ਪੰਚਕੂਲਾ: ਪੰਚਕੂਲਾ ਜ਼ਮੀਨ ਘਪਲੇ ਦੇ ਮਾਮਲੇ ਵਿੱਚ ਈਡੀ ਨੇ ਹਰਿਆਣਾ ਦੇ ਸਾਬਕਾ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਖ਼ਿਲਾਫ਼ ਚਾਰਜਸੀਟ ਦਾਇਰ ਕੀਤੀ ਹੈ।
ਭੁਪਿੰਦਰ ਹੁੱਡਾ ਤੋਂ ਇਲਾਵਾ ਈਡੀ ਨੇ ਚਾਰਜਸ਼ੀਟ ਵਿਚ 21 ਹੋਰ ਲੋਕਾਂ ਦੇ ਨਾਮ ਵੀ ਸ਼ਾਮਲ ਕੀਤੇ ਹਨ। ਚਾਰਜਸੀਟ ਵਿਚ 4 ਸਾਬਕਾ ਆਈਏਐਸ ਅਧਿਕਾਰੀ ਵੀ ਸ਼ਾਮਲ ਹਨ। ਇਹ ਕੇਸ 30 ਕਰੋੜ ਰੁਪਏ ਦੇ 14 ਉਦਯੋਗਿਕ ਪਲਾਟਾਂ ਦੀ ਅਲਾਟਮੈਂਟ ਨਾਲ ਸਬੰਧਤ ਹੈ।
ਇਹ ਦੋਸ਼ ਲਗਾਇਆ ਗਿਆ ਹੈ ਕਿ 2013 ਵਿੱਚ ਇਹ ਪਲਾਟ ਹੁੱਡਾ ਦੇ ਨੇੜੇ ਦੇ ਲੋਕਾਂ ਨੂੰ ਅਲਾਟ ਕੀਤੇ ਗਏ ਸਨ। ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਹਰਿਆਣਾ ਸਹਿਰੀ ਵਿਕਾਸ ਅਥਾਰਟੀ (ਹੁੱਡਾ) ਦੇ ਸਾਬਕਾ ਕਾਰਜਕਾਰੀ ਚੇਅਰਮੈਨ ਭੁਪਿੰਦਰ ਸਿੰਘ ਹੁੱਡਾ ਅਤੇ ਚਾਰ ਸੇਵਾਮੁਕਤ ਆਈਏਐੱਸ ਅਧਿਕਾਰੀਆਂ ਧਰਮਪਾਲ ਸਿੰਘ ਨਾਗਲ (ਸਾਬਕਾ ਮੁੱਖ ਪ੍ਰਸਾਸਕ, ਹੁੱਡਾ), ਸੁਰਜੀਤ ਸਿੰਘ (ਸਾਬਕਾ ਪ੍ਰਸਾਸਕ, ਹੁੱਡਾ), ਸੁਭਾਸ ਚੰਦਰ ਕਾਂਸਲ (ਹੂਡਾ ਦੇ ਸਾਬਕਾ ਮੁੱਖ ਵਿੱਤੀ ਕੰਟਰੋਲਰ) ਅਤੇ ਨਰਿੰਦਰ ਸਿੰਘ ਸੋਲੰਕੀ (ਹੂਡਾ, ਫਰੀਦਾਬਾਦ ਦੇ ਸਾਬਕਾ ਜ਼ੋਨਲ ਪ੍ਰਸ਼ਾਸਕ) ਨੇ ਬੇਨਿਯਮੀਆਂ ਕੀਤੀਆਂ।