ਲੁਧਿਆਣਾ : 1984 ਦੇ ਦੰਗਾ ਪੀੜਤਾਂ ਨੂੰ ਅੱਜ ਰਾਹੁਲ ਗਾਂਧੀ ਦੀ ਯਾਤਰਾ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਲੁਧਿਆਣਾ ਵਿੱਚ ਨਜ਼ਰਬੰਦ ਕਰ ਦਿੱਤਾ ਗਿਆ ਹੈ। ਜਾਣਕਾਰੀ ਅਨੁਸਾਰ ਦੰਗਾ ਪੀੜਤਾਂ ਨੂੰ ਉਨ੍ਹਾਂ ਦੀ ਬਸਤੀ ਸੀਆਰਪੀ ਦੁੱਗਰੀ ਵਿੱਚ ਨਜ਼ਰਬੰਦ ਕਰ ਦਿੱਤਾ ਗਿਆ ਹੈ।
ਬੁੱਧਵਾਰ ਨੂੰ ਹੀ ਕਾਂਗਰਸ ਦਫਤਰ ਦੇ ਬਾਹਰ ਦੰਗਿਆਂ ਅਤੇ 1947 ਦੀ ਵੰਡ ਦੇ ਪੀੜਤਾਂ ਦਾ ਇਕ ਨੋਟ ਚਿਪਕਾਇਆ ਗਿਆ ਸੀ।ਰਾਹੁਲ ਦੇ ਇਸ ਦੌਰੇ ਦਾ ਲੁਧਿਆਣਾ 'ਚ 15 ਥਾਵਾਂ 'ਤੇ ਸਵਾਗਤ ਕੀਤਾ ਜਾਵੇਗਾ। ਪਿੰਡ ਕੱਦੋ ਤੋਂ ਸ਼ੁਰੂ ਹੋਈ ਇਹ ਯਾਤਰਾ ਦੁਪਹਿਰ 12 ਵਜੇ ਦੇ ਕਰੀਬ ਸਮਰਾਲਾ ਚੌਂਕ ਵਿਖੇ ਜਾ ਕੇ ਸਮਾਪਤ ਹੋਵੇਗੀ। ਰਾਹੁਲ ਗਾਂਧੀ ਰੋਜ਼ਾਨਾ 25 ਕਿਲੋਮੀਟਰ ਪੈਦਲ ਚੱਲਦੇ ਹਨ। ਸਮਰਾਲਾ ਚੌਕ ਵਿਖੇ ਵਿਸ਼ਾਲ ਸਟੇਜ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਰਾਹੁਲ ਇੱਥੋਂ ਆਪਣੀ ਗੱਲ ਜਨਤਾ ਦੇ ਸਾਹਮਣੇ ਰੱਖਣਗੇ। ਰਾਹੁਲ ਗਾਂਧੀ 8 ਦਿਨ ਪੰਜਾਬ 'ਚ ਰਹਿਣਗੇ।