ਕੁਰੂਕਸ਼ੇਤਰ:ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਥਾਨੇਸਰ ਦੇ ਵਿਧਾਇਕ ਸੁਭਾਸ਼ ਸੁਧਾ ਦੇ ਵੱਡੇ ਭਰਾ ਮਰਹੂਮ ਰਮੇਸ਼ ਸੁਧਾ ਦੇ ਦੇਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਮੁੱਖ ਮੰਤਰੀ ਮਨੋਹਰ ਲਾਲ, ਮਰਹੂਮ ਰਮੇਸ਼ ਸੁਧਾ ਦੀ ਸੈਕਟਰ-7 ਰਿਹਾਇਸ਼ 'ਤੇ ਸੋਮਵਾਰ ਦੇਰ ਸ਼ਾਮ ਪਹੁੰਚੇ। ਇਥੇ ਪਹੁੰਚਣ 'ਤੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਮਰਹੂਮ ਰਮੇਸ਼ ਸੁਧਾ ਦੀ ਫੋਟੋ 'ਤੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਇਸ ਤੋਂ ਬਾਅਦ ਮੁੱਖ ਮੰਤਰੀ ਨੇ ਵਿਧਾਇਕ ਸੁਭਾਸ਼ ਸੁਧਾ, ਮੁਕੰਦ ਸੁਧਾ, ਦੀਵਾਨ ਸੁਧਾ, ਅਸ਼ੋਕ ਸੁਧਾ, ਮਰਹੂਮ ਰਮੇਸ਼ ਸੁਧਾ ਦੀ ਪਤਨੀ ਸੁਚਿਤਾ ਸੁਧਾ, ਪੁੱਤਰ ਐਸ਼ ਸੁਧਾ, ਅਰਿਕ ਸੁਧਾ, ਬੇਟੀ ਐਨਮ, ਇਰਾ, ਨਗਰ ਪ੍ਰੀਸ਼ਦ ਦੀ ਚੇਅਰਪਰਸਨ ਉਮਾ ਸੁਧਾ, ਸਾਹਿਲ ਸੁਧਾ, ਸੁਰੇਂਦਰ ਸੁਧਾ, ਸੰਦੀਪ ਸੁਧਾ, ਰਾਜੀਵ ਸੇਠ, ਕਰਨ ਸੇਠ ਅਤੇ ਪਰਿਵਾਰ ਦੇ ਹੋਰ ਮੈਂਬਰਾਂ ਨਾਲ ਦੁੱਖ ਸਾਂਝਾ ਕੀਤਾ। ਮੁੱਖ ਮੰਤਰੀ ਨੇ ਵਿਧਾਇਕ ਸੁਭਾਸ਼ ਸੁਧਾ ਅਤੇ ਪਰਿਵਾਰ ਦੇ ਹੋਰਨਾਂ ਮੈਂਬਰਾਂ ਦਾ ਢਾਂਢਸ ਬੰਨ੍ਹਦਿਆਂ ਕਿਹਾ ਕਿ ਪਰਮਪਿਤਾ ਪਰਮਾਤਮਾ ਮਰਹੂਮ ਰਮੇਸ਼ ਸੁਧਾ ਨੂੰ ਆਪਣੇ ਚਰਨਾਂ ਵਿੱਚ ਥਾਂ ਦੇਣ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਇਹ ਦੁੱਖ ਸਹਿਣ ਲਈ ਤਾਕਤ ਦੇਣ। ਸੋਗ ਦੀ ਇਸ ਘੜੀ ਵਿੱਚ ਉਹ ਪਰਿਵਾਰ ਦੇ ਸਾਰੇ ਮੈਂਬਰ ਨਾਲ ਹਨ। ਇਸ ਮੌਕੇ ਸਾਂਸਦ ਨਾਇਬ ਸਿੰਘ ਸੈਣੀ, ਵਿਧਾਇਕ ਰਾਮਕੁਮਾਰ ਕਸ਼ਯਪ, ਸਾਬਕਾ ਸੰਸਦ ਮੈਂਬਰ ਕੈਲਾਸ਼ੋਂ ਸੈਣੀ, ਸਾਬਕਾ ਵਿਧਾਇਕ ਡਾ: ਪਵਨ ਸੈਣੀ, ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਰਾਜਕੁਮਾਰ ਸੈਣੀ, ਜ਼ਿਲ੍ਹਾ ਪ੍ਰੀਸ਼ਦ ਚੇਅਰਮੈਨ ਗੁਰਦਿਆਲ ਸੁਨਹੇੜੀ, ਡਿਪਟੀ ਕਮਿਸ਼ਨਰ ਸ਼ਰਨਦੀਪ ਕੌਰ ਬਰਾੜ, ਐਸ.ਪੀ. ਰਾਜੇਸ਼ ਦੁੱਗਲ, ਐਸਡੀਐਮ ਅਖਿਲ ਪਿਲਾਨੀ, ਭਾਜਪਾ ਦੇ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਧਰਮਵੀਰ ਮਿਰਜ਼ਾਪੁਰ, ਜਨਰਲ ਸਕੱਤਰ ਰਵਿੰਦਰ ਸਾਂਗਵਾਨ, ਸੁਸ਼ੀਲ ਰਾਣਾ, ਪ੍ਰਦੀਪ ਝਾਂਬ, ਕੇਡੀਬੀ ਮੈਂਬਰ ਸੌਰਵ ਚੌਧਰੀ, ਕੌਂਸਲਰ ਮੋਹਨ ਲਾਲ ਅਰੋੜਾ ਅਤੇ ਹੋਰ ਅਧਿਕਾਰੀ, ਭਾਜਪਾ ਆਗੂ, ਕੌਂਸਲਰ ਅਤੇ ਵੱਖ ਵੱਖ ਸੰਸਥਾਵਾਂ ਦੇ ਨੁਮਾਇੰਦੇ ਹਾਜ਼ਰ ਸਨ।