ਨਵੀਂ ਦਿੱਲੀ:ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਨੇ ਸੋਮਵਾਰ ਨੂੰ ਖਪਤਕਾਰਾਂ ਦੇ ਖਰਚਿਆਂ ਨੂੰ ਵਧਾਉਣ ਲਈ ਐਲਟੀਸੀ ਦੇ ਤਹਿਤ ਨਕਦ ਵਾਊਚਰ ਸਕੀਮ ਦਾ ਐਲਾਨ ਕੀਤਾ ਹੈ। ਵਿੱਤ ਮੰਤਰੀ ਨੇ ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਲਈ ਲੀਵ ਟ੍ਰੈਵਲ ਕਨਸੈਸ਼ਨ (ਐਲਟੀਸੀ) ਦੇ ਸਬੰਧ ਵਿੱਚ ਇੱਕ ਵਿਸ਼ੇਸ ਐਲਾਨ ਕੀਤਾ ਹੈ। ਇਸ ਦੇ ਤਹਿਤ ਕੇਂਦਰੀ ਕਰਮਚਾਰੀਆਂ ਨੂੰ 4 ਸਾਲਾਂ ਵਿੱਚ ਇੱਕ ਵਾਰ ਐਲਟੀਸੀ ਦਾ ਲਾਭ ਦਿੱਤਾ ਜਾਵੇਗਾ। ਇੱਕ ਐਲਟੀਸੀ ਉਨ੍ਹਾਂ ਨੂੰ ਭਾਰਤ ਵਿੱਤ ਕਿਤੇ ਵੀ ਘੁੰਮਣ ਲਈ ਅਤੇ ਇੱਕ ਹੋਮਟਾਊਨ ਜਾਣ ਲਈ ਦਿੱਤਾ ਜਾਵੇਗਾ। ਭਾਰਤ ਵਿੱਚ ਕਿਤੇ ਹੋਰ ਘੁੰਮਣ ਦੀ ਸਥਿਤੀ ਵਿੱਚ ਹੋਮਟਾਊਨ ਜਾਣ ਲਈ ਦੋ ਵਾਰ ਐਲਟੀਸੀ ਦਾ ਲਾਭ ਦਿੱਤਾ ਜਾਵੇਗਾ।
ਇਸ ਯੋਜਨਾ ਦੇ ਤਹਿਤ ਕਰਮਚਾਰੀਆਂ ਨੂੰ ਸਕੇਲ ਅਤੇ ਰੈਂਕ ਦੇ ਆਧਾਰ 'ਤੇ ਹਵਾਈ ਜਾਂ ਰੇਲ ਯਾਤਰਾ ਲਈ ਭੁਗਤਾਨ ਕੀਤਾ ਜਾਵੇਗਾ । ਇਸ ਤੋਂ ਇਲਾਵਾ 10 ਦਿਨਾਂ ਦੀ ਛੁੱਟੀ (ਤਨਖ਼ਾਹ + ਡੀਏ) ਦੀ ਵਿਵਸਥਾ ਵੀ ਹੋਵੇਗੀ।
ਕੇਂਦਰੀ ਕਰਮਚਾਰੀਆਂ ਵੱਲੋਂ ਇਨ੍ਹਾਂ ਵਿਕਲਪਾਂ ਨੂੰ ਚੁਣੇ ਜਾਣ ਦੀ ਸਥਿਤੀ ਵਿੱਚ ਸਰਕਾਰ 'ਤੇ 5, 675 ਕਰੋੜ ਰੁਪਏ ਦਾ ਬੋਝ ਪਏਗਾ। ਜਨਤਕ ਖੇਤਰ ਦੇ ਬੈਂਕ ਅਤੇ ਸਰਕਾਰੀ ਕੰਪਨੀਆਂ ਦੇ ਮੁਲਾਜ਼ਮ ਇਸ ਦਾ ਲਾਭ ਲੈ ਸਕਦੇ ਹਨ। ਵਿੱਤ ਮੰਤਰੀ ਨੇ ਕਿਹਾ ਕਿ ਏਟੀਸੀ ਟਿਕਟਾਂ ਵਾਲੇ ਸੂਬੇ ਦੇ ਕਰਮਚਾਰੀ ਅਤੇ ਨਿੱਜੀ ਖੇਤਰ ਦੇ ਕਰਮਚਰੀਆਂ ਨੂੰ ਵੀ ਟੈਕਸ ਛੋਟ ਦਾ ਲਾਭ ਮਿਲੇਗਾ। ਅਜਿਹੀ ਸਥਿਤੀ ਵਿੱਚ ਜੇ ਸੂਬਾ ਸਰਕਾਰਾਂ ਜਾਂ ਨਿੱਜੀ ਕੰਪਨੀਆਂ ਅਜਿਹਾ ਐਲਾਨ ਕਰਦੀਆਂ ਹਨ ਤਾਂ ਉਨ੍ਹਾਂ ਦੇ ਕਰਮਚਾਰੀਆਂ ਨੂੰ ਟੈਕਸ ਛੋਟ ਦਾ ਇਹ ਲਾਭ ਮਿਲੇਗਾ।