- ਟੈਂਟ ਡੈਕੋਰ ਇੰਡੀਆ 2026 ਵਿੱਚ 60 ਤੋਂ ਵੱਧ ਪ੍ਰਦਰਸ਼ਕ, 10 ਹਜ਼ਾਰ ਤੋਂ ਵੱਧ ਵਿਜ਼ਿਟਰ ਅਤੇ 2600 ਤੋਂ ਵੱਧ ਉਤਪਾਦ ਹੋਣਗੇ ਖਿੱਚ ਦਾ ਕੇਂਦਰ
ਚੰਡੀਗੜ੍ਹ, 5 ਸਤੰਬਰ 2026: (ਹਰਜਿੰਦਰ ਸਿੰਘ ਭੱਟੀ): ਚੰਡੀਗੜ੍ਹ ਵਿੱਚ ਪਹਿਲੀ ਵਾਰ ਟੈਂਟ ਅਤੇ ਡੈਕੋਰ ਇੰਡਸਟਰੀ ਨੂੰ ਸਮਰਪਿਤ ‘ਟੈਂਟ ਡੈਕੋਰ ਇੰਡੀਆ 2026’ ਦਾ ਆਯੋਜਨ ਅੱਜ 5 ਤੋਂ 7 ਸਤੰਬਰ 2026 ਤੱਕ ਐਗਜ਼ੀਬਿਸ਼ਨ ਗਰਾਊਂਡ, ਸੈਕਟਰ-34, ਚੰਡੀਗੜ੍ਹ ਵਿਖੇ ਕੀਤਾ ਜਾ ਰਿਹਾ ਹੈ। ਆਯੋਜਕਾਂ ਅਨੁਸਾਰ, ਚੰਡੀਗੜ੍ਹ ਵਿੱਚ ਪਹਿਲੀ ਵਾਰ ਇਸ ਪੱਧਰ ’ਤੇ ਟੈਂਟ, ਡੈਕੋਰ ਅਤੇ ਇਸ ਨਾਲ ਜੁੜੇ ਉਦਯੋਗਾਂ ਦੀ ਵਿਸ਼ੇਸ਼ ਪ੍ਰਦਰਸ਼ਨੀ ਲਗਾਈ ਜਾ ਰਹੀ ਹੈ। ਤਿੰਨ ਦਿਨਾਂ ਤੱਕ ਚੱਲਣ ਵਾਲੀ ਇਹ ਪ੍ਰਦਰਸ਼ਨੀ ਸਵੇਰੇ 11 ਵਜੇ ਤੋਂ ਰਾਤ 7 ਵਜੇ ਤੱਕ ਖੁੱਲ੍ਹੀ ਰਹੇਗੀ ਅਤੇ ਪ੍ਰਦਰਸ਼ਕਾਂ ਤੇ ਵਿਜ਼ਿਟਰਾਂ ਦੀ ਸਹੂਲਤ ਲਈ ਪੂਰੀ ਤਰ੍ਹਾਂ ਏਅਰ-ਕੰਡੀਸ਼ਨਡ ਹਾਲ ਤਿਆਰ ਕੀਤੇ ਗਏ ਹਨ।
ਸ਼ੋਮੈਨ ਐਸੋਸੀਏਟਸ ਪ੍ਰਾਈਵੇਟ ਲਿਮਟਿਡ (ਐਗਜ਼ੀਬਿਸ਼ਨ ਡਿਵੀਜ਼ਨ) ਵੱਲੋਂ ਆਯੋਜਿਤ ਇਸ ਪ੍ਰਦਰਸ਼ਨੀ ਵਿੱਚ 60 ਤੋਂ ਵੱਧ ਪ੍ਰਦਰਸ਼ਕ, 10, 000 ਤੋਂ ਵੱਧ ਵਿਜ਼ਿਟਰ ਅਤੇ 2600 ਤੋਂ ਵੱਧ ਉਤਪਾਦ ਪ੍ਰਦਰਸ਼ਿਤ ਕੀਤੇ ਜਾਣਗੇ। 8, 000 ਵਰਗ ਮੀਟਰ ਤੋਂ ਵੱਧ ਖੇਤਰ ਵਿੱਚ ਲਗਾਈ ਜਾ ਰਹੀ ਇਸ ਪ੍ਰਦਰਸ਼ਨੀ ਵਿੱਚ ਟੈਂਟ, ਡੈਕੋਰ, ਕੈਟਰਿੰਗ, ਹਾਸਪਿਟੈਲਿਟੀ, ਕਾਰਪੇਟ, ਫਰਨੀਚਰ, ਲਾਈਟ ਐਂਡ ਸਾਊਂਡ ਅਤੇ ਹੋਰ ਸਬੰਧਤ ਉਦਯੋਗਾਂ ਦੇ ਉਤਪਾਦ ਅਤੇ ਸੇਵਾਵਾਂ ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ।
