ਭਿੱਖੀਵਿੰਡ: ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਬਕਾ ਮੀਤ ਪ੍ਰਧਾਨ ਕਰਮਜੀਤ ਸਿੰਘ ਅਣਖੀ ਨੇ ਕਿਹਾ ਹੈ ਕਿ ਸਾਬਕਾ ਵਿਧਾਇਕ ਹਰਮੀਤ ਸਿੰਘ ਸੰਧੂ ਦੀ ਅਗਵਾਈ ਹੇਠ ਆਉਂਦੀਆ ਨਗਰ ਕੌਸਲ ਚੋਣਾਂ ਦੌਰਾਨ ਕਾਂਗਰਸ ਪਾਰਟੀ ਨੂੰ ਉਸਦਾ ਚੇਹਰਾ ਵਿਖਾਇਆ ਜਾਵੇਗਾ। ਕਿਉਂਕ ਇਸ ਪਾਰਟੀ ਨੇ ਸੂਬੇ ਦਾ ਵਿਨਾਸ਼ ਕੀਤਾ ਹੈ, ਓਹਨਾਂ ਕਿਹਾ ਕਿ ਸੂਬੇ ਵਿਚ ਅਜੇ ਤੱਕ ਸਰਕਾਰ ਵਲੋਂ ਸਸਤੇ ਮੁੱਲ ਤੇ ਘਿਓ, ਚੀਨੀ, ਚਾਹ ਪੱਤੀ ਨਹੀਂ ਮਿਲੀ, ਘਰ-ਘਰ ਨੌਕਰੀ ਦੇਣ ਦੇ ਵਾਦੇ ਵੀ ਝੂਠੇ ਨਿਕਲੇ ਹਨ। ਉਨ੍ਹਾਂ ਕਿਹਾ ਕਿ ਅਨੂਸੂਚਿਤ ਵਰਗ ਦੀਆਂ ਲੜਕੀਆਂ ਨੂੰ ਨਾ ਤਾਂ 51 ਹਜ਼ਰ ਰੁਪਏ ਦਾ ਸ਼ਗੁਨ ਮਿਲਿਆ ਅਤੇ ਨਾ ਹੀ ਵਿਧਵਾਵਾਂ, ਅੰਗਹੀਣਾਂ ਅਤੇ ਬਜ਼ਰਗਾਂ ਨੂੰ 21 ਸੌ ਰੁਪਏ ਪ੍ਰਤੀ ਮਹੀਨਾ ਪੈਨਸ਼ਨ ਨਸੀਬ ਹੋਈ ਹੈ । ਅਣਖੀ ਨੇ ਕਿਹਾ ਕਿ ਸਾਬਕਾ ਵਿਧਾਇਕ ਹਰਮੀਤ ਸਿੰਘ ਸੰਧੂ ਦੀ ਅਗਵਾਈ ਹੇਠ ਸ਼੍ਰੋਮਣੀ ਅਕਾਲੀ ਦਲ ਦਾ ਇੱਕ-ਇੱਕ ਵਰਕਰ ਨਗਰ ਕੌਸਲ ਚੋਣਾਂ ਲਈ ਪੂਰੀ ਤਿਆਰੀ ਵਿੱਚ ਹੈ ।