ਚੰਡੀਗੜ੍ਹ: ਹਿਮਾਚਲ ਪ੍ਰਦੇਸ਼ ਕਾਂਗਰਸ ਵਿਧਾਇਕ ਦਲ ਨੇ ਸੁਖਵਿੰਦਰ ਸਿੰਘ ਸੁਖੂ ਨੂੰ ਆਪਣਾ ਨੇਤਾ ਚੁਣਿਆ ਹੈ ਜੋ ਕਿ ਹਿਮਾਚਲ ਪ੍ਰਦੇਸ਼ ਦੇ ਨਵੇਂ ਮੁਖ ਮੰਤਰੀ ਹੋਣਗੇ | ਹਾਰੋਲੀ ਤੋਂ ਵਿਧਾਇਕ ਮੁਕੇਸ਼ ਅਗਨੀਹੋਤਰੀ ਨੂੰ ਉਪ ਮੁਖ ਮੰਤਰੀ ਦੀ ਸੋਂਹ ਚੁਕਾਈ ਜਾਵੇਗੀ |
ਅੱਜ ਸ਼ਿਮਲਾ ਵਿਚ ਹੋਈ ਵਿਧਾਇਕ ਦਲ ਦੀ ਮੀਟਿੰਗ ਵਿੱਚ ਮੁਕੇਸ਼ ਅਗਨੀਹੋਤਰੀ ਨੇ ਸੁਖਵਿੰਦਰ ਸਿੰਘ ਸੁਖੂ ਦਾ ਨਾਮ ਪੇਸ਼ ਕੀਤਾ ਜੋ ਸਭ ਨੇ ਪ੍ਰਵਾਨ ਕਰ ਲਿਆ | ਸੁਖੂ ਨਾਦੌਣ ਹਲਕੇ ਤੋਂ ਵਿਧਾਇਕ ਚੁਣੇ ਗਏ ਹਨ | ਹਿਮਾਚਲ ਕਾਂਗਰਸ ਦੀ ਪ੍ਰਧਾਨ ਅਤੇ ਵੀਰ ਬਹਾਦਰ ਸਿੰਘ ਦੀ ਪਤਨੀ ਪ੍ਰਤਿਭਾ ਸਿੰਘ ਜੋ ਕਿ ਮੁਖ ਮੰਤਰੀ ਪਦ ਦੇ ਦਾਅਵੇਦਾਰ ਸਨਮ ਇਸ ਦੌੜ ਵਿਚ ਪਛੜ ਗਏ |
ਕਾਂਗਰਸ ਨੇ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੂੰ ਕਰਾਰੀ ਹਰ ਦਿੱਤੀ ਹੈ ਅਤੇ 68 ਵਿੱਚੋ 40 ਸੀਟਾਂ ਉੱਤੇ ਜਿੱਤ ਪ੍ਰਾਪਤ ਕੀਤੀ | ਭਾਜਪਾ ਨੂੰ 25 ਸੀਟਾਂ ਮਿਲੀਆਂ ਅਤੇ ਤਿੰਨ ਸੀਟਾਂ ਉੱਤੇ ਆਜ਼ਾਦ ਉਮੀਦਵਾਰ ਜਿੱਤੇ |
ਮੁਖ ਮੰਤਰੀ ਦਾ ਐਲਾਨ ਹੋਣ ਤੋਂ ਬਾਅਦ ਸੁਖਵਿੰਦਰ ਸਿੰਘ ਸੁਖੂ ਸਾਬਕਾ ਮੁਖ ਮੰਤਰੀ ਜੈ ਰਾਮ ਠਾਕੁਰ ਨੂੰ ਮਿਲਣ ਉਹਨਾਂ ਦੇ ਸਰਕਾਰੀ ਨਿਵਾਸ ਤੇ ਗਏ |
ਸੁਖਵਿੰਦਰ ਸਿੰਘ ਸੁਖੂ ਕੱਲ੍ਹ 11 ਬਾਜੇ ਆਪਣੇ ਓਹਦੇ ਦੀ ਸੋਹੰ ਚੁੱਕਣਗੇ |