ਸ਼ੋਮੈਨ ਐਸੋਸੀਏਟਸ ਦੇ ਡਾਇਰੈਕਟਰ ਸਤੀਸ਼ ਸ਼ਰਮਾ ਅਤੇ ਧਰੁਵ ਸ਼ਰਮਾ ਨੇ ਦੱਸਿਆ ਕਿ ਟੈਂਟ ਡੈਕੋਰ ਇੰਡੀਆ 2026 ਦਾ ਮੁੱਖ ਉਦੇਸ਼ ਟੈਂਟ, ਡੈਕੋਰ, ਕੈਟਰਿੰਗ ਅਤੇ ਹਾਸਪਿਟੈਲਿਟੀ ਉਦਯੋਗ ਨਾਲ ਜੁੜੇ ਕਾਰੋਬਾਰੀਆਂ ਨੂੰ ਇੱਕ ਮਜ਼ਬੂਤ ਬਿਜ਼ਨਸ ਅਤੇ ਨੈੱਟਵਰਕਿੰਗ ਪਲੇਟਫਾਰਮ ਪ੍ਰਦਾਨ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਚੰਡੀਗੜ੍ਹ ਦੀ ਰਣਨੀਤਕ ਸਥਿਤੀ ਨੂੰ ਦੇਖਦੇ ਹੋਏ ਇਹ ਪ੍ਰਦਰਸ਼ਨੀ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਜੰਮੂ-ਕਸ਼ਮੀਰ, ਉੱਤਰਾਖੰਡ ਅਤੇ ਚੰਡੀਗੜ੍ਹ ਸਮੇਤ ਪੂਰੇ ਉੱਤਰੀ ਭਾਰਤ ਦੇ ਕਾਰੋਬਾਰੀਆਂ ਲਈ ਨਵੇਂ ਬਾਜ਼ਾਰਾਂ ਅਤੇ ਬਿਜ਼ਨਸ ਮੌਕਿਆਂ ਦੀ ਭਾਲ ਕਰਨ ਲਈ ਇੱਕ ਮਹੱਤਵਪੂਰਨ ਮੰਚ ਸਾਬਤ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਪ੍ਰਦਰਸ਼ਨੀ ਵਿੱਚ ਨਿਰਮਾਤਾ, ਡੀਲਰ, ਡਿਸਟ੍ਰੀਬਿਊਟਰ, ਵੈਡਿੰਗ ਪਲੈਨਰ, ਕੈਟਰਰ, ਹੋਟਲ ਅਤੇ ਬੈਂਕੁਇਟ ਸੰਚਾਲਕ, ਹਾਸਪਿਟੈਲਿਟੀ ਪ੍ਰੋਫੈਸ਼ਨਲ ਅਤੇ ਇਵੈਂਟ ਮੈਨੇਜਰ ਇੱਕੋ ਛੱਤ ਹੇਠ ਨਵੇਂ ਉਤਪਾਦਾਂ ਅਤੇ ਤਕਨਾਲੋਜੀਆਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਣਗੇ। ਇਸ ਦੇ ਨਾਲ ਹੀ ਕੰਪਨੀਆਂ ਨੂੰ ਸੰਭਾਵੀ ਗਾਹਕਾਂ ਅਤੇ ਬਿਜ਼ਨਸ ਪਾਰਟਨਰਾਂ ਨਾਲ ਸਿੱਧਾ ਸੰਪਰਕ ਬਣਾਉਣ ਦਾ ਮੌਕਾ ਮਿਲੇਗਾ।
ਇੱਕੋ ਛੱਤ ਹੇਠ ਪੰਜ ਪ੍ਰਦਰਸ਼ਨੀਆਂ
