ਚੰਡੀਗੜ੍ਹ:ਅੱਜ ਮੰਗਲਵਾਰ , ਸੈਕਟਰ -56 ਦੇ ਕਮਿਊਨਟੀ ਸੈਂਟਰ ਦੇ ਸਾਮ੍ਹਣੇ ਲੰਬੀ ਲਾਈਨਾਂ ਔਰਤਾਂ ਦੀਆਂ ਲੱਗੀਆਂ | ਔਰਤਾਂ ਪ੍ਰਸ਼ਾਸਨ ਵੱਲੋਂ ਪ੍ਰਾਪਤ ਰਾਸ਼ਨ ਦੀ ਕਣਕ ਲਈ ਖੜ੍ਹੀਆਂ ਹਨ। ਤਾਲਾਬੰਦੀ ਦੌਰਾਨ ਗਰੀਬ ਪਰਿਵਾਰਾਂ ਨੂੰ ਪ੍ਰਸ਼ਾਸਨ ਵੱਲੋਂ ਕਣਕ ਦੀ ਸਹਾਇਤਾ ਦਿੱਤੀ ਗਈ।
ਹੁਣ ਜਦੋਂ ਲੋਕਾਂ ਨੂੰ ਰਾਸ਼ਨ (ਕਣਕ) ਲਈ ਸਲਿੱਪਾਂ ਮਿਲਣ ਦੀ ਸੂਚਨਾ ਮਿਲੀ ਸੀ ਤਾਂ ਉਹ ਕਮਿਊਨਟੀ ਸੈਂਟਰ ਦੇ ਬਾਹਰ ਵੱਡੀ ਗਿਣਤੀ ਵਿਚ ਪਹੁੰਚ ਗਏ ਹਨ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਕੁਝ ਲੋਕਾਂ ਨੂੰ ਸਲਿੱਪਾਂ ਦਿੱਤੀਆਂ ਗਈਆਂ ਸਨ। ਸੈਂਟਰ ਤੋਂ ਬਾਹਰ ਲੱਗੀ ਔਰਤਾਂ ਦੀਆਂ ਲੰਬੀਆਂ ਲਾਈਨਾਂ ਚ ਸੋਸ਼ਲ ਡਿਸਟੈਂਨਸਿੰਗ ਦਾ ਧਿਆਨ ਨਹੀਂ ਰੱਖਿਆ ਜਾ ਰਿਹਾ | ਸੈਂਕੜੇ ਦੀ ਗਿਣਤੀ 'ਚ ਔਰਤਾਂ ਬਿਨਾ ਮਾਸਕ ਤੋਂ ਖੜੀਆਂ ਹਨ | ਕੁਝ ਪੁਲਿਸ ਮੁਲਾਜ਼ਮ ਸੈਂਟਰ ਤੋਂ ਬਾਹਰ ਹਨ ਪਰ ਉਹ ਵੀ ਕਿਸੇ ਨੂੰ ਕੁਝ ਕਹਿਣ ਤੋਂ ਅਸਮਰੱਥ ਹਨ।