ਬਾਘਾ ਪੁਰਾਣਾ:ਅਣਪਛਾਤੇ ਚੋਰਾਂ ਵਲੋਂ ਬੀਤੀ ਸ਼ਨੀਵਾਰ ਅਤੇ ਐਤਵਾਰ ਦੀ ਦਰਮਿਆਨੀ ਰਾਤ ਨੂੰ ਸਥਾਨਕ ਸ਼ਹਿਰ ਦੀ ਚੰਨੂੰਵਾਲਾ ਸੜਕ ਉੱਪਰ ਸਥਿੱਤ ਤਿੰਨ ਦੁਕਾਨਾਂ ਨੂੰ ਚੋਰੀਆਂ ਕਰਨ ਲਈ ਨਿਸ਼ਾਨਾ ਬਣਾਇਆ ਗਿਆ।ਲੱਖਾਂ ਰੁਪਏ ਦਾ ਤਾਂਬਾ, ਡੀ.ਵੀ.ਆਰ, ਨਗਦੀ ਅਤੇ ਹੋਰ ਸਮਾਨ ਹੋਇਆ ਚੋਰੀ।ਬੀਤੀ ਰਾਤ ਸਥਾਨਕ ਸ਼ਹਿਰ ਦੀ ਚੰਨੂੰਵਾਲਾ ਸੜਕ ਉੱਪਰ ਸਥਿੱਤ ਬਾਂਸਲ ਇਲੈਕਟ੍ਰੀਕਲਜ ਦੀ ਦੁਕਾਨ ਦੇ ਜਿੰਦਰੇ ਭੰਨ੍ਹ ਕੇ ਅਣਪਛਾਤੇ ਚੋਰਾਂ ਵਲੋਂ ਪਹਿਲੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।ਇਸ ਸਬੰਧੀ ਦੁਕਾਨ ਮਾਲਕ ਕ੍ਰਿਸ਼ਨ ਕੁਮਾਰ ਬਾਂਸਲ ਪੁੱਤਰ ਸੁਰੇਸ਼ ਬਾਂਸਲ ਨੇ ਦੱਸਿਆ ਕਿ ਉਹਨਾਂ ਨੂੰ ਸਵੇਰੇ ਲੋਕਾਂ ਕੋਲੋ ਦੁਕਾਨ ਵਿੱਚ ਹੋਰੀ ਚੋਰੀ ਬਾਰੇ ਪਤਾ ਲੱਗਿਆ ਤਾਂ ਉਹਨਾਂ ਤੁਰੰਤ ਪੁਲਿਸ ਨੂੰ ਸੂਚਿਤ ਕੀਤਾ ਅਤੇ ਦੁਕਾਨ ਵਿੱਚ ਜਾ ਕੇ ਦੇਖਿਆ ਕਿ ਸ਼ਟਰ ਦੇ ਜਿੰਦਰੇ ਟੁੱਟੇ ਹੋਏ ਸਨ, ਦੁਕਾਨ ਵਿੱਚੋਂ ਕਰੀਬ ਸਾਢੇ ੫ ਕੁਇੰਟਲ ਤਾਂਬਾ ਅਤੇ ਹੋਰ ਸਮਾਨ ਤੋਂ ਇਲਾਵਾ 15 ਹਜਾਰ ਰੁਪਏ ਦੇ ਕਰੀਬ ਨਗਦੀ ਵੀ ਚੋਰੀ ਹੋਈ।
ਇਹਨਾਂ ਚੋਰਾਂ ਵਲੋਂ ਦੂਸਰੀ ਵਾਰਦਾਤ ਹੇਮਕੁੰਟ ਮੈਡੀਕੋਜ ਦੀ ਦੁਕਾਨ ਦੇ ਸ਼ਟਰ ਨੂੰ ਜੈੱਕ ਰਾਹੀਂ ਚੱਕ ਕੇ ਚੋਰੀ ਕੀਤੀ ਗਈ, ਦੁਕਾਨ ਦੇ ਮਾਲਕ ਕਮਲਜੀਤ ਸਿੰਘ ਨੇ ਦੱਸਿਆ ਕਿਬਾਘਾ ਪੁਰਾਣਾ ਸ਼ਹਿਰ ਅੰਦਰ ਚੋਰ, ਲੁਟੇਰੇ ਸ਼ਰੇਆਮ ਦੇ ਰਹੇ ਨੇ ਵਾਰਦਾਤਾਂ ਨੂੰ ਅੰਜਾਮ, ਪੁਲਿਸ ਅਜੇ ਵੀ ਸੁਸਤੀ ਦੇ ਆਲਮ 'ਚ ਚੋਰ ਸੀ.ਸੀ.ਟੀ.ਵੀ ਕੈਮਰੇ ਦਾ ਡੀ.ਵੀ.ਆਰ ਅਤੇ ਹੋਰ ਸਮਾਨ ਚੋਰੀ ਕਰਕੇ ਲੈ ਗਏ। ਇਸੇ ਤਰ੍ਹਾਂ ਤੀਸਰੀ ਦੁਕਾਨ ਫਰੈਂਡਜ ਮੈਡੀਕਲ ਹਾਲ ਦੇ ਜਿੰਦਰੇ ਵੀ ਚੋਰਾਂ ਨੇ ਭੰਨੇ ਅਤੇ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ।ਇਸ ਘਟਨਾ ਸਬੰਧੀ ਪੁਲਿਸ ਨੂੰ ਸੂਚਨਾ ਮਿਲਣ ਤੇ ਥਾਣਾ ਮੁਖੀ ਹਰਮਨਜੀਤ ਸਿੰਘ ਬਲ ਪੁਲਿਸ ਪਾਰਟੀ ਸਮੇਤ ਪਹੁੰਚੇ ਅਤੇ ਉਹਨਾਂ ਨੇ ਦੁਕਾਨ ਦੇ ਮਾਲਕਾਂ ਕੋਲੋ ਚੋਰੀਆਂ ਬਾਰੇ ਜਾਣਕਾਰੀ ਹਾਸਲ ਕੀਤੀ ਅਤੇ ਹੋਈਆ ਚੋਰੀਆਂ ਦਾ ਜਾਇਜਾ ਲਿਆ।ਕ੍ਰਿਸ਼ਨ ਕੁਮਾਰ ਬਾਂਸਲ ਨੇ ਥਾਣਾ ਮੁਖੀ ਨੂੰ ਦੱਸਿਆ ਕਿ ਉਸਦੀ ਦੁਕਾਨ ਵਿੱਚੋਂ ਨਗਦੀ ਸਮੇਤ ਕਰੀਬ 5 ਲੱਖ ਰੁਪਏ ਦੀ ਚੋਰੀ ਹੋਈ ਹੈ।
ਬਾਘਾ ਪੁਰਾਣਾ ਸ਼ਹਿਰ ਵਾਸੀਆਂ ਦੇ ਮਨ੍ਹਾਂ ਅੰਦਰ ਇਹਨਾਂ ਚੋਰੀਆਂ ਅਤੇ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਨੂੰ ਲੈ ਕੇ ਭਾਰੀ ਸਹਿਮ ਦਾ ਮਾਹੋਲ ਬਣਿਆ ਹੋਇਆ ਹੈ, ਲੋਕਾਂ ਦਾ ਕਹਿਣਾ ਹੈ ਕਿ ਸਾਡੀ ਸੁਰੱਖਿਆ ਲਈ ਮੋਟਰਸਾਈਕਲਾਂ ਉੱਪਰ ਗਸ਼ਤ ਕਰਦੇ ਪੁਲਿਸ ਕਰਮਚਾਰੀ ਕਿੱਥੇ ਸੁੱਤੇ ਰਹਿੰਦੇ ਹਨ, ਜੇਕਰ ਇਹ ਆਪਣੀ ਡਿਊਟੀ ਸੁਚੱਜੇ ਢੰਗ ਨਾਲ ਨਿਭਾਉਂਦੇ ਹੋਣ ਤਾਂ ਕਿਸੇ ਵੀ ਘਟਨਾ ਨੂੰ ਅੰਜਾਮ ਦੇਣਾ ਬਹੁਤ ਔਖਾ ਹੈ।ਲੋਕਾਂ ਨੇ ਜਿਲ੍ਹਾ ਅਧਿਕਾਰੀਆ ਕੋਲੋ ਮੰਗ ਕੀਤੀ ਕਿ ਉਹ ਸ਼ਹਿਰ ਅੰਦਰ ਹੋ ਰਹੀਆ ਚੋਰੀਆਂ ਅਤੇ ਲੁੱਟ ਖੋਹ ਦੀਆਂ ਵਾਰਦਾਤਾਂ ਨੂੰ ਵੱਡੀ ਸਮੱਸਿਆ ਮੰਨ ਕੇ ਪਹਿਲ ਦੇ ਅਧਾਰ ਤੇ ਹੱਲ ਕਰਨ।