ਟੈਂਟ ਡੈਕੋਰ ਇੰਡੀਆ 2026 ਦੇ ਨਾਲ ਕੈਟਰਿੰਗ ਐਕਸਪੋ, ਹਾਸਪਿਟੈਲਿਟੀ ਐਕਸਪੋ, ਫਰਨੀਚਰ ਐਕਸਪੋ ਅਤੇ ਲਾਈਟ ਐਂਡ ਸਾਊਂਡ ਐਕਸਪੋ ਦਾ ਵੀ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਨਾਲ ਵੱਖ-ਵੱਖ ਸਬੰਧਤ ਉਦਯੋਗਾਂ ਨੂੰ ਇੱਕੋ ਛੱਤ ਹੇਠ ਆਪਣੇ ਉਤਪਾਦ, ਸੇਵਾਵਾਂ ਅਤੇ ਨਵੀਂ ਤਕਨਾਲੋਜੀ ਪ੍ਰਦਰਸ਼ਿਤ ਕਰਨ ਦਾ ਮੌਕਾ ਮਿਲੇਗਾ।
ਪ੍ਰਦਰਸ਼ਨੀ ਵਿੱਚ ਆਧੁਨਿਕ ਟੈਂਟ ਸਟਰੱਕਚਰ, ਵੈਡਿੰਗ ਅਤੇ ਇਵੈਂਟ ਡੈਕੋਰੇਸ਼ਨ, ਕੈਟਰਿੰਗ ਉਪਕਰਨ, ਹਾਸਪਿਟੈਲਿਟੀ ਸੈਟਅਪ, ਫਰਨੀਚਰ, ਲਾਈਟਿੰਗ, ਸਾਊਂਡ ਸਿਸਟਮ, ਸਟੇਜ ਅਤੇ ਇਵੈਂਟ ਸਲਿਊਸ਼ਨ ਸਮੇਤ ਕਈ ਤਰ੍ਹਾਂ ਦੇ ਉਤਪਾਦ ਅਤੇ ਸੇਵਾਵਾਂ ਖਿੱਚ ਦਾ ਕੇਂਦਰ ਰਹਿਣਗੇ।
ਵਿਜ਼ਿਟਰਾਂ ਲਈ ਐਂਟਰੀ ਬਿਲਕੁਲ ਮੁਫ਼ਤ
ਪ੍ਰਦਰਸ਼ਨੀ ਦੀ ਖਾਸ ਗੱਲ ਇਹ ਹੈ ਕਿ ਵਿਜ਼ਿਟਰਾਂ ਲਈ ਐਂਟਰੀ ਬਿਲਕੁਲ ਮੁਫ਼ਤ ਹੋਵੇਗੀ। ਉਦਯੋਗ ਨਾਲ ਜੁੜੇ ਲੋਕਾਂ ਦੇ ਨਾਲ-ਨਾਲ ਦਿਲਚਸਪੀ ਰੱਖਣ ਵਾਲੇ ਆਮ ਵਿਜ਼ਿਟਰ ਵੀ ਬਿਨਾਂ ਕਿਸੇ ਐਂਟਰੀ ਫੀਸ ਦੇ ਪ੍ਰਦਰਸ਼ਨੀ ਵਿੱਚ ਸ਼ਾਮਲ ਹੋ ਸਕਣਗੇ।
ਵਿਜ਼ਿਟਰਾਂ ਅਤੇ ਪ੍ਰਦਰਸ਼ਕਾਂ ਦੀ ਸਹੂਲਤ ਲਈ ਪ੍ਰਦਰਸ਼ਨੀ ਸਥਾਨ ’ਤੇ ਕੈਫੇਟੇਰੀਆ ਦੀ ਵੀ ਵਿਵਸਥਾ ਕੀਤੀ ਗਈ ਹੈ, ਜਿੱਥੇ ਖਾਣ-ਪੀਣ ਅਤੇ ਰਿਫਰੈਸ਼ਮੈਂਟ ਦੀ ਸਹੂਲਤ ਉਪਲਬਧ ਰਹੇਗੀ।
ਪ੍ਰਮੁੱਖ ਉਦਯੋਗਿਕ ਸੰਸਥਾਵਾਂ ਦਾ ਸਹਿਯੋਗ
