ਅੰਮ੍ਰਿਤਸਰ:ਗੁਰੂ ਵਿਚ ਲੋਕ ਅਰਪਣ ਕੀਤਾ।ਪੰਜਾਬ ਦੇ ਕੁਦਰਤੀ ਧਰਤ ਦ੍ਰਿਸ਼ਾਂ ਦੀ ਸੁੰਦਰਤਾ ਨੂੰ ੳਜਾਗਰ ਕਰਨ ਵਾਲੀ ਇਹ ਕੌਫ਼ੀ ਟੇਬਲ ਬੁੱਕ “ਸਾਡਾ ਸੋਹਣਾ ਪੰਜਾਬ” ਸ਼੍ਰੀ ਹਰਪ੍ਰੀਤ ਸੰਧੂ, ਚੇਅਰਮੈਨ ਪੰਜਾਬ ਇੰਫੋਟੈੱਕ, ਦੁਆਰਾ ਬਣਾਈ ਗਈ ਹੈ। ਇਸ ਮੌਕੇ ਡੀਨ, ਅਕਾਦਮਿਕ ਮਾਮਲੇ, ਪ੍ਰੋ. ਹਰਦੀਪ ਸਿੰਘ, ਰਜਿਸਟਰਾਰ ਪ੍ਰੋ. ਕਰਨਜੀਤ ਸਿੰਘ ਕਾਹਲੋਂ ਅਤੇ ਓ.ਐਸ.ਡੀ. ਪ੍ਰੋ. ਸਰਬਜੋਤ ਸਿੰਘ ਬਹਿਲ ਹਾਜ਼ਰ ਸਨ।
ਪੰਜਾਬ ਦੇ ਕੁਦਰਤੀ ਧਰਤ ਦ੍ਰਿਸ਼ਾਂ ਦੀ ਸੁੰਦਰਤਾ ਨੂੰ ੳਜਾਗਰ ਕਰਨ ਵਾਲੀ ਇਹ ਕੌਫ਼ੀ ਟੇਬਲ ਬੁੱਕ ਸਾਡਾ ਸੋਹਣਾ ਪੰਜਾਬ, ਪੰਜਾਬ ਦੇ ਧਰਤ ਦ੍ਰਿਸ਼ਾਂ ਦੀ ਦਿਲਕਸ਼ ਕੁਦਰਤੀ ਸੁੰਦਰਤਾ ਦਾ ਜਲੌਅ ਹੈ। ਇਸ ਵਿਚ ਪੰਜਾਬ ਦੀਆਂ ਰਮਣੀਕ ਥਾਂਵਾਂ, ਸੰਘਣੇ ਜੰਗਲਾਂ ਦੇ ਵਿਸ਼ਾਲ ਦ੍ਰਿਸ਼ਾਂ ਅਤੇ ਝਮ ਝਮ ਕਰਦੇ ਨੀਲੇ ਪਾਣੀਆਂ ਵਾਲੇ ਸ਼ੂਕਦੇ ਭਰ ਵਗਦੇ ਦਰਿਆਵਾਂ ਦੇ ਦੀਦਾਰ ਹੁੰਦੇ ਹਨ।
ਪ੍ਰੋ. ਸੰਧੂ ਨੇ ਪੁੁਸਤਕ ਰਿਲੀਜ਼ ਉਪਰੰਤ ਕਿਹਾ ਕਿ ਕੁਦਰਤ ਨੇ ਪੰਜਾਬ ਨੂੰ ਸਾਰੀਆਂ ਰੁੱਤਾਂ ਦੇ ਰੰਗ ਬਖ਼ਸ਼ੇ ਹਨ। ਆਸਪਾਸ ਪਸਰੀ ਕੁਦਰਤ ਦੀ ਸੁੰਦਰਤਾ ਸਾਡੇ ਲਈ ਪਰਮਾਤਮਾ ਦੀ ਮਹਾਨ ਬਖ਼ਸ਼ਿਸ਼ ਹੈ। ਮੈਨੂੰ ਪੂਰਨ ਵਿਸ਼ਵਾਸ ਹੈ ਕਿ ਪੰਜਾਬ ਦੇ ਸਭ ਤੋਂ ਸੁਹਣੇ ਦਰਸ਼ਣੀ ਸਥਾਨਾਂ ਨੂੰ ਸਫ਼ਿਆਂ ਵਿਚ ਸੰਜੋਣ ਵਾਲ਼ੀ ਇਹ ਕੌਫ਼ੀ ਟੇਬਲ ਬੁੱਕ ਪੰਜਾਬ ਦੇ ਲੋਕਾਂ ਲਈ ਇਕ ਯਾਦਗਾਰੀ ਅਨੁਭਵ ਹੋਵੇਗੀ । ਕੁਦਰਤ ਨੂੰ ਪ੍ਰੇਮ ਕਰਨ ਵਾਲੇ ਵਿਅਕਤੀ ਜਦੋਂ ਇਸ ਪੁਸਤਕ ਨੂੰ ਪੜ੍ਹਨਗੇ ਤਾਂ ਉਨ੍ਹਾਂ ਦੇ ਦਿਲਾਂ ਵਿਚ ਪੰਜਾਬ ਦੀ ਇਸ ਅਣਦੇਖੀ ਸੁੰਦਰਤਾ ਨੂੰ ਦੇਖਣ ਦਾ ਚਾਅ ਅਤੇ ਉਮਾਹ ਪੈਦਾ ਹੋਵੇਗਾ ।ਇਸ ਪੁਸਤਕ ਵਿਚ ਪੰਜਾਬ ਦੀ ਅਨੂਠੀ ਕੁਦਰਤ ਦੇ ਨੇੜਿਓਂ ਦੇਖੇ ਦ੍ਰਿਸ਼ ਹਨ। ਇਸ ਕੌਫੀ ਟੇਬਲ ਬੁਕ ਤੋਂ ਮਿਲਣ ਵਾਲੇ ਅਨਮੋਲ ਸੁਨੇਹੇ ਨੂੰ ਆਪਣੇ ਦਿਲਾਂ ਵਿਚ ਸੰਭਾਲੀਏ ਤੇ ਪੂਰੀ ਸੁਹਿਰਦਤਾ ਨਾਲ ਉਸ ਤੇ ਅਮਲ ਕਰੀਏ। ਉਹ ਅਨਮੋਲ ਸੁਨੇਹਾ ਇਹ ਹੀ ਹੈ ਕਿ ਕੁਦਰਤ ਕਿੰਨੀ ਸੋਹਣੀ ਹੈ ਅਤੇ ਅਸੀਂ ਇਸ ਦਾ ਸਤਿਕਾਰ ਕਰੀਏ”।
ਇਸ ਪੁਸਤਕ ਵਿਚ ਅਸੀਂ ਕੁਦਰਤ ਦਾ ਬਦਲਦਾ ਹੋਇਆ ਰੂਪ ਦੇਖਦੇ ਹਾਂ ਕਿਉਂ ਕਿ ਇਸ ਵਿਚਲੀਆਂ ਤਸਵੀਰਾਂ ਸ਼੍ਰੀ ਹਰਪ੍ਰੀਤ ਸੰਧੂ ਨੇ ਲੌਕਡਾਊਨ ਦੇ ਦਿਨਾਂ ਵਿਚ ਖਿੱਚੀਆਂ। ਲੌਕਡਾਊਨ ਤੋਂ ਪਹਿਲਾਂ ਦੀ ਅਤੇ ਲੌਕਡਾਊਨ ਤੋਂ ਬਾਅਦ ਦੀ ਕੁਦਰਤੀ ਸੁੰਦਰਤਾ ਵਿਚਲਾ ਬਹੁਤ ਵੱਡਾ ਵਖਰੇਵਾਂ ਇਸ ਪੁਸਤਕ ਦੀਆਂ ਜਿਨ੍ਹਾਂ ਤਸਵੀਰਾਂ ਵਿਚ ਅਸੀਂ ਬਹੁਤ ਉਘੜਵੇਂ ਰੂਪ ਵਿਚ ਦੇਖ ਸਕਦੇ ਹਾਂ, ਉਹ ਹਨ : ਮਾਛੀਵਾੜੇ ਦਾ ਜੰਗਲ, ਖੰਨਾ, ਰਾਹੋਂ ਦੇ ਕੋਲ, ਰੋਪੜ ਡੈਮ, ਨੰਗਲ ਡੈਮ, ਆਨੰਦ ਪੁਰ ਸਾਹਿਬ ਦੇ ਕੋਲ ਦਰਿਆ, ਹਰੀਕੇ ਪੱਤਣ ਦਰਿਆ ਬਿਆਸ ਅਤੇ ਸਤਲੁਜ ਦਾ ਸੰਗਮ, ਸ਼ਾਹ ਪੁਰ ਕੰਡੀ ਡੈਮ, ਰਣਜੀਤ ਸਾਗਰ ਡੈਮ (ਪਠਾਨਕੋਟ ) ਅਤੇ ਥਾਰ ਝੀਲ, ਪੌਂਗ ਡੈਮ, 52 ਗੇਟ ਝੀਲ ਜੋ ਦਰਿਆ ਸਤਲੁਜ ਅਤੇ ਬਿਆਸ ਦੇ ਕੰਢਿਆਂ ਸਥਿਤ ਹੈ ।
ਇਹ ਸਭ ਦ੍ਰਿਸ਼ ਦੇਖ ਕੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪਾਵਨ ਵਾਕ ਆਪਮੁਹਾਰੇ ਯਾਦ ਆ ਜਾਂਦੇ ਹਨ - ਬਲਿਹਾਰੀ ਕੁਦਰਤਿ ਵਸਿਆ ॥ਤੇਰਾ ਅੰਤੁ ਨ ਜਾਈ ਲਖਿਆ ॥ ਅਤੇ ਪਵਣੁ ਗੁਰੂ ਪਾਣੀ ਪਿਤਾ ਮਾਤਾ ਧਰਤਿ ਮਹਤੁ ॥ ਇਸ ਪੁਸਤਕ ਦਾ ਮੁੱਖ ਮੰਤਵ ਪੰਜਾਬੀਆਂ ਨੂੰ ਇਹ ਉੱਚਾ ਸੁੱਚਾ ਤੇ ਸਪਸ਼ਟ ਸੰਦੇਸ਼ ਦੇਣਾ ਹੈ ਕਿ ਇਸ ਸ੍ਰਿਸ਼ਟੀ ਦਾ ਸਿਰਜਣਹਾਰ ਪ੍ਰਭੂ ਕੁਦਰਤ ਵਿਚ ਹੀ ਵਸਦਾ ਹੈ। ਕੁਦਰਤ ਮਾਨਵਤਾ ਲਈ ਮਾਂ ਦਾ ਦਰਜਾ ਰੱਖਦੀ ਹੈ ।ਕੁਦਰਤ ਬਿਨਾ ਮਾਨਵ ਦਾ ਜੀਵਨ ਅਤੇ ਹੋਂਦ ਹੀ ਸੰਭਵ ਨਹੀਂ।ਇਸ ਪੁਸਤਕ ਦਾ ਇਕ ਉਦੇਸ਼ ਇਹ ਵੀ ਹੈ ਕਿ ਪੰਜਾਬ ਦੇ ਲੋਕ ਅਪਣੀ ਧਰਤੀ ਦੀ ਕੁਦਰਤੀ ਦੌਲਤ ਅਤੇ ਉਨ੍ਹਾਂ ਸੁਹਣੀਆਂ ਥਾਂਵਾਂ ਤੋਂ ਵਾਕਿਫ਼ ਹੋਣ , ਜਿਹੜੀਆਂ ਥਾਂਵਾਂ ਤੇ ਬਹੁਤ ਘੱਟ ਲੋਕ ਜਾਂਦੇ ਹਨ।