ਨਵੀਂ ਦਿੱਲੀ: ਦੇਸ਼ ’ਚ ਕੋਰੋਨਾ ਦੀ ਸਥਿਤੀ ਤੇ ਟੀਕਾਕਰਨ ’ਤੇ ਪੱਤਰਕਾਰਾਂ ਨਾਲ ਕਾਨਫਰੰਸ ਕਰਦਿਆਂ ਸਿਹਤ ਮੰਤਰਾਲੇ ਨੇ ਸੈਕਟਰੀ ਰਾਜੇਸ਼ ਭੂਸ਼ਣ ਨੇ ਕਿਹਾ ਕਿ ਦੇਸ਼ ’ਚ ਸਰਗਰਮ ਮਾਮਲਿਆਂ ਦੀ ਗਿਣਤੀ ਹੁਣ ਸਿਰਫ 1, 68, 000 ਹੈ। ਅਜੇ ਤਕ ਅਸੀਂ 21 ਕਰੋੜ ਤੋਂ ਜ਼ਿਆਦਾ ਟੈਸਟ ਕਰ ਚੁੱਕੇ ਹਾਂ। ਪਾਜ਼ੇਟਿਵਿਟੀ ਰੇਟ 5.11 ਫੀਸਦੀ ਹੈ। ਮੌਤ ਦਰ 1.41 ਫੀਸਦੀ ਹੈ। ਕੇਰਲ ਤੇ ਮਹਾਰਾਸ਼ਟਰ ’ਚ ਸਰਗਰਮ ਮਾਮਲੇ ਦੇ 75 ਫੀਸਦੀ ਮਾਮਲੇ ਹਨ। ਹਾਲਾਂਕਿ ਦੇਸ਼ ਦੇ ਕੁਝ ਹਿੱਸਿਆਂ ’ਚ ਸਰਗਰਮ ਮਾਮਲਿਆਂ ਦੀ ਗਿਣਤੀ ’ਚ ਵਾਧਾ ਦੇਖਿਆ ਗਿਆ ਹੈ। ਇਹ ਤੱਥ ਅਜੇ ਵੀ ਬਣਿਆ ਹੋਇਆ ਹੈ ਕਿ ਠੀਕ ਹੋਣ ਦੇ ਮਾਮਲੇ 97 ਫੀਸਦੀ ਤੋਂ ਜ਼ਿਆਦਾ ਹੈ ਤੇ ਸਰਗਰਮ ਮਾਮਲੇ ਅਜੇ ਵੀ 2 ਫੀਸਦੀ ਤੋਂ ਘੱਟ ਹਨ ।
ਅਸੀਂ ਤਮਿਲਨਾਡੂ ਤੇ ਪੰਜਾਬ ‘ਚ ਕੇਂਦਰੀ ਟੀਮਾਂ ਦੀ ਡੈਪੂਟੇਸ਼ਨ ਹੈ, ਅਸੀਂ ਹਰਿਆਣਾ ਦੀ ਨਿਗਰਾਣੀ ਕਰ ਰਹੇ ਹਨ। ਰਾਜੇਸ਼ ਭੂਸ਼ਣ ਨੇ ਕਿਹਾ ਕਿ ਕੋਵਿਡ ਵੈਕਸੀਨ ਦੀ 1.48 ਕਰੋੜ ਤੋਂ ਜ਼ਿਆਦਾ ਖੁਰਾਕ ਮੰਗਲਵਾਰ ਦੁਪਹਿਰ ਇੱਕ ਵਜੇ ਤੱਕ ਦਿੱਤੀ ਗਈ ਹੈ। ਇਸ ’ਚ 2.08 ਲੱਖ ਖੁਰਾਕ ਉਨ੍ਹਾਂ ਲੋਕਾਂ ਨੂੰ ਦਿੱਤਾ ਗਿਆ ਹੈ, ਜਿਨ੍ਹਾਂ ਦੀ ਉਮਰ 45 ਸਾਲ ਤੋਂ 59 ਸਾਲ ਤਕ ਦੀ ਹੈ।
ਕੋਵਿਡ ਟੀਕਾਕਰਨ ਤੇ ਐਮਪਾਵਰਡ ਕਮੇਟੀ ਦੇ ਪ੍ਰਧਾਨ ਆਰਐੱਸ ਸ਼ਰਮਾ ਦਾ ਕਹਿਣਾ ਹੈ ਕਿ ਕੱਲ੍ਹ ਤੋਂ ਸਾਡੇ ਕੋਲ ਕੋਵਿਡ ਟੀਕਾਕਰਨ ਲਈ ਕੋਵਿਨ ’ਤੇ 50 ਲੱਖ ਰਜਿਸਟਰੇਸ਼ਨ ਹੋਈ ਹੈ।
ਨੀਤੀ ਕਮਿਸ਼ਨ ਦੇ ਮੈਂਬਰ ਡਾ.ਵੀਕੇ ਪਾਲ ਨੇ ਕਿਹਾ ਕਿ ਕੋਰੋਨਾ ਤੋਂ ਬਚਾਅ ਲਈ ਜਨਤਕ ਸਥਾਨਾਂ ’ਤੇ ਵਿਵਹਾਰ ਨੂੰ ਘੱਟ ਨਹੀਂ ਕੀਤਾ ਜਾ ਸਕਦਾ ਹੈ। ਕਿ੍ਰਪਾ ਵੱਡੇ ਸਮਾਗਮਾਂ, ਪਾਰਟੀਆਂ, ਵਿਆਹਾਂ ’ਚ ਜਾਣ ਤੋਂ ਬਚੋ, ਇਹ ਵੱਡੇ ਪੈਮਾਨੇ ’ਤੇ ਕੋਰੋਨਾ ਨੂੰ ਫੈਲਾਉਣ ਦੇ ਕਾਰਨ ਹੋ ਸਕਦੇ ਹਨ।