ਗੁਰਦਾਸਪੁਰ: ਪੁਲਿਸ ਨੇ ਵੱਖ ਵੱਖ ਕਾਰਵਾਈਆਂ ਵਿੱਚ ਚਾਰ ਦੋਸ਼ੀਆਂ ਨੂੰ 22 ਗ੍ਰਾਮ 250 ਮਿਲੀਗ੍ਰਾਮ ਹੈਰੋਇਨ ਸਮੇਤ ਕਾਬੂ ਕੀਤਾ। ਥਾਣਾ ਸਦਰ ਦੇ ਏਐਸਆਈ ਕਸ਼ਮੀਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਦੋਸ਼ਣ ਰਾਣੀ ਵਾਸੀ ਜੋੜਾ ਛੱਤਰਾਂ ਚਾੱਟਾਂ ਨੂੰ ਲਿੰਕ ਰੋਡ ਪਿੰਡ ਜੋਈਆਂ ਤੋਂ ਸ਼ੱਕ ਹੋਣ ‘ਤੇ ਕਾਬੂ ਕੀਤਾ। ਥਾਣਾ ਸਦਰ ਵਿੱਚ ਸੂਚਨਾ ਦੇਣ ‘ਤੇ ਪਹੁੰਚੀ ਟੀਮ ਨੇ ਲਿਫਾਫੇ ਨੂੰ ਚੇਕ ਕੀਤਾ ਅਤੇ ਉਸ ਵਿੱਚੋਂ 7.50 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ।
ਥਾਣਾ ਤਿੱਬੜ ਥਾਣੇ ਦੇ ਏਐਸਆਈ ਗੁਰਨਾਮ ਸਿੰਘ ਸਮੇਤ ਪੁਲਿਸ ਟੀਮ ਨੇ ਤਿੱਬੜ ਤੋਂ ਤਿੱਬੜੀ ਨੂੰ ਜਾਂਦੀ ਸੜਕ ਤੋਂ ਬਿਨਾ ਨੰਬਰੀ ਬਾਈਕ ਸਵਾਰ ਦੋਸ਼ੀ ਕੁਲਦੀਪ ਕੁਮਾਰ ਪੁੱਤਰ ਦੁਰਗਾ ਦਾਸ ਵਾਸੀ ਪਨਿਆੜ ਨੂੰ ਕਾਬੂ ਕੀਤਾ। ਤਲਾਸ਼ੀ ਲੈਣ 'ਤੇ ਦੋਸ਼ੀ ਕੋਲੋਂ ਇਕ ਲਿਫਾਫਾ ਮਿਲਿਆ, ਜਿਸ ਤੋਂ 7 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਥਾਣਾ ਦੀਨਾਨਗਰ ਦੇ ਏਐਸਆਈ ਰਮਨ ਕੁਮਾਰ ਸਣੇ ਪੁਲਿਸ ਦਸਤੇ ਨੇ ਸ਼ੱਕ ਦੇ ਅਧਾਰ 'ਤੇ ਸ਼ਮਸ਼ਾਨਘਾਟ ਪਿੰਡ ਘੁੱਲਾ ਬ੍ਰਾਹਮਣਾ ਤੋਂ ਦੋਸ਼ਣ ਚਰਨੋ ਉਰਫ ਸਿਟੀ ਵਾਸੀ ਗਾਂਧੀਆਂ ਨੂੰ ਕਾਬੂ ਕੀਤਾ। ਲੇਡੀ ਕਾਂਸਟੇਬਲ ਖੁਸ਼ਦੀਪ ਕੌਰ ਨੇ ਦੋਸ਼ਣ ਦੀ ਤਲਾਸ਼ੀ ਲੈਣ 'ਤੇ ਉਸ ਦੇ ਹੱਥ ਵਿਚ ਫੜੇ ਲਿਫਾਫੇ ਵਿਚੋਂ 4 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ। ਥਾਣਾ ਕਲਾਨੌਰ ਦੇ ਏਐਸਆਈ ਰਵਿੰਦਰ ਕੁਮਾਰ ਸਣੇ ਪੁਲਿਸ ਪਾਰਟੀ ਨੇ ਇੱਕ ਪੈਲੇਸ ਨਜਦੀਕ ਦੋਸ਼ੀ ਸਰਬਜੀਤ ਸਿੰਘ ਉਰਫ ਸਾਬੀ ਪੁੱਤਰ ਪਲਵਿੰਦਰ ਸਿੰਘ ਵਾਸੀ ਨਵਾਂ ਕੱਟੜਾ ਨੂੰ ਸ਼ੱਕ ਦੇ ਅਧਾਰ 'ਤੇ ਕਾਬੂ ਕਰ ਲਿਆ। ਇਤਲਾਹ ਦੇਣ ‘ਤੇ ਜਾਂਚ ਟੀਮ ਦੇ ਐਸਆਈ ਪਰਮਬੀਰ ਸਿੰਘ ਮੌਕੇ' ਤੇ ਪਹੁੰਚੇ ਅਤੇ ਦੋਸ਼ੀ ਕੋਲੋਂ ਲਿਫਾਫੇ ਵਿਚੋਂ 4 ਗ੍ਰਾਮ 200 ਮਿਲੀਗ੍ਰਾਮ ਹੈਰੋਇਨ ਬਰਾਮਦ ਕੀਤੀ। ਪੁਲਿਸ ਨੇ ਉਕਤ ਚਾਰਾਂ ਦੋਸ਼ੀਆੰ ਖ਼ਿਲਾਫ਼ ਸਬੰਧਤ ਥਾਣਿਆਂ ਵਿੱਚ ਕੇਸ ਦਰਜ ਕਰ ਲਿਆ ਹੈ।