ਬਰਨਾਲਾ:ਅੱਜ ਇਥੇ ਏਅਰ ਫੋਰਸ ਗੁਰੂ ਘਰ ਵਿਖੇ ਏਅਰ ਫੋਰਸ ਸਟੇਸ਼ਨ ਬਰਨਾਲਾ ਦੇ ਕਮਾਂਡਰ ਮਨੀਸ਼ ਸਭਰਵਾਲ ਜਿਨ੍ਹਾਂ ਨੂੰ ਗਰੁੱਪ ਕੈਪਟਨ ਤੋਂ ਤਰੱਕੀ ਏਅਰ ਕਮਾਂਡੋਰ ਦੀ ਮਿਲੀ ਹੈ ਤੇ ਉਹਨਾਂ ਦਾ ਤਬਾਦਲਾ ਦਿੱਲੀ ਦਾ ਹੋ ਗਿਆ ਹੈ
ਓਹਨਾ ਨੂੰ ਸੈਨਿਕ ਵਿੰਗ ਸ਼ਿਰੋਮਣੀ ਅਕਾਲੀ ਦਲ ਵੱਲੋਂ ਸਨਮਾਨ ਕਰਨ ਲਈ ਸਨਮਾਨ ਸਮਾਰੋਹ ਦਾ ਆਜੋਜਨ ਵਾਰੰਟ ਅਫਸਰ ਬਲਵਿੰਦਰ ਸਿੰਘ ਢੀਂਡਸਾ ਅਤੇ ਸੂਬੇਦਾਰ ਕਮਲ ਸ਼ਰਮਾ ਦੀ ਅਗਵਾਈ ਵਿਚ ਕੀਤਾ ਗਿਆ।ਇਸ ਵੇਲੇ ਸੈਨਿਕ ਵਿੰਗ ਦੇ ਸੂਬਾ ਪ੍ਰਧਾਨ ਇੰਜ ਗੁਰਜਿੰਦਰ ਸਿੰਘ ਸਿੱਧੂ ਨੇ ਕਮਾਂਡੋਰ ਸਭਰਵਾਲ ਦੀਆਂ ਵਧੀਆ ਸੇਵਾਮਾ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਹਨਾਂ ਨੇ ਹਮੇਸ਼ਾ ਹੀ ਸਾਬਕਾ ਫੌਜੀਆਂ ਦੀਆਂ ਸਮੱਸਿਆਵਾਂ ਨੂੰ ਧਿਆਨ ਨਾਲ ਸੁਣਿਆ ਤੇ ਹੱਲ ਕਰਨ ਦੀ ਕੋਸ਼ਿਸ ਕੀਤੀ।ਓਹਨਾ ਨੂੰ ਉਹਨਾਂ ਦੀ ਅਗਲੀ ਪੋਸਟਿੰਗ ਲਈ ਸਭ ਕਾਮਨਾਮਾ ਦਿਤੀਆਂ ਤੇ ਆਸ ਪ੍ਰਗਟ ਕੀਤੀ ਕਿ ਪ੍ਰਮਾਤਾ ਉਹਨਾਂ ਨੂੰ ਚੰਗੀ ਸਿਹਤ ਤੇ ਤਰੱਕੀਆਂ ਬਖਸ਼ੇ।ਬਾਬਾ ਕੁਲਵੰਤ ਸਿੰਘ ਗ੍ਰੰਥੀ ਨੇ ਅਰਦਾਸ ਕੀਤੀ ਤੇ ਬਾਦ ਵਿਚ ਸਮੂਹ ਸਾਬਕਾ ਸੈਨਿਕਾਂ ਨੇ ਜਾਦਗਾਰੀ ਕਿਰਪਾਨ ਭੇਟ ਕੀਤੀ ਓਹਨਾ ਦੀ ਪਤਨੀ ਮਿਸਜ਼ ਸਭਰਵਾਲ ਨੂੰ ਅਤੇ ਬੀਬੀ ਗਗਨਦੀਪ ਢਿੱਲੋਂ ਨੂੰ ਭੀ ਸਿਰਪਾਓ ਭੇਟ ਕੀਤੇ ਗਏ।ਇਸ ਮੌਕੇ ਮੈਨੇਜਰ ਸੁਰਜੀਤ ਸਿੰਘ ਸੂਬੇਦਾਰ ਸਰਬਜੀਤ ਸਿੰਘ ਸੂਬੇਦਾਰ ਸੁਰਿੰਦਰ ਸਿੰਘ ਸੂਬੇਦਾਰ ਬਲਵੀਰ ਸਿੰਘ ਲੈਫ ਭੋਲਾ ਸਿੰਘ ਸਿੱਧੂ ਹੌਲਦਾਰ ਗੁਲਾਬ ਸਿੰਘ ਹੌਲਦਾਰ ਦੀਵਾਨ ਸਿੰਘ ਹੌਲਦਾਰ ਰਾਜਕੀਰਣ ਆਦਿ ਆਗੂ ਹਾਜਰ ਸਨ