- ਪਦਮ ਸ਼੍ਰੀ ਸ਼ੈੱਫ ਡਾ.ਸੰਜੀਵ ਕਪੂਰ ਨੇ ਮੁੱਖ ਮਹਿਮਾਨ ਵਜੋਂ ਕੀਤੀ ਸ਼ਿਰਕਤ
ਚੰਡੀਗੜ੍ਹ (ਹਰਜਿੰਦਰ ਸਿੰਘ ਭੱਟੀ): ਚੰਡੀਗੜ੍ਹ ਕਾਲਜ ਆਫ ਹਾਸਪਿਟੈਲਿਟੀ (ਸੀਸੀਐਚ), ਸੀਜੀਸੀ ਲਾਂਡਰਾਂ ਵੱਲੋਂ ਇੱਕ ਰਜਿਸਟਰਡ ਐਨਜੀਓ, ਲੈਟਸ ਗਿਵ ਬੈਕ ਵੱਲੋਂ ਸਮਰਥਤ ਰਸੋਈ ਮੁਕਾਬਲੇ ‘ਕਹੀਂ ਗੁਮ ਨਾ ਹੋ ਜਾਏਂ’ ਸੀਜ਼ਨ-9 ਦੇ ਪੰਜਾਬ ਐਡੀਸ਼ਨ ਦੀ ਮੇਜ਼ਬਾਨੀ ਕੀਤੀ ਗਈ। ‘ਮਾਈ ਸਟੇਟ ਇਨ ਮਾਈ ਪਲੇਟ’ ਥੀਮ ਦੇ ਆਲੇ-ਦੁਆਲੇ ਕੇਂਦਰਿਤ, ਇਸ ਪਹਿਲਕਦਮੀ ਨੇ ਅਜਿਹੀਆਂ ਰਸੋਈ ਪਰੰਪਰਾਵਾਂ, ਭੁੱਲੀਆਂ ਹੋਈਆਂ ਪਕਵਾਨਾਂ ਅਤੇ ਖੇਤਰੀ ਪਕਵਾਨਾਂ ਨੂੰ ਇੱਕੋ ਮੰਚ ’ਤੇ ਲਿਆਂਦਾ ਜੋ ਕਿ ਭਾਰਤ ਦੀ ਅਮੀਰ ਅਤੇ ਵਿਭਿੰਨ ਭੋਜਨ ਵਿਰਾਸਤ ਨੂੰ ਉਜਾਗਰ ਕਰਦੀਆਂ ਹਨ। ਟ੍ਰਾਈਸਿਟੀ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਲਗਭਗ 40 ਭਾਗੀਦਾਰਾਂ ਨੇ ਹਿੱਸਾ ਲਿਆ। ਜੱਜਿੰਗ ਰਾਊਂਡ ਦੌਰਾਨ ਰਵਾਇਤੀ ਪਕਵਾਨਾਂ ਅਤੇ ਵੱਖ-ਵੱਖ ਕੁਲਿਨਰੀ ਪੇਸ਼ਕਾਰੀਆਂ ਦੀ ਵਿਭਿੰਨ ਪ੍ਰਦਰਸ਼ਨੀ ਦੇਖਣ ਨੂੰ ਮਿਲੀ, ਜਿਨ੍ਹਾਂ ਵਿੱਚ ਹਰ ਐਂਟਰੀ ਖੇਤਰੀ ਸੱਭਿਆਚਾਰ ਅਤੇ ਵਿਰਾਸਤ ਨਾਲ ਜੁੜੀ ਹੋਈ ਸੀ।ਇਸ ਮੌਕੇ ਸ਼੍ਰੀਮਤੀ ਰਿਤੂ ਸੋਨੀ ਨੂੰ ਮੁਕਾਬਲੇ ਦੀ ਜੇਤੂ ਚੁਣਿਆ ਗਿਆ ਅਤੇ ਸ਼੍ਰੀਮਤੀ ਅਨੀਤਾ ਬਲਾਨਾ ਪਹਿਲੀ ਉਪ-ਜੇਤੂ ਰਹੀ।
ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਇੱਕ ਵਿਸ਼ੇਸ਼ ਸਨਮਾਨ ਸਮਾਰੋਹ ਨਾਲ ਹੋਈ ਜਿਸ ਵਿੱਚ ਮੁੱਖ ਮਹਿਮਾਨ, ਪਦਮ ਸ਼੍ਰੀ ਸ਼ੈੱਫ ਡਾ.ਸੰਜੀਵ ਕਪੂਰ, ਸ.ਰਸ਼ਪਾਲ ਸਿੰਘ ਧਾਲੀਵਾਲ, ਪ੍ਰਧਾਨ, ਸੀਜੀਸੀ ਲਾਂਡਰਾਂ, ਸ਼੍ਰੀ ਤਰੁਣਪ੍ਰੀਤ ਸਿੰਘ ਸੋਂਡ, ਮਾਨਯੋਗ ਕੈਬਨਿਟ ਮੰਤਰੀ, ਪੰਜਾਬ ਸਰਕਾਰ, ਜਿਨ੍ਹਾਂ ਕੋਲ ਸੈਰ ਸਪਾਟਾ ਅਤੇ ਸੱਭਿਆਚਾਰਕ ਮਾਮਲੇ, ਨਿਵੇਸ਼ ਪ੍ਰਮੋਸ਼ਨ, ਕਿਰਤ, ਪ੍ਰਾਹੁਣਚਾਰੀ, ਉਦਯੋਗ ਅਤੇ ਵਣਜ ਅਤੇ ਪੇਂਡੂ ਵਿਕਾਸ ਅਤੇ ਪੰਚਾਇਤਾਂ ਦੇ ਵਿਭਾਗ ਹਨ; ਕਰਨਲ ਅਤੁਲ ਸਕਸੈਨਾ, ਸਹਿ ਸੰਸਥਾਪਕ, ‘ਕਹੀਂ ਗੁਮ ਨਾ ਹੋ ਜਾਏਂ’, ਡਾ.ਵਿਮਲ ਕੁਮਾਰ, ਡਾਇਰੈਕਟਰ ਪ੍ਰਿੰਸੀਪਲ, ਸੀਸੀਐਚ, ਸੀਜੀਸੀ ਲਾਂਡਰਾਂ, ਡਾ.ਰਾਜਦੀਪ ਸਿੰਘ, ਕੈਂਪਸ ਡਾਇਰੈਕਟਰ, ਸੀਜੀਸੀ ਲਾਂਡਰਾਂ, ਸਾਬਕਾ ਵਿਧਾਇਕ ਐਸ ਗੁਰਪ੍ਰੀਤ ਸਿੰਘ ਜੀਪੀ ਅਤੇ ਸ਼੍ਰੀਮਤੀ ਸਰਿਤਾ ਖੁਰਾਨਾ, ਪੋਸ਼ਣ ਵਿਗਿਆਨੀ, ਭੋਜਨ ਲੇਖਕ ਅਤੇ ਕੁੱਕਰੀ ਮਾਹਰ ਸਮੇਤ ਹੋਰ ਸ਼ਾਮਲ ਸਨ। ਇਸ ਸਮਾਗਮ ਨੂੰ ਸ਼੍ਰੀਮਤੀ ਰੀਨਾ ਮੁਖਰਜੀ, ਮੁੱਖ ਕੋਆਰਡੀਨੇਟਰ ਅਤੇ ਸਟੇਟ ਕੋਆਰਡੀਨੇਟਰ ਪ੍ਰਿਯੰਕਾ ਜੈਨ ਦਾ ਸਹਿਯੋਗ ਪ੍ਰਾਪਤ ਹੋਇਆ।
ਇਸ ਸਮਾਗਮ ਨੂੰ ਪਦਮ ਸ਼੍ਰੀ ਪੁਰਸਕਾਰ ਜੇਤੂ ਸੇਲਿਬ੍ਰਿਟੀ ਸ਼ੈੱਫ ਸੰਜੀਵ ਕਪੂਰ, ਸ਼ੈੱਫ ਰਣਵੀਰ ਬਰਾੜ ਅਤੇ ਸ਼ੈੱਫ ਵਿਕਾਸ ਖੰਨਾ ਅਤੇ ਨਾਲ ਹੀ ਪ੍ਰਸਿੱਧ ਬਾਲੀਵੁੱਡ ਅਦਾਕਾਰਾ ਸੁਚਿੱਤਰਾ ਪਿੱਲਈ ਦਾ ਸਹਿਯੋਗ ਮਿਲਿਆ।
