ਕਾਲਾਂਵਾਲੀ: ਦਿੱਲੀ ਸਰਕਾਰ ਰਾਮ ਰਾਜ ਸਥਾਪਤ ਕਰਨ ਦੀ ਦਿਸ਼ਾ ਵਿੱਚ ਤੇਜ਼ੀ ਨਾਲ ਕੰਮ ਕਰ ਰਹੀ ਹੈ। ਦਿੱਲੀ ਦੀ ਜੰਤਾ ਲਈ ਜ਼ਰੂਰੀ ਸਿੱਖਿਆ ਤੇ ਕੇਜਰੀਵਾਲ ਸਰਕਾਰ ਨੇ ਸਿੱਖਿਆ ਉੱਤੇ ਕੁਲ ਬਜਟ ਦਾ 25 ਫ਼ੀਸਦੀ ਅਤੇ ਸਿਹਤ ਉੱਤੇ 14 ਫ਼ੀਸਦੀ ਖਰਚਣ ਕਰਨ ਦਾ ਪ੍ਰਸਤਾਓ ਰਖਿਆ ਹੈੇ। ਇਹ ਕਹਿਣਾ ਹੈ ਆਮ ਆਦਮੀ ਦੀ ਜਿਲ੍ਹਾ ਸੰਗਠਨ ਮੰਤਰੀ ਬੀਬਾ ਦਵਿੰਦਰ ਕੌਰ ਮਾਂਗਟ ਦਾ। ਉਨ੍ਹਾਂ ਕਿਹਾ ਕਿ ਦਿੱਲੀ ਸਰਕਾਰ ਸਾਰਿਆ ਨੂੰ ਸਿਹਤ, ਸਿੱਖਿਆ, ਬਿਜਲੀ ਪਾਣੀ ਵਰਗੀਆਂ ਮੁੱਢਲੀਆਂ ਸਹੂਲਤਾਂ ਉਪਲੱਬਧ ਕਰਵਾ ਰਹੀ ਹੈ ਪਰ ਦੂਜੇ ਪਾਸੇ ਹਰਿਆਣਾ ਵਿੱਚ ਖੱਟਰ ਸਰਕਾਰ ਦੀ ਗਲਤ ਨੀਤੀਆਂ ਕਾਰਨ ਜਨਤਾ ਉੱਤੇ ਕਰਜ਼ੇ ਦਾ ਬੋਝ ਵਧਦਾ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਦਿੱਲੀ ਦਾ ਇਕੱਲਾ ਅਜਿਹਾ ਬਜਟ ਹੈ ਜਿਸਨੂੰ ਸੀਏਜੀ ਨੇ ਵੀ ਲਾਭਦਾਇਕ ਦੱਸਿਆ ਹੈ ਜਦੋ ਕਿ ਦੂਜੇ ਪਾਸੇ ਹਰਿਆਣਾ ਸਰਕਾਰ ਨੇ ਸਲਾਨਾਂ ਬਜਟ ਵਿੱਚ 29193 ਕਰੋੜ ਦਾ ਘਾਟਾ ਵਿਖਾਇਆ ਹੈ। ਬਜਟ ਵਿੱਚ ਨੌਜਵਾਨਾਂ ਨੂੰ ਰੋਜਗਾਰ ਦੇਣ ਲਈ ਕੋਈ ਕਦਮ ਨਹੀ ਚੁੱਕੇ ਗਏ ਅਤੇ ਪਿਛਲੇ 6 ਸਾਲਾਂ ਤੋ ਹਰਿਆਣਾ ਵਿੱਚ ਕੋਈ ਨਵਾਂ ਉਦਯੋਗ ਹੀ ਨਹੀਂ ਲੱਗਾ ਅਤੇ ਨਾਂ ਹੀ ਸਰਕਾਰ ਦੁਆਰਾ ਵਪਾਰੀਆਂ ਨੂੰ ਕੋਈ ਰਾਹਤ ਦਿੱਤੀ ਗਈ ਸਗੋ ਉਲਟਾ ਟੈਕਸ ਦੇ ਨਾਮ ਉੱਤੇ ਵਪਾਰੀਆਂ ਨੂੰ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ। ਬੀਬਾ ਮਾਂਗਟ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਨੇ ਬਜਰੁਗਾਂ ਨੂੰ ਸਨਮਾਨ ਦੇਣ ਦੀ ਥਾਂ ਅਪਮਾਨਿਤ ਕਰਨ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪੂਰੇ ਦੇਸ਼ ਦੇ ਲੋਕ ਕੇਜਰੀਵਾਲ ਸਰਕਾਰ ਦੀਆਂ ਨੀਤੀਆਂ ਦਾ ਜ਼ੋਰਦਾਰ ਸਮਰਥਨ ਕਰਦੇ ਹਨ।