ਚੰਡੀਗੜ੍ਹ:ਮਸ਼ਹੂਰ ਭਾਰਤੀ ਦੌੜਾਕ ਮਿਲਖ਼ਾ ਸਿੰਘ ਕੋਰੋਨਾ ਪਾਜੇਟਿਵ ਪਾਏ ਗਏ ਅਤੇ ਉਹ ਚੰਡੀਗੜ੍ਹ ’ਚ ਆਪਣੀ ਰਿਹਾਇਸ਼ ’ਤੇ ਇਕਾਂਤਵਾਸ ਹਨ। ‘ਉਡਣ ਸਿੱਖ’ ਵਜੋਂ ਜਾਣੇ ਜਾਂਦੇ 91 ਸਾਲਾ ਮਿਲਖਾ ਸਿੰਘ ’ਚ ਲਾਗ ਦੇ ਲੱਛਣ ਨਹੀਂ ਹਨ। ਮਿਲਖਾ ਨੇ ਕਿਹਾ, ‘ਸਾਡੇ ਕੁਝ ਸਹਾਇਕ/ਹੈਪਲਰ ਪਾਜ਼ੇਟਿਵ ਪਾਏ ਗਏ ਹਨ, ਇਸ ਲਈ ਸਾਰੇ ਪਰਿਵਾਰਕ ਮੈਂਬਰਾਂ ਦੀ ਜਾਂਚ ਕੀਤੀ ਗਈ।
ਸਿਰਫ ਮੇਰਾ ਨਤੀਜਾ ਪਾਜ਼ੇਟਿਵ ਆਇਆ ਅਤੇ ਮੈਂ ਹੈਰਾਨ ਹਾਂ।’ ਉਨ੍ਹਾਂ ਕਿਹਾ, ‘ਮੈਂ ਪੂਰੀ ਤਰ੍ਹਾਂ ਠੀਕ ਹਾਂ ਅਤੇ ਕੋਈ ਬੁਖਾਰ ਜਾਂ ਬਲਗਮ ਨਹੀਂ ਹੈ। ਮੇਰੇ ਡਾਕਟਰ ਨੇ ਦੱਸਿਆ ਕਿ ਮੈਂ ਤਿੰਨ ਤੋਂ ਚਾਰ ਦਿਨਾਂ ਵਿੱਚ ਠੀਕ ਹੋ ਜਾਵਾਂਗਾ। ਮੈਂ ਕੱਲ੍ਹ ਕਸਰਤ ਕੀਤੀ।’ ਮਿਲਖਾ ਦਾ ਬੇਟਾ ਗੋਲਫਰ ਜੀਵ ਮਿਲਖਾ ਸਿੰਘ ਦੁਬਈ ਵਿੱਚ ਹੈ ਅਤੇ ਇਸ ਹਫਤੇ ਵਾਪਸ ਆਵੇਗਾ।