ਜੱਜਿੰਗ ਪੈਨਲ ਵਿੱਚ ਸ਼ੈੱਫ ਵਿਸ਼ਵਦੀਪ ਸਿੰਘ ਬਾਲੀ, ਸ਼ੈੱਫ ਵਿਕਾਸ ਚਾਵਲਾ ਅਤੇ ਡਾ.ਵਿਮਲ ਕੁਮਾਰ, ਡਾਇਰੈਕਟਰ ਪ੍ਰਿੰਸੀਪਲ, ਐਚਐਮਸੀਟੀ ਸ਼ਾਮਲ ਸਨ।ਉਨ੍ਹਾਂ ਨੇ ਪ੍ਰਤੀਯੋਗੀਆਂ ਦੀਆਂ ਐਂਟਰੀਆਂ ਦੇ ਮੁਲਾਂਕਣ ਲਈ ਆਪਣੀ ਮੁਹਾਰਤ, ਤਜਰਬਾ ਅਤੇ ਦ੍ਰਿਸ਼ਟੀਕੋਣ ਲਿਆਇਆ।
ਇਸ ਮੌਕੇ ਬੋਲਦੇ ਹੋਏ ਪਦਮ ਸ਼੍ਰੀ ਸ਼ੈੱਫ ਡਾ.ਸੰਜੀਵ ਕਪੂਰ ਨੇ ਇਸ ਵਿਲੱਖਣ ਪਹਿਲਕਦਮੀ ਲਈ ਪ੍ਰਬੰਧਕਾਂ ਦੀ ਸ਼ਲਾਘਾ ਕੀਤੀ ਅਤੇ ਖਾਸ ਤੌਰ ’ਤੇ ਸਹਿ-ਸੰਸਥਾਪਕ ਕਰਨਲ ਸਕਸੈਨਾ ਦਾ ਇਸ ਦਾ ਹਿੱਸਾ ਬਣਨ ਲਈ ਸੱਦਾ ਦੇਣ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਭਾਗੀਦਾਰਾਂ ਨੂੰ ਉਸ ਚੀਜ਼ ਨੂੰ ਅੱਗੇ ਵਧਾਉਣ ਲਈ ਪ੍ਰੇਰਿਤ ਕੀਤਾ ਜਿਸ ਬਾਰੇ ਉਹ ਭਾਵੁਕ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਚੁਣੇ ਹੋਏ ਖੇਤਰਾਂ ਵਿੱਚ ਆਗੂ ਬਣਨ ਲਈ ਉਤਸ਼ਾਹਿਤ ਕੀਤਾ। ਸਾਰੇ ਭਾਗੀਦਾਰਾਂ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹੋਏ, ਉਨ੍ਹਾਂ ਨੇ ਕਿਹਾ ਕਿ ਲੀਡਰਸ਼ਿਪ ਲਈ ਸਖ਼ਤ ਮਿਹਨਤ ਦੀ ਲੋੜ ਹੁੰਦੀ ਹੈ ਅਤੇ ਉਨ੍ਹਾਂ ਦਾ ਵਿਸ਼ਵਾਸ਼ ਹੈ ਕਿ ਉਹ ਸਾਰੇ ਆਪਣੇ ਚੁਣੇ ਹੋਏ ਖੇਤਰਾਂ ਵਿੱਚ ਮਹਾਨ ਆਗੂ ਬਣੋਗੇ, ਭਾਵੇਂ ਉਹ (ਕੁਲਿਨਰੀ)ਰਸੋਈ ਦੀ ਦੁਨੀਆ ਵਿੱਚ ਹੋਵੇ ਜਾਂ ਜ਼ਿੰਦਗੀ ਵਿੱਚ। ਇਸਨੂੰ ਸੰਭਵ ਕਰ ਕੇ ਦਿਖਾਓ। ਉਨ੍ਹਾਂ ਨੇ ਹਰੇਕ ਭਾਗੀਦਾਰ ਦੁਆਰਾ ਕੀਤੀ ਜਾ ਰਹੀ ਸਖ਼ਤ ਮਿਹਨਤ ਦੀ ਸ਼ਲਾਘਾ ਕੀਤੀ ਅਤੇ ਸਾਰਿਆਂ ਨੂੰ ਭੋਜਨ ਤੋਂ ਲੈ ਕੇ ਜੀਵਨ ਤੱਕ ਹਰ ਚੀਜ਼ ਵਿੱਚ ਚੰਗਾ ਦੇਖਣ ਅਤੇ ਆਪਣੇ ਆਲੇ-ਦੁਆਲੇ ਦੇ ਲੋਕਾਂ ਦੀ ਕਦਰ ਕਰਨ ਲਈ ਉਤਸ਼ਾਹਿਤ ਕੀਤਾ। ਉਨ੍ਹਾਂ ਨੇ ਸਾਰੇ ਭਾਗੀਦਾਰਾਂ ਨੂੰ ਉਨ੍ਹਾਂ ਦੁਆਰਾ ਕੀਤੇ ਗਏ ਹਰ ਕੰਮ ਵਿੱਚ ਸਫਲਤਾ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
ਮਾਣਯੋਗ ਕੈਬਨਿਟ ਮੰਤਰੀ, ਸ਼੍ਰੀ ਸੋਂਡ ਨੇ ਸੀਜੀਸੀ ਲਾਂਡਰਾਂ, ਚੰਡੀਗੜ੍ਹ ਕਾਲਜ ਆਫ਼ ਹਾਸਪਿਟੈਲਿਟੀ ਸਣੇ ਸੀਜੀਸੀ ਲਾਂਡਰਾਂ ਦੇ ਪ੍ਰਧਾਨ, ਸ਼੍ਰੀ ਰਸ਼ਪਾਲ ਸਿੰਘ ਧਾਲੀਵਾਲ ਦੀ ਸ਼ਲਾਘਾ ਕੀਤੀ, ਜਿਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਸਿੱਖਣ, ਐਕਸਪੋਜ਼ਰ ਹਾਸਲ ਕਰਨ ਅਤੇ ਅਜਿਹੀਆਂ ਪਹਿਲਕਦਮੀਆਂ ਦਾ ਹਿੱਸਾ ਬਣਨ ਦੇ ਮੌਕੇ ਪ੍ਰਦਾਨ ਕੀਤੇ। ਉਨ੍ਹਾਂ ਨੇ ਇਸ ਵਿਲੱਖਣ ਰਸੋਈ (ਕੁਲਿਨਰੀ) ਪਹਿਲਕਦਮੀ ਲਈ ਪ੍ਰਬੰਧਕਾਂ ਦੀ ਵੀ ਸ਼ਲਾਘਾ ਕੀਤੀ। ਪਦਮ ਸ਼੍ਰੀ ਸ਼ੈੱਫ ਡਾ.ਸੰਜੀਵ ਕਪੂਰ ਦਾ ਪੰਜਾਬ ਵਿੱਚ ਬਹੁਤ ਨਿੱਘਾ ਸਵਾਗਤ ਕਰਦੇ ਹੋਏ, ਉਨ੍ਹਾਂ ਨੇ ਰਸੋਈ ਖੇਤਰ ਵਿੱਚ ਉਨ੍ਹਾਂ ਦੇ ਵਿਸ਼ਾਲ ਯੋਗਦਾਨ ਅਤੇ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਲੱਖਾਂ ਨੌਜਵਾਨਾਂ ਲਈ ਪ੍ਰੇਰਨਾ ਵਜੋਂ ਉਨ੍ਹਾਂ ਦੀ ਭੂਮਿਕਾ ਨੂੰ ਸਵੀਕਾਰ ਕੀਤਾ, ਜਿਸ ਨਾਲ ਦੇਸ਼ ਦਾ ਮਾਣ ਵਧਿਆ ਹੈ। ਉਨ੍ਹਾਂ ਨੇ ਸ਼ੈੱਫ ਡਾ.