ਬਰਨਾਲਾ: ਭਾਰਤੀ ਫੌਜ ਦੀ 203 ਬੰਬ ਡਿਸਪੋਸਲ ਰੈਜਮੈਂਟ ਦੇ 34 ਸਾਲਾ ਜਵਾਨ ਸਹੀਦ ਹੌਲਦਾਰ ਜਗਦੀਪ ਸਿੰਘ ਜੋ ਅੱਜਕਲ ਸਿਆਚਿਨ ਗਲੇਸ਼ੀਅਰ ਤੇ ਤਾਇਨਾਤ ਸੀ ਅਤੇ ਡਿਊਟੀ ਦੌਰਾਨ ਬਰਫ ਵਿੱਚ ਦਬ ਗਿਆ ਸੀ ਅਤੇ ਸਾਥੀ ਫੌਜੀਆਂ ਨੇ ਉਸ ਦੀ ਜਾਨ ਬਚਾਈ ਸੀ।ਬਰਫ ਵਿੱਚ ਦੱਬਣ ਕਰਕੇ ਉਸ ਦੇ ਨੀਚੇ ਵਾਲੇ ਹਿਸੇ ਵਿੱਚ ਖ਼ੂਨ ਜਮਣ ਕਾਰਣ ਉਹ ਪਿਛਲੇ ਕੁੱਝ ਸਮੇਂ ਤੋਂ ਬਿਮਾਰ ਚੱਲ ਰਿਹਾ ਸੀ ਅਤੇ ਵੱਖ ਵੱਖ ਮਿਲਟਰੀ ਅਤੇ ਸਿਵਲ ਹਸਪਤਾਲਾਂ ਵਿਚ ਜੇਰੇ ਇਲਾਜ ਚੱਲ ਰਿਹਾ ਸੀ ਅਤੇ ਕਲ ਐਮ ਐਚ ਜਲੰਧਰ ਵਿਖੇ ਦਮ ਤੋੜ ਗਿਆ।ਉਸ ਦੇ ਪਿਤਾ ਸਾਬਕਾ ਹੌਲਦਾਰ ਨਛੱਤਰ ਸਿੰਘ ਉਸ ਦਾ ਭਰਾ ਭੀ ਆਰਮੀ ਵਿੱਚੋ ਰਿਟਾਇਰ ਹਨ।
ਪਿੱਛੇ ਰੋਂਦੀ ਕੁਰਲਾਂਦੀ ਧਰਮ ਪਤਨੀ ਅਤੇ 2 ਮਾਸੂਮ ਬੇਟੀਆਂ ਛੱਡ ਗਿਆ ।ਅੰਤਮ ਸਸਕਾਰ ਮੌਕੇ ਰਜਮੈਂਟ ਵੱਲੋ ਸੂਬੇਦਾਰ ਮੇਵਾ ਸਿੰਘ ਸੂਬੇਦਾਰ ਬਿੱਕਰ ਸਿੰਘ ਅਤੇ ਸਾਬਕਾ ਸੈਨਿਕਾਂ ਵੱਲੋ ਇੰਜ ਗੁਰਜਿੰਦਰ ਸਿੰਘ ਸਿੱਧੂ ਸੂਬਾ ਪ੍ਰਧਾਨ ਸੈਨਿਕ ਵਿੰਗ ਸ਼ਿਰੋਮਣੀ ਅਕਾਲੀ ਦਲ ਨੇ ਫ਼ੁੱਲ ਅਤੇ ਰੀਥ ਭੇਟ ਕੀਤੀਆਂ ਇੰਜ ਸਿੱਧੂ ਨੇ ਅਫਸੋਸ ਪ੍ਰਗਟ ਕਰਦਿਆਂ ਕਿਹਾ ਕੇ ਕੋਈ ਭੀ ਸਰਕਾਰੀ ਮੁਲਾਜਿਮ ਅੰਤਮ ਸੰਸਕਾਰ ਸਮੇ ਨਹੀਂ ਪੂਜਾ ਓਹਨਾ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਸ਼ਹੀਦ ਦੀ ਪਤਨੀ ਨੂੰ ਪੰਜਾਬ ਸਰਕਾਰ ਤੁਰੰਤ 50 ਲੱਖ ਰੁਪਏ ਅਤੇ ਇਕ ਸਰਕਾਰੀ ਨੌਕਰੀ ਦੇਵੇ ਇਸ ਮੌਕੇ ਕੁਲਵੰਤ ਸਿੰਘ ਕੀਤੂ ਹਲਕਾ ਇੰਚਾਰਜ ਸਾਬਕਾ ਚੇਅਰਮੈਨ ਰੁਪਿੰਦਰ ਸਿੰਘ ਸੰਧੂ ਜਥੇਦਾਰ ਰਾਜਿੰਦਰ ਸਿੰਘ ਸੂਬੇਦਾਰ ਮੇਜਰ ਹਰਦੀਪ ਸਿੰਘ ਮੀਤਾ ਠੇਕੇਦਾਰ ਰੰਗੀਲਾ ਹੌਲਦਾਰ ਹਰਜਿੰਦਰ ਸਿੰਘ ਹਰਜਿੰਦਰ ਸਿੰਘ ਅਮਨ ਆਰਟਸ ਅਤੇ ਹੋਰ ਸੈਂਕੜੇ ਮਿੱਤਰ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੇ ਸ਼ਹੀਦ ਫੋਜੀ ਨੂੰ ਸੇਜਲ ਅੱਖਾਂ ਨਾਲ ਵਿਦਾਇਗੀ ਦਿੱਤੀ