ਮੋਹਾਲੀ: ਪੰਜਾਬ ਨੈਸ਼ਨਲ ਬੈਂਕ (ਪੀਐਨਬੀ) ਦੇ 132ਵੇਂ ਸਥਾਪਨਾ ਦਿਵਸ ਮੌਕੇ ਏ ਆਈ ਪੀ ਐਨ ਬੀ ਮੋਹਾਲੀ ਸਰਕਲ ਨੇ ਸੋਹਾਣਾ ਹਸਪਤਾਲ, ਮੋਹਾਲੀ ਦੇ ਸਹਿਯੋਗ ਨਾਲ ਖੂਨਦਾਨ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਵਿੱਚ ਕੁੱਲ 52 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ, ਜੋ ਲੋੜਵੰਦ ਮਰੀਜ਼ਾਂ ਲਈ ਬਹੁਤ ਮਦਦਗਾਰ ਸਾਬਤ ਹੋਵੇਗਾ। ਕੈਂਪ ਦੀ ਸ਼ੁਰੂਆਤ ਪੀ ਐਨ ਬੀ ਮੋਹਾਲੀ ਸਰਕਲ ਹੈੱਡ ਵਿਸ਼ਵਜੀਤ ਬਿਸਵਾਲ ਨੇ ਕੀਤੀ। ਉਨ੍ਹਾਂ ਨੇ ਖੁਦ ਖੂਨਦਾਨ ਕਰਕੇ ਹੋਰ ਲੋਕਾਂ ਨੂੰ ਇਸ ਨੇਕ ਕੰਮ ਲਈ ਪ੍ਰੇਰਿਤ ਕੀਤਾ। ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ, ਜਿਸ ਨਾਲ ਕੈਂਪ ਪੂਰੀ ਤਰ੍ਹਾਂ ਸਫਲ ਰਿਹਾ। ਇਸ ਉਪਰਾਲੇ ਰਾਹੀਂ ਬੈਂਕ ਨੇ ਸਮਾਜ ਸੇਵਾ ਅਤੇ ਮਨੁੱਖਤਾ ਦਾ ਸੰਦੇਸ਼ ਦਿੱਤਾ।
ਇਸ ਮੌਕੇ ਵਿਸ਼ਵਜੀਤ ਬਿਸਵਾਲ (ਪੀ ਐਨ ਬੀ ਸਰਕਲ ਹੈੱਡ, ਮੋਹਾਲੀ), ਅਮਨਦੀਪ ਸਿੰਘ (ਆਲ ਇੰਡੀਆ ਆਰਗੇਨਾਈਜ਼ਿੰਗ ਸੈਕਟਰੀ), ਸੰਜੀਵ ਦਿਓੜਾ (ਮੋਹਾਲੀ ਯੂਨਿਟ ਪ੍ਰਧਾਨ), ਸੋਮ ਸ਼ਿਵ ਗੋਤਰਾ (ਡਿਪਟੀ ਸਰਕਲ ਹੈੱਡ), ਐਮ.ਕੇ. ਭਾਰਦਵਾਜ (ਐਲਡੀਐਮ ਮੋਹਾਲੀ), ਗੁਲਸ਼ਨ ਵਰਮਾ (ਚੀਫ ਮੈਨੇਜਰ, ਐਚਆਰਡੀ) ਸਮੇਤ ਕਈ ਸੀਨੀਅਰ ਅਧਿਕਾਰੀ ਮੌਜੂਦ ਸਨ। ਹੋਰ ਪਤਵੰਤਿਆਂ ਵਿੱਚ ਪਵਨਜੀਤ ਗਿੱਲ (ਕਾਰਜਕਾਰੀ ਚੇਅਰਮੈਨ), ਵਿਨੋਦ ਦੇਹਲ (ਸੰਯੁਕਤ ਸਕੱਤਰ), ਸੁਮਿੱਤਰਾ ਨਗਰ, ਅਤੇ ਸੁਰਭਿਤ (ਕਾਰਜਕਾਰੀ ਮੈਂਬਰ) ਸਮੇਤ ਹੋਰ ਮਾਣਯੋਗ ਵਿਅਕਤੀਆਂ ਨੇ ਵੀ ਹਾਜ਼ਰੀ ਲਗਵਾਈ।
ਬੈਂਕ ਕਰਮਚਾਰੀਆਂ ਅਤੇ ਸਥਾਨਕ ਨਿਵਾਸੀਆਂ ਨੇ ਵੀ ਉਤਸ਼ਾਹ ਨਾਲ ਖੂਨਦਾਨ ਕੈਂਪ ਵਿੱਚ ਹਿੱਸਾ ਲਿਆ। ਬੈਂਕ ਦੇ ਕਰਮਚਾਰੀਆਂ ਅਤੇ ਸਥਾਨਕ ਲੋਕਾਂ ਨੇ ਵੀ ਵੱਡੇ ਉਤਸ਼ਾਹ ਨਾਲ ਭਾਗ ਲਿਆ।
ਵਿਸ਼ਵਜੀਤ ਬਿਸਵਾਲ ਨੇ ਦੱਸਿਆ ਕਿ, “ਪੀ ਐਨ ਬੀ ਦਾ 132ਵਾਂ ਸਥਾਪਨਾ ਦਿਵਸ ਸਾਡੇ ਲਈ ਮਾਣ ਵਾਲੀ ਗੱਲ ਹੈ। ਇਸ ਮੌਕੇ ਰਕਤਦਾਨ ਕੈਂਪ ਲਗਾ ਕੇ ਅਸੀਂ ਸਮਾਜ ਪ੍ਰਤੀ ਆਪਣੀ ਜ਼ਿੰਮੇਵਾਰੀ ਨਿਭਾ ਰਹੇ ਹਾਂ। ਖੂਨਦਾਨ ਨਾਲ ਕਿਸੇ ਦੀ ਜ਼ਿੰਦਗੀ ਬਚਾਈ ਜਾ ਸਕਦੀ ਹੈ।” ਅਮਨਦੀਪ ਸਿੰਘ ਨੇ ਕਿਹਾ, “ਅਸੀਂ ਸਭ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਨਿਯਮਿਤ ਤੌਰ 'ਤੇ ਰਕਤਦਾਨ ਕਰਨ ਅਤੇ ਇਸ ਨੇਕ ਕੰਮ ਦਾ ਹਿੱਸਾ ਬਣਨ।”
ਕੈਂਪ ਦੌਰਾਨ ਡਾਕਟਰਾਂ ਦੀ ਟੀਮ ਨੇ ਸਾਰੀਆਂ ਜ਼ਰੂਰੀ ਜਾਂਚਾਂ ਤੋਂ ਬਾਅਦ ਹੀ ਖੂਨ ਇਕੱਠਾ ਕੀਤਾ, ਤਾਂ ਜੋ ਸੁਰੱਖਿਆ ਦਾ ਪੂਰਾ ਧਿਆਨ ਰੱਖਿਆ ਜਾ ਸਕੇ। ਖੂਨਦਾਨੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਵੀ ਕੀਤਾ ਗਿਆ। ਇਹ ਉਪਰਾਲਾ ਪੀ ਐਨ ਬੀ ਦੀ ਸਮਾਜ ਸੇਵਾ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।