ਸੰਜੀਵ ਕਪੂਰ ਨੂੰ ਲੋਕਾਂ, ਖਾਸ ਕਰਕੇ ਨੌਜਵਾਨਾਂ ਲਈ ਪੇ੍ਰਣਾ ਦਾ ਇੱਕ ਚਾਨਣ ਮੁਨਾਰਾ ਦੱਸਿਆ, ਜੋ ਉਨ੍ਹਾਂ ਦੀ ਉਦਾਹਰਣ ਅਤੇ ਪ੍ਰਾਪਤੀਆਂ ਦੁਆਰਾ ਤੋਂ ਪ੍ਰੇਰਿਤ ਹੋਰ ਕੇ ਉੱਦਮੀ ਬਣਨ ਅਤੇ ਆਪਣੇ ਚੁਣੇ ਹੋਏ ਖੇਤਰਾਂ ਚਾਹੇ ਉਹ ਮਹਿਮਾਨ ਨਿਵਾਜ਼ੀ ਹੋਵੇ ਜਾਂ ਕੋਈ ਹੋਰ ਪੇਸ਼ਾ ਆਦਿ ਵਿੱਚ ਉੱਤਮਤਾ ਪ੍ਰਾਪਤ ਕਰਨ ਲਈ ਪ੍ਰੇਰਿਤ ਹੁੰਦੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਭੋਜਨ ਦੀ ਮਹੱਤਤਾ ’ਤੇ ਜ਼ੋਰ ਦਿੰਦਿਆਂ ਉਜਾਗਰ ਕੀਤਾ ਕਿ ਕਿਵੇਂ ਰੋਜ਼ਾਨਾ ਸਮੱਗਰੀ ਨੂੰ ਅਸਾਧਾਰਨ ਪਕਵਾਨਾਂ ਅਤੇ ਰਸੋਈ ਰਚਨਾਵਾਂ ਵਿੱਚ ਬਦਲਿਆ ਜਾ ਸਕਦਾ ਹੈ, ਪਕਵਾਨਾਂ ਅਤੇ ਪਰੰਪਰਾਵਾਂ ਅਕਸਰ ਪੀੜ੍ਹੀ ਦਰ ਪੀੜ੍ਹੀ ਅੱਗੇ ਵਧਦੀਆਂ ਰਹਿੰਦੀਆਂ ਹਨ। ਉਨ੍ਹਾਂ ਨੇ ਆਪਣੇ ਭਾਸ਼ਣ ਦੀ ਸਮਾਪਤੀ ਕਰਦਿਆਂ ਕਿਹਾ ਕਿ, ਇਸ ਇੱਕ ਜੀਵਨ ਵਿੱਚ, ਇਸ ਛੋਟੇ ਜਿਹੇ ਸਮੇਂ ਵਿੱਚ, ਆਓ ਇਸਦੀ ਵਰਤੋਂ ਆਪਣਾ ਸਭ ਤੋਂ ਵਧੀਆ ਕਰਨ, ਸਮਾਜ ਅਤੇ ਦੁਨੀਆ ਨੂੰ ਵਾਪਸ ਦੇਣ ਅਤੇ ਕੁਝ ਵਿਲੱਖਣ ਅਤੇ ਯਾਦਗਾਰ ਬਣਾਉਣ ਲਈ ਕਰੀਏ।
