ਚੰਡੀਗੜ੍ਹ: ਮਿਤੀ 18.9.2021 ਨੂੰ ਜਦੋ ਇਕ ਪਾਸੇ ਤੇ ਪੰਜਾਬ ਸਰਕਾਰ ਖਤਰੇ ਚ ਸੀ ਅਤੇ ਉਸੇ ਦਿਨ ਸਵੇਰੇ ਤੋਂ ਖਬਰਾ ਆ ਰਹੀਆਂ ਸਨ ਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਅਸਤੀਫਾ ਦੇ ਰਹੇ ਹਨ ਤਾਂ ਉਸੇ ਦਿਨ ਹੀ ਪੰਜਾਬ ਸਰਕਾਰ ਦੇ ਵਿੱਤ ਅਤੇ ਯੋਜਨਾ ਭਵਨ ਪੰਜਾਬ, ਸੈਕਟਰ 33 ਚੰਡੀਗੜ, ਚ ਅੱਗ ਲਗਣ ਅਤੇ ਸਾਰਾ ਜਰੂਰੀ ਸਮਾਨ ਤੇ ਰਿਕਾਰਡ ਦਾ ਸੜਣਾ ਕੀ ਕੋਈ ਸਵਬ ਹੈ ਜਾ ਇਸਦੇ ਪਿਛੇ ਕੋਈ ਡੂੰਗੀ ਸਾਜਿਸ਼ ਤੇ ਨਹੀ ਹੈ।
ਕੀ ਇਸ ਦਿਆਂ ਤਾਰਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੀ ਦੇ ਅਸਤੀਫੇ ਨਾਲ ਤੇ ਨਹੀ ਜੁੜੀਆਂ ਹੋਇਆ। ਇਹ ਸਵਾਲ ਖੜ੍ਹੇ ਕਰਦੇ ਹੋਇਆ ਇਕ ਇਮੇਲ ਰਾਹੀ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ, ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਅਤੇ ਡੀ.ਜੀ.ਪੀ ਪੰਜਾਬ ਨੂੰ ਸੁਚੇਤ ਕਰਦਿਆਂ ਮਾਮਲੇ ਦੀ ਉੱਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਹੈ ਸਹਿਜਧਾਰੀ ਸਿੱਖ ਪਾਰਟੀ ਸੁਪਰੀਮੋ ਡਾ.ਪਰਮਜੀਤ ਸਿੰਘ ਰਾਣੂੰ ਨੇ।
ਡਾ.ਰਾਣੂੰ ਨੇ ਕਿਹਾ ਕੇ ਇਸ ਮਾਮਲੇ ਦੀ ਉਚ ਪਧਰੀ ਜਾਂਚ ਹੋਣੀ ਅਤਿ ਜਰੂਰੀ ਹੈ ਅਤੇ ਇਸ ਗਲ ਦਾ ਪਤਾ ਲਗਾਉਣਾ ਚਾਹੀਦਾ ਹੈ ਕਿ ਜਿਸ ਦਿਨ ਪੰਜਾਬ ਦੇ ਮੁੱਖ ਮੰਤਰੀ ਅਸਤੀਫਾ ਦਿੰਦੇ ਹਨ ਤਾਂ ਉਸੇ ਦਿਨ ਹੀ ਸਰਕਾਰ ਦੀਆਂ ਯੋਜਨਾਵਾ ਨੂੰ ਅੱਗ ਲਗ ਜਾਂਦੀ ਹੈ ਜੋ ਕਿ ਅਨੇਕਾ ਮਨਾ ਚ ਸ਼ੰਕੇ ਤੇ ਸਵਾਲ ਖੜ੍ਹੇ ਕਰਦੀ ਹੈ। ਡਾ.ਰਾਣੂੰ ਨੇ ਮੁੱਖ ਮੰਤਰੀ ਨੂੰ ਬੇਨਤੀ ਕੀਤੀ ਹੈ ਕੇ ਸਰਕਾਰ ਦੇ ਕਈ ਅਹਿਮ ਦਫਤਰ ਖਾਸ ਤੋਰ ਤੇ AG ਦਫਤਰ ਅਤੇ ਹੋਰਨਾ ਦਫਤਰਾ ਚ ਵੀ ਚੌਕਸੀ ਵਧਾਈ ਜਾਵੇ ਤਾਂ ਜੋ ਕੋਈ ਅਨਹੋਣੀ ਘਟਨਾ ਨਾ ਵਾਪਰੇ।
ਉਹਨਾ ਖਦਸਾ ਪ੍ਰਗਟ ਕੀਤਾ ਹੈ ਕੇ ਕੁਝ ਅਫਸਰ ਜੋ ਆਪਹੁਦਰੇ ਤਰੀਕੇ ਨਾਲ ਕੰਮ ਕਰਦੇ ਰਹੇ ਨੇ ਅਤੇ ਸਰਕਾਰ ਨੂੰ ਤੇ ਮੁੱਖ ਮੰਤਰੀ ਨੂੰ ਵੀ ਟਿੱਚ ਹੀ ਜਾਣਦੇ ਰਹੇ ਹਨ , ਉਹ ਅਪਨੇ ਕੀਤੇ ਕਾਲੇ ਕਾਰਨਾਮਿਆਂ ਨੂੰ ਦਫਨ ਕਰਨ ਲਈ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ। ਡਾ.ਰਾਣੂੰ ਨੇ ਮੰਗ ਕੀਤੀ ਕੇ ਇਸ ਤੇ ਤੁਰੰਤ ਗੋਰ ਫਰਮਾਇਆ ਜਾਵੇ ਅਤੇ ਲੋੜੀਂਦੀ ਕਾਰਵਾਈ ਕੀਤੀ ਜਾਵੇ ਜੀ।