ਨਵੀਂ ਦਿੱਲੀ: ਸੋਨਾ ਖਰੀਦਣ ਦੇ ਬਾਰੇ 'ਚ ਸੋਚ ਰਹੇ ਲੋਕਾਂ ਦੇ ਲਈ ਹਾਲੇ ਇਹ ਧਾਤੂ ਖਰੀਦਣ ਦਾ ਚੰਗਾ ਮੌਕਾ ਹੈ, ਕਿਉਂਕਿ ਇਸ ਸਾਲ ਸੋਨੇ ਦੀ ਕੀਮਤ ਅਸਮਾਨ ਛੂਹ ਸਕਦੀ ਹੈ |ਇਸ ਸਮੇਂ ਸੋਨੇ ਦੀ ਕੀਮਤ 50 ਹਜ਼ਾਰ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਆਸਪਾਸ ਬਣੀ ਹੋਈ ਹੈ | ਮਾਹਰਾਂ ਨੇ ਇਸ ਸਾਲ ਸੋਨੇ ਦੀ ਕੀਮਤ 'ਚ ਤੇਜ਼ੀ ਆਉਣ ਦੀ ਸੰਭਾਵਨਾ ਜ਼ਾਹਰ ਕੀਤੀ ਹੈ | ਇਥੋਂ ਤੱਕ ਕਿਹਾ ਜਾ ਰਿਹਾ ਹੈ ਕਿ ਸੋਨੇ ਦੀ ਕੀਮਤ ਇਸ ਸਾਲ ਰਿਕਾਰਡ ਤੋੜਦੀ ਹੋਈ 63000 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ਦੇ ਕਰੀਬ ਪਹੁੰਚ ਸਕਦੀ ਹੈ | ਇਸੀ ਕਾਰਣ ਹੁਣੇ ਸੋਨੇ 'ਚ ਨਿਵੇਸ਼ ਕਰਨ ਦਾ ਲੋਕਾਂ ਦੇ ਕੋਲ ਚੰਗਾ ਮੌਕਾ ਹੈ |
ਵੈਸੇ ਅੱਜ ਇੱਕ ਵਾਰ ਫਿਰ ਤੋਂ ਸੋਨੇ ਦੀ ਕੀਮਤ 'ਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ | ਸੋਨਾ ਅੱਜ 240 ਰੁਪਏ ਦੀ ਕਮੀ ਦੇ ਨਾਲ 48, 903 ਰੁਪਏ ਪ੍ਰਤੀ ਦਸ ਗ੍ਰਾਮ ਦੇ ਪੱਧਰ 'ਤੇ ਖੁੱਲ੍ਹਿਆ | ਇਹ ਸੋਮਵਾਰ ਨੂੰ 49, 143 ਰੁਪਏ ਪ੍ਰਤੀ ਦਸ ਗ੍ਰਾਮ ਦੀ ਕੀਮਤ 'ਤੇ ਬੰਦ ਹੋਇਆ ਸੀ |