‘ਕਹੀਂ ਗੁਮ ਨਾ ਹੋ ਜਾਏ’ ਸੀਜ਼ਨ-9 ਦਾ ਇਹ ਐਡੀਸ਼ਨ ਭਾਰਤ ਭਰ ਵਿੱਚ 22 ਤੋਂ ਵੱਧ ਸਥਾਨਾਂ ਅਤੇ ਵਿਦੇਸ਼ਾਂ ਵਿੱਚ ਕੈਨੇਡਾ, ਨਿਊਜ਼ੀਲੈਂਡ ਅਤੇ ਅਮਰੀਕਾ ਸਣੇ ਵੱਖ-ਵੱਖ ਥਾਵਾਂ ’ਤੇ ਕਰਵਾਇਆ ਜਾ ਰਿਹਾ ਹੈ। ਇਸ ਪਹਿਲਕਦਮੀਂ ਦੀ ਸਥਾਪਨਾ ਮਰਹੂਮ ਸ੍ਰੀਮਤੀ ਬਬੀਤਾ ਸਕਸੈਨਾ ਵੱਲੋਂ ਸਾਲ 2016 ਵਿੱਚ ਕੀਤੀ ਗਈ ਸੀ ਅਤੇ ਇਹ ਹੁਣ ਕੋ ਫਾਊਂਡਰ ਕਰਨਲ ਅਤੁਲ ਸਕਸੈਨਾ ਦੀ ਰਹਿਨੁਮਾਈ ਹੇਠ ਲਗਾਤਾਰ ਅੱਗੇ ਵੱਧ ਰਹੀ ਹੈ। ਉਨ੍ਹਾਂ ਨੇ ਸੀਸੀਐਚ, ਸੀਜੀਸੀ ਲਾਂਡਰਾਂ ਅਤੇ ਡਾ.ਵਿਮਲ ਦਾ ਮੇਜ਼ਬਾਨ ਅਤੇ ਵੇਨਿਊ ਪਾਰਟਨਰ ਵਜੋਂ ਪਾਏ ਕੀਮਤੀ ਯੋਗਦਾਨ ਅਤੇ ਸਮਾਗਮ ਨੂੰ ਸਫਲ ਬਣਾਉਣ ਲਈ ਵਿਸ਼ੇਸ਼ ਧੰਨਵਾਦ ਕੀਤਾ।ਚੰਡੀਗੜ੍ਹ ਦੇ ਚੋਟੀ ਦੇ ਦੋ ਜੇਤੂ ਦਿੱਲੀ ਵਿੱਚ ਹੋਣ ਵਾਲੇ ਗ੍ਰੈਂਡ ਫਿਨਾਲੇ ਵਿੱਚ ਰਾਜ ਦੀ ਨੁਮਾਇੰਦਗੀ ਕਰਨਗੇ। ਰਾਸ਼ਟਰੀ ਪੱਧਰ ’ਤੇ ਚੋਟੀ ਦੇ ਤਿੰਨ ਰਾਸ਼ਟਰੀ ਜੇਤੂਆਂ ਲਈ ਕੁੱਲ 1, 50, 000 ਰੁਪਏ ਦੀ ਇਨਾਮੀ ਰਾਸ਼ੀ ਰੱਖੀ ਗਈ ਹੈ। ਇਹ ਪ੍ਰੋਗਰਾਮ ਪਕਵਾਨਾਂ, ਰਸੋਈ ਅਭਿਆਸਾਂ ਅਤੇ ਭੋਜਨ ਪਰੰਪਰਾਵਾਂ ਨੂੰ ਦਸਤਾਵੇਜ਼ੀਕਰਨ ਅਤੇ ਜਸ਼ਨ ਮਨਾਉਣ ਲਈ ਇੱਕ ਵਧੀਆ ਮੰਚ ਸਾਬਤ ਹੋਇਆ ਜੋ ਭਾਈਚਾਰਿਆਂ ਅਤੇ ਪੀੜ੍ਹੀਆਂ ਨੂੰ ਆਪਸ ਵਿੱਚ ਜੋੜਦੀਆਂ ਹਨ। ਸੀਜੀਸੀ ਲਾਂਡਰਾਂ ਦੇ ਇਸ ਐਡੀਸ਼ਨ ਨੇ ਭੋਜਨ, ਸੱਭਿਆਚਾਰ ਅਤੇ ਵਿਰਾਸਤ ਨੂੰ ਇੱਕੋ ਮੰਚ ’ਤੇ ਇਕੱਠਾ ਕੀਤਾ ਅਤੇ ਇੱਕ ਅਜਿਹਾ ਮਾਹੌਲ ਸਿਰਜਿਆ ਜਿੱਥੇ ਰਵਾਇਤੀ ਸੁਆਦਾਂ ਅਤੇ ਉਨ੍ਹਾਂ ਦੇ ਪਿੱਛੇ ਜੁੜੀਆਂ ਕਹਾਣੀਆਂ ਨੂੰ ਮਨਾਇਆ ਅਤੇ ਯਾਦ ਕੀਤਾ ਜਾ ਸਕੇ।