਤ ਸ਼ਾਸਤਰੀ ਅਤੇ ਜੂਡੋ ਕੋਚ ਰਵੀ ਕੁਮਾਰ ਨੇ ਦੱਸਿਆ ਕਿ ਖਿਡਾਰੀ ਜਸਲੀਨ ਸੈਣੀ ਤੰਗ ਆਰਥਿਕ ਹਾਲਤਾਂ ਅਤੇ ਕੋਰੋਨਾ ਸੰਕਟ ਦੌਰਾਨ ਪਿਛਲੇ 2 ਸਾਲਾਂ ਤੋਂ ਵਿਦੇਸ਼ੀ ਧਰਤੀ 'ਤੇ ਰਹਿ ਕੇ 66 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਓਲੰਪਿਕ ਕੁਆਲੀਫਾਈ ਕਰਨ ਵਾਲੀ ਸੂਚੀ ਵਿੱਚ 56ਵਾਂ ਸਥਾਨ ਪ੍ਰਾਪਤ ਕਰ ਚੁੱਕਾ ਹੈ। ਉੱਧਰ, ਜਸਲੀਨ ਸੈਨੀ ਏਸ਼ੀਆ ਮਹਾਂਦੀਪ ਦੇ ਕੋਟੇ ਵਿਚ ਮੌਜੂਦਾ ਓਲੰਪਿਕ ਕੁਆਲੀਫਾਇਰ ਹੈ, ਪਰ ਜੂਨ 2021 ਤਕ ਵਿਸ਼ਵ ਪੱਧਰ 'ਤੇ ਜੂਡੋ ਮੈਚਾਂ ਵਿਚ ਆਪਣੀ ਮੌਜੂਦਾ ਲੈਅ ਬਣਾਈ ਰੱਖਣ ਲਈ ਨਿਰੰਤਰ ਸੰਘਰਸ਼ ਦੀ ਜ਼ਰੂਰਤ ਹੈ। ਹਾਲਾਂਕਿ ਭਾਰਤ ਸਰਕਾਰ ਦਾ ਖੇਡ ਮੰਤਰਾਲਾ ਬਾਹਰ ਖੇਡਣ ਦੇ ਸਾਰਾ ਖਰਚ ਅਦਾ ਕਰ ਰਿਹਾ ਹੈ, ਲੇਕਿਨ ਫਿਰ ਵੀ ਗੁਰਦਾਸਪੁਰ ਦਾ ਜੂਡੋ ਸੈਂਟਰ ਓਲੰਪੀਅਨ ਖਿਡਾਰੀ ਦੇ ਤਗਮੇ ਜਿੱਤਣ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਬੁਨਿਆਦੀ ਸਹੂਲਤਾਂ ਦੇ ਯੋਗ ਨਹੀਂ ਹੈ। ਇੰਚਾਰਜ ਸ਼ਾਸਤਰੀ ਨੇ ਮੰਗ ਕੀਤੀ ਕਿ ਖੇਡ ਵਿਭਾਗ ਪੰਜਾਬ ਹਲਕੇ ਦੇ ਵਿਧਾਇਕ ਨੂੰ ਜੂਡੋ ਸੈਂਟਰ ਨੂੰ ਵਧੀਆ ਸਹੂਲਤਾਂ ਮੁੱਹਇਆ ਕਰਨ ਦੀ ਮੰਗ ਕੀਤੀ।