ਇਸ ਸ਼ਾਨਦਾਰ ਪ੍ਰਦਰਸ਼ਨੀ ਨੂੰ ਉੱਤਰੀ ਭਾਰਤ ਦੀਆਂ ਕਈ ਪ੍ਰਮੁੱਖ ਉਦਯੋਗਿਕ ਸੰਸਥਾਵਾਂ ਦਾ ਸਹਿਯੋਗ ਪ੍ਰਾਪਤ ਹੈ। ਇਨ੍ਹਾਂ ਵਿੱਚ ਚੰਡੀਗੜ੍ਹ ਟੈਂਟ ਡੀਲਰ ਵੈਲਫੇਅਰ ਐਸੋਸੀਏਸ਼ਨ, ਪੰਜਾਬ ਮੈਰਿਜ ਪੈਲੇਸ ਐਂਡ ਰਿਜ਼ੌਰਟ ਐਸੋਸੀਏਸ਼ਨ, ਹਿਮਾਚਲ ਟੈਂਟ ਡੀਲਰ ਵੈਲਫੇਅਰ ਆਰਗੇਨਾਈਜ਼ੇਸ਼ਨ, ਜੰਮੂ ਪ੍ਰੋਵਿੰਸ ਟੈਂਟ ਸਰਵਿਸ ਐਸੋਸੀਏਸ਼ਨ, ਆਲ ਜੇਐਂਡਕੇ ਬੈਂਕੁਇਟ ਹਾਲਜ਼ ਐਸੋਸੀਏਸ਼ਨ ਅਤੇ ਲੁਧਿਆਣਾ ਮੈਰਿਜ ਪੈਲੇਸ ਵੈਲਫੇਅਰ ਐਸੋਸੀਏਸ਼ਨ ਸ਼ਾਮਲ ਹਨ।
ਇਨ੍ਹਾਂ ਸੰਸਥਾਵਾਂ ਦੇ ਸਹਿਯੋਗ ਨਾਲ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਜੰਮੂ-ਕਸ਼ਮੀਰ, ਚੰਡੀਗੜ੍ਹ ਅਤੇ ਆਸ-ਪਾਸ ਦੇ ਖੇਤਰਾਂ ਤੋਂ ਵੱਡੀ ਗਿਣਤੀ ਵਿੱਚ ਉਦਯੋਗ ਨਾਲ ਜੁੜੇ ਕਾਰੋਬਾਰੀਆਂ ਦੇ ਪ੍ਰਦਰਸ਼ਨੀ ਵਿੱਚ ਪਹੁੰਚਣ ਦੀ ਉਮੀਦ ਹੈ।
33 ਸਾਲਾਂ ਤੋਂ ਵੱਧ ਦਾ ਤਜਰਬਾ
ਸ਼ੋਮੈਨ ਐਸੋਸੀਏਟਸ ਨੂੰ ਪ੍ਰਦਰਸ਼ਨੀਆਂ ਦੇ ਆਯੋਜਨ ਦੇ ਖੇਤਰ ਵਿੱਚ 33 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ। ਆਯੋਜਕਾਂ ਅਨੁਸਾਰ, ਸੰਸਥਾ ਵੱਲੋਂ ਹੁਣ ਤੱਕ 465 ਤੋਂ ਵੱਧ ਐਕਸਪੋ ਆਯੋਜਿਤ ਕੀਤੇ ਜਾ ਚੁੱਕੇ ਹਨ। ਇਸ ਤੋਂ ਇਲਾਵਾ 20 ਤੋਂ ਵੱਧ ਦੇਸ਼ਾਂ ਵਿੱਚ ਐਸੋਸੀਏਟ ਨੈੱਟਵਰਕ, 10 ਇੰਡਸਟਰੀ ਕਲੱਸਟਰ, 70, 000 ਤੋਂ ਵੱਧ ਕੰਪਨੀਆਂ ਦੀ ਭਾਗੀਦਾਰੀ ਅਤੇ 75 ਲੱਖ ਤੋਂ ਵੱਧ ਵਿਜ਼ਿਟਰਾਂ ਤੱਕ ਪਹੁੰਚ ਬਣਾਈ ਜਾ ਚੁੱਕੀ ਹੈ।
ਟੈਂਟ ਡੈਕੋਰ ਇੰਡੀਆ 2026 ਦਾ ਉਦੇਸ਼ ਕਾਰੋਬਾਰੀਆਂ ਨੂੰ ਨਵੇਂ ਉਤਪਾਦਾਂ ਅਤੇ ਤਕਨਾਲੋਜੀਆਂ ਨਾਲ ਜਾਣੂ ਕਰਵਾਉਣ ਦੇ ਨਾਲ-ਨਾਲ ਬਿਜ਼ਨਸ ਲੀਡਜ਼, ਨੈੱਟਵਰਕਿੰਗ, ਡੀਲਰ-ਡਿਸਟ੍ਰੀਬਿਊਟਰ ਨੈੱਟਵਰਕ ਅਤੇ ਨਵੇਂ ਬਾਜ਼ਾਰਾਂ ਦੇ ਮੌਕੇ ਉਪਲਬਧ ਕਰਵਾਉਣਾ ਹੈ।