ਨਿਊਯਾਰਕ: ਕ੍ਰਿਪਟੋਕਰੰਸੀ ਬਿਟਕੌਇਨ ਦਾ ਇਸਤੇਮਾਲ ਦੁਨੀਆ ਵਿੱਚ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਪਰ ਅਮਰੀਕਾ ਵਿੱਚ ਤਾਂ ਇਸਨੇ ਰਫਤਾਰ ਹੀ ਫੜ ਲਈ ਹੈ। ਜਿਸ ਕਰਕੇ ਇਥੇ ਤੇਜ਼ੀ ਨਾਲ ਕਈ ਬਿਟਕੌਇਨ ਏਟੀਐਮ ਖੁੱਲ੍ਹ ਰਹੇ ਹਨ। ਗੈਸ ਸਟੇਸ਼ਨ ਤੋਂ ਲੈ ਕੇ ਸਿਗਰਟ ਦੁਕਾਨ ਤੱਕ ਇਸ ਦੀ ਵਰਤੋਂ ਹੋ ਰਹੀ ਹੈ। ਇਹੀ ਕਾਰਨ ਹੈ ਕਿ ਇਸ ਵਰਚੁਅਲ ਕਰੰਸੀ ਜਾਂ ਆਭਾਸੀ ਕਰੰਸੀ ਦੇ ਭਾਅ ਬੀਤੇ ਦਿਨੀਂ 58 ਹਜ਼ਾਰ ਡਾਲਰ ਤੱਕ ਪਹੁੰਚ ਗਏ।
ਪਿਛਲੇ ਕੁਝ ਸਾਲਾਂ ਵਿੱਚ ਅਮਰੀਕਾ ਵਿੱਚ ਬਿਟਕੌਇਨ ਦਾ ਕਾਰੋਬਾਰ ਅਤੇ ਉਪਯੋਗ ਦੋਵੇਂ ਵਧੇ ਹਨ। ਇਸ ਨੂੰ ਦੇਖਦੇ ਹੋਏ ਕਿਓਸਕ ਅਪਰੇਟਰ ਕਵਾਈਨਫਿਲਿਪ ਅਤੇ ਕੌਇਨ ਕਲਾਉਡ ਨੇ ਹਜ਼ਾਰਾਂ ਏਟੀਐਮ ਸਥਾਪਤ ਕਰ ਦਿੱਤੇ ਹਨ। ਮੋਂਟੇਨਾ ਵਿੱਚ ਸਮੋਕ ਸ਼ਾਪ ਯਾਨੀ ਸਿਗਰੇਟ ਦੁਕਾਨਾਂ ਅਤੇ ਕੌਰੋਲਿਨਾਸ ਵਿਚ ਗੈਸ ਸਟੇਸ਼ਨ ਅਤੇ ਅਤੇ ਡੈਲਿਸ ਵਿੱਚ ਬਿਟਕੌਇਨ ਏਟੀਐਮ ਲੱਗ ਚੁੱਕੇ ਹਨ।
ਬਿਟਕੌਇਨ ਦੀ ਖਰੀਦ-ਵਿਕਰੀ ਦੁਕਾਨਾਂ ’ਤੇ ਵੀ ਹੋਣ ਲੱਗੀ ਹੈ। ਇਹੀ ਕਾਰਨ ਹੈ ਕਿ ਹਾਲ ਹੀ ਵਿੱਚ ਇਸ ਦੇ ਭਾਅ 58 ਹਜ਼ਾਰ ਡਾਲਰ ਤੱਕ ਪਹੁੰਚ ਗਏ ਸੀ। ਏਟੀਐਮ ਰਾਹੀਂ ਇਨ੍ਹਾਂ ਦੀ ਆਨਲਾਈਨ ਖਰੀਦ ਵਿਕਰੀ ਵੀ ਹੋ ਰਹੀ ਹੈ। ਜਨਵਰੀ ਤੱਕ 28 ਹਜ਼ਾਰ ਏਟੀਐਮ ਖੁੱਲ੍ਹ ਚੁੱਕੇ ਹਨ। ਇਸ ਨਿਰਪੱਖ ਸੋਧ ਇਕਾਈ ਦੇ ਅਨੁਸਾਰ ਇਨ੍ਹਾਂ ਵਿੱਚ ਦਸ ਹਜ਼ਾਰ ਪੰਜ ਮਹੀਨਿਆਂ ਅੰਦਰ ਖੁੱਲ੍ਹੇ। ਨਵੇਂ ਕਾਰੋਬਾਰੀ ਖੇਤਰਾਂ ਵਿੱਚ ਇਨ੍ਹਾਂ ਏਟੀਐਮ ਦਾ ਚਲਣ ਤੇਜ਼ੀ ਨਾਲ ਵਧ ਰਿਹਾ ਹੈ।